മുസ്ലിംകള് 'ലാന്ഡ് ജിഹാദ്' നടത്തുന്നുവെന്ന ആരോപണവുമായി ബിജെപി എംഎല്എ. രാജസ്ഥാനിലെ മാല്പുരയില് ലാന്ഡ് ജിഹാദ് നടക്കുന്നുവെന്നാണ് ബിജെപി എംഎല്എ കനയ്യ ലാലിന്റെ ആരോപണം. നിയമസഭയിലാണ് എംഎല്എ ഈ ആരോപണം ഉന്നയിച്ചത്.
മാല്പുര പെട്ടെന്ന് അസ്വസ്ഥതകളുണ്ടാകുന്ന പ്രദേശമാണ്. 1950 മുതല് നിരന്തരമായി സാമുദായിക സംഘര്ഷങ്ങള് ഉണ്ടാവുകയും നൂറിലധികം പേര് മരിക്കുകയും ചെയ്തിട്ടുണ്ടെന്ന് എംഎല്എ പറഞ്ഞു.ഞ്ഞു.
'ഹിന്ദുക്കളുടെ വീടുകളും ഭൂമിയും വാങ്ങാന് മുസ്ലിംകള് കാമ്ബെയിന് നടത്തുകയാണ്. സംസ്ഥാന സര്ക്കാര് നിശ്ചയിച്ച നിരക്കിനേക്കാള് ഉയര്ന്ന വിലയ്ക്കാണ് വാങ്ങുന്നത്. അനധികൃതമായി വാങ്ങുന്ന ഈ വീടുകളില് അവര് താമസിക്കാന് തുടങ്ങുന്നു. തുടര്ന്ന് എല്ലാ ദിവസവും ഹിന്ദുക്കളായ അയല്വാസികളുമായി വഴക്കുണ്ടാക്കി ഭീഷണിപ്പെടുത്തുന്നു. ഹിന്ദു പെണ്കുട്ടികളെയടക്കം ആക്ഷേപിക്കുന്നു. ഇത് അരക്ഷിതവും ഭീതിജനകവുമായ അന്തരീക്ഷത്തിലേക്ക് നാടിനെ തള്ളിവിട്ടു. ഈ ഭാഗത്തുനിന്ന് 600-800 ഹിന്ദു കുടുംബങ്ങള് പലായനം ചെയ്തു'- എംഎല്എ ആരോപിച്ചു.
മുസ്ലിംകള് കൂടുതലുള്ള 9 വാര്ഡുകളില് നിന്നാണ് ഈ പലായനമെന്നും എംഎല്എ ആരോപിച്ചു. രണ്ട് വാര്ഡുകളില് ജൈന ക്ഷേത്രങ്ങളുണ്ട്. ഇവിടത്തെ വഴികളില് എല്ലുകള് ഉപേക്ഷിക്കുന്നു. മാല്പുര സബ് ഡിവിഷനല് മജിസ്ട്രേറ്റിനെ സമീപിച്ചെങ്കിലും നടപടിയൊന്നും ഉണ്ടായിട്ടില്ല. ഇത്തരം പ്രവൃത്തികള് തടയാന് കര്ശനമായ നിയമം കൊണ്ടുവരണമെന്നും എംഎല്എ ആവശ്യപ്പെട്ടു.
മാല്പുരയില്നിന്ന് ഹിന്ദു കുടുംബങ്ങള് പലായനം ചെയ്യുകയാണെന്ന് ബിജെപി നേതൃത്വവും ആരോപിക്കുകയുണ്ടായി.