വാഷിംഗ്ടൺ, ഡി.സി:  പ്രധാനമന്ത്രി നരേന്ദ്ര മോദി അവതരിപ്പിച്ച വിവിധ പരിപാടികൾക്ക് കീഴിൽ ഇന്ത്യയിൽ നിക്ഷേപവും  ഉത്പാദനവും നടത്താൻ  വലിയ സാധ്യതയുണ്ടെന്ന്  പ്രധാനമന്ത്രിയ്‌യെ സന്ദർശിച്ച ശേഷം ഹൈടെക് കമ്പനികളുടെ സിഇഒമാർ പറഞ്ഞു.

സെമി കണ്ടക്ടർ    ഉൽപ്പാദനത്തിനുള്ള ഒരു പ്രധാന ലക്ഷ്യസ്ഥാനമായി ഇന്ത്യ മാറുമെന്ന് ഞങ്ങൾ വിശ്വസിക്കുന്നു, വ്യാഴാഴ്ച പ്രധാനമന്ത്രി മോദിയുമായുള്ള കൂടിക്കാഴ്ചയ്ക്ക് ശേഷം ക്വാൽകോം സിഇഒ ക്രിസ്റ്റ്യാനോ അമോൺ വാഷിംഗ്ടണിൽ മാധ്യമപ്രവർത്തകരോട് പറഞ്ഞു.

ക്യാമറകൾ മുതൽ വിമാനങ്ങൾ വരെ ഉപയോഗിക്കുന്ന ചിപ്പുകളുടെ നിർമ്മാണത്തിൽ മുൻപന്തിയിലുള്ള 150 ബില്യൺ ഡോളർ കമ്പനിയുടെ സിഇഒ ആയ അമോൺ , ഇന്ത്യയെ   നിക്ഷേപ ലക്ഷ്യസ്ഥാനമാക്കി മാറ്റുന്നതിനുള്ള മോദിയുടെ   സമീപനം വളരെ വിജയകരമാണെന്ന്  വിലയിരുത്തി.

അമേരിക്കയും മറ്റ് നിരവധി രാജ്യങ്ങളും തങ്ങളുടെ വിതരണ ശൃംഖലകളെയും അവയുടെ ഉത്പാദന കേന്ദ്രങ്ങളെയും കുറിച്ച് പുനർവിചിന്തനം നടത്തുന്നതിനിടയിൽ, ഇന്ത്യയെ സംബന്ധിച്ചിടത്തോളം ഉയർന്ന ശുഭാപ്തിവിശ്വാസമാണ് സി.ഇ.ഓ. മാർ പ്രകടിപ്പിച്ചത്.

ക്വാഡിന്റെ നേതാക്കൾ - പ്രധാനമന്ത്രി മോദി, പ്രസിഡന്റ് ജോ ബൈഡൻ, ജപ്പാനിലെ പ്രധാനമന്ത്രി  യോഷിഹിഡെ സുഗ, ഓസ്ട്രേലിയയിലെ സ്കോട്ട് മോറിസൺ എന്നിവർ വെള്ളിയാഴ്ച ഉച്ചകോടി നടത്തുമ്പോൾ, ഹൈടെക് വൈവിധ്യവൽക്കരണം അവരുടെ മുൻഗണനകളിലൊന്നാണ്. 

ചൊവ്വാഴ്ച യുഎന്നിൽ സംസാരിച്ച പ്രസിഡന്റ് ബൈഡൻ, ഉയർന്നുവരുന്ന സാങ്കേതികവിദ്യകളിലെ വെല്ലുവിളികൾ നേരിടാൻ ക്വാഡ് വികസിപ്പിക്കുമെന്ന് പറഞ്ഞു.

വ്യവസായ  നയവും വ്യാപാര നയവും തമ്മിൽ ശക്തമായ ഒരു സന്തുലിതാവസ്ഥ സൃഷ്ടിക്കാൻ പ്രധാനമന്ത്രി ശ്രമിക്കുന്നത്  ഫസ്റ്റ് സോളാർ സിഇഒ മാർക്ക് വിഡ്മാർ ചൂണ്ടിക്കാട്ടി.  സോളാർ പോലുള്ള കമ്പനികൾക്ക് ഇന്ത്യയിൽ ഉത്പാദനം നടത്താൻ  പറ്റിയ അവസരമാണിത്.

"ആഭ്യന്തര കഴിവുകൾ ഉറപ്പുവരുത്തുന്നതിനും ഊർജ്ജ സ്വാതന്ത്ര്യത്തിലും സുരക്ഷയിലും ശ്രദ്ധ കേന്ദ്രീകരിച്ച് ദീർഘകാല ലക്ഷ്യങ്ങൾ നേടുക എന്നതാണ്   അദ്ദേഹത്തിന്റെ ലക്‌ഷ്യം, വിഡ്മാർ പറഞ്ഞു,  

സോളാർ പവർ സിസ്റ്റങ്ങളുടെ ലോകത്തിലെ ഏറ്റവും വലിയ ഡെവലപ്പറും ഫിനാൻസിയറുമാണ് ഫസ്റ്റ് സോളാർ.

