വാഷിംഗ്ടൺ, ഡി.സി: പ്രസിഡന്റ് ജോ ബൈഡൻ തിങ്കളാഴ്ച ഉച്ചയ്ക്ക് വൈറ്റ് ഹൗസിൽ കോവിഡ് -19 വാക്സിൻ ബൂസ്റ്റർ ഷോട്ട് സ്വീകരിച്ചു.
'ഈ പകർച്ചവ്യാധിയെ ചെറുക്കാനും ജീവൻ രക്ഷിക്കാനും, നമ്മുടെ കുട്ടികളെ സുരക്ഷിതമായി നിലനിർത്താനും, വിദ്യാലയങ്ങൾ തുറക്കാനും, നമ്മുടെ സമ്പദ്വ്യവസ്ഥ മുന്നോട്ട് കൊണ്ടുപോകാനും, എല്ലാവർക്കും പ്രതിരോധ കുത്തിവയ്പ്പ് നൽകണമെന്ന് നമുക്കറിയാം,' ഷോട്ടിന് മുന്നോടിയായി നടത്തിയ പരാമർശങ്ങളിൽ പ്രസിഡന്റ് പറഞ്ഞു. 'ദയവായി ശരിയായ കാര്യം ചെയ്യുക. ദയവായി ഈ ഷോട്ടുകൾ നേടുക. നിങ്ങളുടെ ജീവൻ രക്ഷിക്കാനും നിങ്ങളുടെ ചുറ്റുമുള്ളവരുടെ ജീവൻ രക്ഷിക്കാനും അതിനു കഴിയും,' അദ്ദേഹം പറഞ്ഞു.
ജനുവരിയിൽ പ്രസിഡന്റ് സ്ഥാനം ഏറ്റെടുക്കുന്നതിന് മുന്നോടിയായി ബൈഡൻ ആദ്യ രണ്ട് ഡോസ് വാക്സിനും സ്വീകരിച്ചിരുന്നു.
കോവിഡ് -19 വാക്സിൻ ഷോട്ടുകൾ ലഭിച്ചതിന് ശേഷം തനിക്ക് പാർശ്വഫലങ്ങളൊന്നുമുണ്ടായില്ലെന്ന് അദ്ദേഹം പറഞ്ഞു.
'നിങ്ങൾ ഈ വിഭാഗങ്ങളിൽ പെടുകയാണെങ്കിൽ, നിങ്ങൾക്ക് ബൂസ്റ്ററിന് അർഹതയുണ്ട്. തോന്നില്ലെങ്കിലും ഞാൻ 65 വയസ്സിനു മുകളിലാണ്. അതിനാലാണ് ബൂസ്റ്റർ ഷോട്ട് എനിക്ക് ലഭിക്കുന്നത്.
'ബൂസ്റ്ററുകൾ പ്രധാനമാണ്, എന്നാൽ നമ്മൾ ചെയ്യേണ്ട ഏറ്റവും പ്രധാനപ്പെട്ട കാര്യം കൂടുതൽ ആളുകൾക്ക് പ്രതിരോധ കുത്തിവയ്പ്പ് നൽകുക എന്നതാണ്,' ബൈഡൻ പറഞ്ഞു.
"ബഹുഭൂരിപക്ഷം അമേരിക്കക്കാർക്കും - 77 ശതമാനത്തിലധികം- ഒരു ഷോട്ടെങ്കിലും ലഭിച്ചിട്ടുണ്ട്. ഏകദേശം 23 ശതമാനം പേർക്ക് ഒരു ഷോട്ടും കിട്ടിയിട്ടില്ല. ആ ന്യൂനപക്ഷം ആൺ ദോഷത്തിനു കാരണമാകുന്നത്, "അദ്ദേഹം പറഞ്ഞു.