Image

വാറിംഗ്ടണ്‍ മലയാളി അസോസിയേഷനു പുതിയ നേതൃത്വം

Published on 25 September, 2021
 വാറിംഗ്ടണ്‍ മലയാളി അസോസിയേഷനു പുതിയ നേതൃത്വം

വാറിംഗ്ടണ്‍ (ലണ്ടന്‍): യുകെയിലെ കലാകായിക സാംസ്‌കാരി മേഘലകളില്‍ അറിയപ്പെടുന്ന വാറിംഗ്ടണ്‍ മലയാളി അസോസിയേഷന്റെ ഓണാഘോഷത്തോടനുബന്ധിച്ചു നടന്ന പൊതുയോഗത്തില്‍ പുതിയ ഭാരവാഹികളെ തെരഞ്ഞെടുത്തു.

ആല്‍ഫോര്‍ഡ് ഹാളില്‍ നടന്ന യോഗത്തില്‍ പ്രസിഡന്റ് സുരേഷ് നായര്‍ അധ്യക്ഷത വഹിച്ചു. സെക്രട്ടറി ജോബി സൈമണ്‍ റിപ്പോര്‍ട്ടും ട്രഷറര്‍ ദീപക്ക് ജേക്കബ് വരവ് ചെലവ് കണക്കുകളും അവതരിപ്പിച്ചു. പുതിയ ഭാരവാഹികളായി ജോര്‍ജ് ജോസഫ് (പ്രസിഡന്റ്), റോസീന പ്രിന്‍സ് (വൈസ് പ്രസിഡന്റ്), ജെനു ജോസഫ് (സെക്രട്ടറി), ബിജോയ് മാത്യു (ജോയിന്റ് സെക്രട്ടറി), ഷെയ്‌സ് ജേക്കബ് (ട്രഷറര്‍), ഷീജോ വര്‍ഗീസ് (പിആര്‍ഒ) എന്നിവരേയും എക്‌സിക്യുട്ടീവ് കമ്മിറ്റി അംഗങ്ങളായി സിറിയക്ക് ജോണ്‍, രമ്യ കിരണ്‍. എന്നിവരെയും തെരഞ്ഞെടുത്തു.


രണ്ടു വര്‍ഷത്തെ ഇടവേളയ്ക്കു ശേഷം നടന്ന ഓണാഘോഷം കുട്ടികളും മുതിര്‍ന്നവരും പുതിയതായി വാറിംഗ്ടണിലെത്തിയ പുതുമുഖങ്ങളും ചേര്‍ന്ന് കെങ്കേമമാക്കി.

ശിങ്കാരിമേളത്തോടെയും താലപ്പൊലിയോടെയും മാവേലിയുടെ എഴുന്നള്ളത്തും മാവേലി നടനവും ഓണസദ്യയും കലാസന്ധ്യയും എല്ലാവര്‍ക്കും പുത്തനുണര്‍വാണ് സമ്മാനിച്ചത്.

സമാപന സമ്മേളനത്തില്‍ ജിസിഎസ്ഇ പരീക്ഷയില്‍ ഉന്നത വിജയം കരസ്ഥമാക്കിയ അന്ന പ്രിന്‍സ് ജേയിംസിനെ പുരസ്‌കാരം നല്കി ആദരിച്ചു. വിവിധ മത്സരങ്ങളില്‍ വിജയിച്ച എല്ലാവര്‍ക്കും സമ്മാനങ്ങള്‍ വിതരണം ചെയ്തു. മുന്‍ വൈസ് പ്രസിഡന്റ് എബി ദീപ നന്ദി പറഞ്ഞു.

അലക്‌സ് വര്‍ഗീസ്

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക