കോടികളുടെ കള്ളപ്പണ ആരോപണം ഉയര്ന്ന എ.ആര്. നഗര് സഹകരണ ബാങ്കില് പ്രതികാര നടപടി. ബാങ്ക് ഭരണ സമിതിയിലെ പ്രമുഖ കക്ഷിയായ ലീഗിന്റെ താത്പര്യപ്രകാരമാണ് നടപടി. ഇവിടെ കൂട്ടസ്ഥലംമാറ്റമാണ് നടത്തിയത്. 32-ഓളം പേരെയാണ് സ്ഥലം മാറ്റിയത്. ക്രമക്കേടുകള് സംബന്ധിച്ച് മൊഴി നല്കിയവരെ തെരഞ്ഞു പിടിച്ചാണ് സ്ഥലം മാറ്റിയതെന്നതാണ് പ്രധാന കാര്യം.
ലീഗിന്റെ നേതൃത്വത്തില് യുഡിഎഫാണ് ഇവിടെ ഭരണം നടത്തുന്നത്. ഇവിടെ 110 കോടിയുടെ അനധികൃത നിക്ഷേപം കണ്ടെത്തിയിരുന്നു . മാത്രമല്ല പത്ത് വര്ഷത്തിനിടെ ആയിരം കോടിയുടെ ഇടപാടുകള് ഇവിടെ നടന്നിട്ടുണ്ടെന്നും മരണപ്പെട്ടവരുടെ പേരില് പോലും അനധികൃത നിക്ഷേപവും അക്കൊണ്ടുകളുമുണ്ടെന്നും കണ്ടെത്തിയിരുന്നു.
103 കോടി രൂപയുടെ കള്ളപ്പണം ആദായനനികുതി വകുപ്പ് കണ്ടുകെട്ടിയിരുന്നു . ഇതേ തുടര്ന്ന് ബാങ്ക് വന് പ്രതിസന്ധിയിലാണ്. 115 കോടി രൂപയോളമാണ് കിട്ടാക്കടം. കഴിഞ്ഞ സാമ്പത്തിക വര്ഷം ബാങ്ക് നഷ്ടത്തിലുമായിരുന്നു. അന്വേഷണം പുരോഗമിക്കുന്നതിനിടെ ജീവനക്കാരെ സ്ഥലം മാറ്റിയത് കേസ് അട്ടിമറിക്കാനാണെന്ന ആരോപണവും ഉണ്ട്.