കോണ്ഗ്രസ് വിട്ട് പോയവര് നേതാക്കളല്ല, മാലിന്യങ്ങളെന്ന് കെ സുധാകരന്.
കെപിസിസി ജനറല് സെക്രട്ടറിമാരായ കെ.പി. അനില് കുമാര്, ജി. രതികുമാര് എന്നിവര് സി.പി.എമ്മില് ചേര്ന്നതിനെ കുറിച്ചുള്ള ചോദ്യങ്ങളോട് രൂക്ഷമായ ഭാഷയിലായിരുന്നു കെപിസിസി പ്രസിഡന്റിന്റെ പ്രതികരണം.
നൂറു പ്രവര്ത്തകരുമായി മറ്റൊരു പാര്ട്ടിയിലേക്ക് പോകുന്നവരെയാണ് നേതാവ് എന്ന് വിളിക്കേണ്ടത്. നിലവില് കോണ്ഗ്രസില് വിട്ട് പോയവരുടെ കൂടെ ആരും പോയിട്ടില്ല. പാര്ട്ടിയില് നിന്ന് നേതാവല്ല മറിച്ച് ഒരു കോണ്ഗ്രസുകാരനാണ് പോയതെന്നും സുധാകരന് ചൂണ്ടിക്കാട്ടി.
കോണ്ഗ്രസില് വരുന്ന മാറ്റത്തിനും പരിവര്ത്തനത്തിനും തടസം നില്കുന്ന ഒരുപാട് മാലിന്യങ്ങളെ പുറത്തേക്ക് തള്ളും. അത്തരം മാലിന്യങ്ങളെ എടുക്കുന്നത് സിപിഎമ്മിന്റെ രാഷ്ട്രീയ പാപ്പരത്തമാണെന്നും കെ. സുധാകരന് വിമര്ശിച്ചു.