പ്രധാനമന്ത്രി മോദി അവതരിപ്പിച്ച പ്രശംസനീയമായ നയ കുറിപ്പുകളും പരിഷ്കാരങ്ങളും തീർച്ചയായും ഇന്ത്യയിലെ താൽപ്പര്യവും നിക്ഷേപങ്ങളും ഉത്തേജിപ്പിക്കും, ജനറൽ അറ്റോമിക്സ് സിഇഒ വിവേക് ​​ലാൽ ട്വിറ്ററിൽ ട്വിറ്ററിൽ പോസ്റ്റ് ചെയ്ത വീഡിയോയിൽ പറഞ്ഞു. 

"യുഎസ് കമ്പനികളിലെ എന്റെ പല സഹപ്രവർത്തകരും ഇന്ത്യയെ വളരെ പ്രതീക്ഷയുള്ള സ്ഥലമായി കാണുന്നു," അദ്ദേഹം പറഞ്ഞു.

ഇന്ത്യയിലെയും അമേരിക്കയിലെയും പരിഷ്കാരങ്ങൾ ഒരു വിജയ സാഹചര്യം സൃഷ്ടിച്ചുവെന്നും ഇരു രാജ്യങ്ങൾക്കും അവരുടെ സഹകരണത്തിൽ നിന്ന് പ്രയോജനം നേടാനാകുമെന്നും അദ്ദേഹം പറഞ്ഞു.

ജനറൽ ആറ്റോമിക്സ് ഒരു പ്രതിരോധ, സാങ്കേതിക കമ്പനിയാണ്. കൂടാതെ ഡ്രോണുകളുടെ വികസനത്തിലും നിർമ്മാണത്തിലും മുന്നിലുമാണ്.

ഇന്ത്യയിലെ ബിസിനസ്, നിക്ഷേപ അന്തരീക്ഷം മെച്ചപ്പെടുത്തുന്നതിനായി പ്രധാനമന്ത്രിയുടെ പ്രവർത്തനങ്ങളുടെ  വലിയ പിന്തുണക്കാരനും ആരാധകനുമാണ് താനെന്ന് അഡോബി സിഇഒ ശാന്തനു നാരായൺ പറഞ്ഞു. ഇന്ത്യയിലെ സ്റ്റാർട്ടപ്പുകൾക്കുള്ള ആവാസ വ്യവസ്ഥ മികച്ചതാണെന്ന്   അദ്ദേഹം പറഞ്ഞു.

ഇന്ത്യൻ അമേരിക്കക്കാരാണെന്ന  നിലയിൽ, സ്റ്റാർട്ടപ്പുകളെ ശരിക്കും പ്രോത്സാഹിപ്പിക്കാനും ഇന്ത്യയിലെ നിക്ഷേപത്തെ വർധിപ്പിക്കാനും പ്രധാനമന്ത്രി എന്താണ് ചെയ്യുന്നതെന്ന് അറിയുന്നത് പ്രചോദനവും അഭിമാനവും  ആണ്, അദ്ദേഹം പറഞ്ഞു.

ഈ ഇന്ത്യൻ സ്റ്റാർട്ടപ്പുകൾ യഥാർത്ഥത്തിൽ ലോകമെമ്പാടുമുള്ള വളർച്ചയുടെ ഭാഗമാണ്. അതിനാൽ അവരുടെ അഭിലാഷങ്ങൾ ഇന്ത്യയിൽ മാത്രമായി പരിമിതപ്പെടുത്തിയിട്ടില്ല, അവർ യഥാർത്ഥത്തിൽ ചിന്തിക്കുന്നത് ർ ലോകത്തെ എങ്ങനെ കീഴടക്കും എന്നാണ്.

അഡോബി  സർവ്വവ്യാപിയായ ഡോക്യുമെന്റ് സോഫ്‌റ്റ്‌വെയറിന്റെ നിർമ്മാതാവും മൾട്ടി-മീഡിയ സൊല്യൂഷനുകളിൽ മുൻനിരയിലുമാണ്.

ബ്ലാക്ക്‌സ്റ്റോൺ  നിക്ഷേപ കമ്പനിയുടെ സിഇഒ സ്റ്റീഫൻ ഷ്വാർസ്മാനുമായും  പ്രധാനമന്ത്രി മോദി കൂടിക്കാഴ്ച നടത്തി.