ന്യൂഡല്ഹി: ജെഎന്യു വിദ്യാര്ഥി യൂണിയന് മുന് പ്രസിഡന്റും യുവ സിപിഐ നേതാവുമായ കനയ്യകുമാറും ഗുജറാത്തിലെ സ്വതന്ത്ര എംഎല്എയും ദളിത് നേതാവുമായ ജിഗ്നേഷ് മേവാനിയും കോണ്ഗ്രസില്. ചൊവ്വാഴ്ച വൈകുന്നേരം എഐസിസി ആസ്ഥാനത്തു നടന്ന ചടങ്ങില് രാഹുല്ഗാന്ധിയുടെ സിന്നിധ്യത്തിലാണ് ഇരുനേതാക്കളും കോണ്ഗ്രസ് പാര്ട്ടിയുടെ ഭാഗമായത്.
ബിഹാര് സ്വദേശിയാണു കനയ്യകുമാര് 2019 തെരഞ്ഞെടുപ്പിന് മുന്നോടിയായി സിപിഐയില് ചേര്ന്നിരുന്നു. ബിഹാറിലെ ബഗുസാരിയയില് ബിജെപിയുടെ ഗിരാജ് സിംഗിനെതിരെ മത്സരിക്കുകയും ചെയ്തു. എന്നാല് വിജയിക്കാനായില്ല.
ഗുജറാത്ത് വഡ്ഗാമില്നിന്നുള്ള എംഎല്എയാണ് മേവാനി. 2017ല് കോണ് ഗ്രസ് പിന്തുണയോടെയാണ് മേവാനി വിജയിച്ചത്.
ദേശീയ നേതൃത്വവുമായുള്ള അഭിപ്രായ ഭിന്നതയെത്തുടര്ന്നാണ് കനയ്യ സിപിഐ വിട്ടത്. കനയ്യയോടു സിപിഐയില് ഒരു വിഭാഗത്തിനു വലിയ താല്പര്യമില്ലായിരുന്നു എന്നു റിപ്പോര്ട്ടുണ്ട്. ദളിത് നേതാവും ഗുജറാത്തിലെ വഡ്ഗാം മണ്ഡലത്തില് നിന്നുള്ള എംഎല്എയുമായ ജിഗ്നേഷ് മേവാനിയെ കോണ്ഗ്രസ് സംസ്ഥാന വര്ക്കിങ് പ്രസിഡന്റ് സ്ഥാനത്തേക്ക് പരിഗണിച്ചേക്കുമെന്നാണ് റിപ്പോര്ട്ടുകള്