മലപ്പുറത്ത് പ്രായപൂര്ത്തിയാകാത്ത പെണ്കുട്ടിയുടെ നിക്കാഹ് നടത്തിയതിനെതിരെ കേസെടുത്തു. മലപ്പുറം കരുവാരക്കുണ്ടില് പ്ലസ് ടുവിന് പഠിക്കുന്ന പ്രായപൂര്ത്തിയാവാത്ത പെണ്കുട്ടിയുടെ നിക്കാഹ് നടത്തിയവര്ക്കെതിരെയാണ് കേസ്. മഹല്ല് ഖാസിയടക്കമുളളവര്ക്കെതിരെയാണ് കരുവാരക്കുണ്ട് പൊലീസ് കേസെടുത്തത്.
ബാലവിവാഹ നിരോധനനിയമപ്രകാരം ഭര്ത്താവ്, രക്ഷിതാക്കള്, മഹല്ല് ഖാസി, ചടങ്ങില് പങ്കെടുത്തവര് എന്നിവര്ക്കെതിരെയാണ് കേസെടുത്തത്. ഇന്നലെയായിരുന്നു ചടങ്ങുകള്. അഞ്ചുവര്ഷം തടവും 10 ലക്ഷം രൂപ പിഴയും ശിക്ഷലഭിക്കാവുന്ന കുറ്റമാണിത്. സംഭവത്തില് കരുവാരക്കുണ്ട് പൊലീസ് അന്വേഷണം ആരംഭിച്ചു