കോവിഡ് പ്രതിരോധത്തില്‍ മുന്നണിപ്പോരാളിയായ ആശ രോഗം ബാധിച്ച് മരിച്ചു
Published on 16 September, 2021
ബാലരാമപുരം: കോവിഡ് പ്രതിരോധ പ്രവര്‍ത്തനങ്ങളില്‍ മുന്നണിപ്പോരാളിയായിരുന്ന ബാലരാമപുരം വില്ലിക്കുളം തലയല്‍ മേലെതട്ട് വീട്ടില്‍ സുരേന്ദ്രന്‍ –ഷൈലജ ദമ്പതികളുടെ മകള്‍ എസ്.ആര്‍.ആശ (24) കോവിഡിന് കീഴടങ്ങി. തിങ്കളാഴ്ച രാത്രി നെഞ്ചുവേദന അനുഭവപ്പെട്ടതിനെ തുടര്‍ന്ന് ബാലരാമപുരത്തും നെയ്യാറ്റിന്‍കരയിലും ആശുപത്രികളില്‍ ചികിത്സ തേടിയെങ്കിലും രോഗം മൂര്‍ച്ഛിച്ചതിനെ തുടര്‍ന്ന് തിരുവനന്തപുരത്തെ സ്വകാര്യ ആശുപത്രിയില്‍ വെന്റിലേറ്ററില്‍ പ്രവേശിപ്പിച്ച ആശ ഇന്നലെ രാവിലെ മരിച്ചു.
കോവിഡിന്റെ ആദ്യ തരംഗം മുതല്‍ പോസിറ്റീവ് ആയവരെ ആശുപത്രികളില്‍ എത്തിക്കുന്നതിനും അവര്‍ക്ക് മരുന്നും മറ്റ് സാധനങ്ങളും വീടുകളില്‍ എത്തിക്കുന്നതിനും മുന്നില്‍ നിന്നിരുന്നു. സംസ്കാര ചടങ്ങുകളില്‍ നേരിട്ട് പങ്കെടുത്തിരുന്ന ആശ പഞ്ചായത്തിലെ റാപ്പിഡ് റെസ്‌പോണ്‍സ് ടീം അംഗവും സമൂഹ അടുക്കളയിലെ സ്ഥിര സാന്നിധ്യവുമായിരുന്നു.
പാറശാല ചെറുവാരക്കോണത്തെ സ്വകാര്യ ലോ കോളജില്‍ അവസാന വര്‍ഷ എല്‍എല്‍ബി വിദ്യാര്‍ഥിയായ ആശ കോവിഡ് ബാധിതരുടെ വീടുകളില്‍ അണുനശീകരണം നടത്തുന്നതിനും മുന്‍പന്തിയിലായിരുന്നു. ഡിവൈഎഫ്‌ഐ ബാലരാമപുരം നോര്‍ത്ത് മേഖല കമ്മിറ്റി അംഗവും എസ്എഫ്‌ഐ ലോക്കല്‍ കമ്മിറ്റി വൈസ് പ്രസിഡന്റുമാണ്. സഹോദരങ്ങള്‍: അജേഷ്, ആര്‍ഷ.
കോവിഡിന്റെ ആദ്യ തരംഗം മുതല്‍ പോസിറ്റീവ് ആയവരെ ആശുപത്രികളില്‍ എത്തിക്കുന്നതിനും അവര്‍ക്ക് മരുന്നും മറ്റ് സാധനങ്ങളും വീടുകളില്‍ എത്തിക്കുന്നതിനും മുന്നില്‍ നിന്നിരുന്നു. സംസ്കാര ചടങ്ങുകളില്‍ നേരിട്ട് പങ്കെടുത്തിരുന്ന ആശ പഞ്ചായത്തിലെ റാപ്പിഡ് റെസ്‌പോണ്‍സ് ടീം അംഗവും സമൂഹ അടുക്കളയിലെ സ്ഥിര സാന്നിധ്യവുമായിരുന്നു.
പാറശാല ചെറുവാരക്കോണത്തെ സ്വകാര്യ ലോ കോളജില്‍ അവസാന വര്‍ഷ എല്‍എല്‍ബി വിദ്യാര്‍ഥിയായ ആശ കോവിഡ് ബാധിതരുടെ വീടുകളില്‍ അണുനശീകരണം നടത്തുന്നതിനും മുന്‍പന്തിയിലായിരുന്നു. ഡിവൈഎഫ്‌ഐ ബാലരാമപുരം നോര്‍ത്ത് മേഖല കമ്മിറ്റി അംഗവും എസ്എഫ്‌ഐ ലോക്കല്‍ കമ്മിറ്റി വൈസ് പ്രസിഡന്റുമാണ്. സഹോദരങ്ങള്‍: അജേഷ്, ആര്‍ഷ.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala