10, 12 ക്ളാസ്സുകളില് വിജയം നേടുന്ന കൊല്ലം പ്രവാസി അസ്സോസിയേഷന് ബഹ്റൈന് അംഗങ്ങളുടെ കുട്ടികള്ക്കായി ഏര്പ്പെടുത്തിയ കെ.പി.എ എഡ്യൂക്കേഷന് എക്സലന്സ് അവാര്ഡുകള് സമ്മാനിച്ചു. ബഹ്റൈനിലും, കേരളത്തിലും പഠിച്ച 31 കുട്ടികളാണ് ഈ വര്ഷത്തെ അവാര്ഡിന് അര്ഹരായത്. ബഹ്റൈനില് പഠിച്ച കുട്ടികള് നേരിട്ടും, നാട്ടില് പഠിച്ച കുട്ടികളുടെ രക്ഷിതാക്കളും ബഹ്റൈന് കാള്ട്ടന് ഹോട്ടലില് വച്ച് സംഘടിപ്പിച്ച അവാര്ഡ് ദാന ചടങ്ങില് വിശിഷ്ടാഥികളില് നിന്നും അവാര്ഡുകള് ഏറ്റു വാങ്ങി. കെ.പി.എ പ്രസിഡന്റ് നിസാര് കൊല്ലം അദ്ധ്യക്ഷനായ ചടങ്ങ് ഇന്ത്യന് സ്കൂള് ചെയര്മാന് പ്രിന്സ് നടരാജന് ഉത്ഘാടനം ചെയ്തു. മുതിര്ന്ന മാധ്യമ പ്രവര്ത്തകന് പി. ഉണ്ണികൃഷ്ണന് മുഖ്യാതിഥിയായും, ഹവാര് ഇന്റര്നാഷണല് സ്കൂള് പ്രിന്സിപ്പല് സജിത സതീഷ് വിശിഷ്ടാതിഥിയായും പങ്കെടുത്തു. കെ.പി.എ ജനറല് സെക്രട്ടറി ജഗത് കൃഷ്ണകുമാര് സ്വാഗതവും കെ.പി.എ ട്രെഷറര് രാജ് കൃഷ്ണന് നന്ദിയും അറിയിച്ചു. അവാര്ഡ് കമ്മിറ്റി കണ്വീനേഴ്സ് ആയ അനോജ് മാസ്റ്റര്, റോജി ജോണ് , കെ.പി.എ വൈസ് പ്രസിഡന്റ് വിനു ക്രിസ്റ്റി, സെക്രട്ടറി കിഷോര് കുമാര്, ലേഡീസ് വിങ് ഭാരവാഹികള് എന്നിവര് ചടങ്ങുകള്ക്ക് നേതൃത്വം നല്കി.
VIDEO: https://we.tl/t-7LowyWTOMT