പ്രശ്‌നങ്ങളുടെ ഭാഗമായി മാറുകയല്ല പ്രശ്‌നപരിഹാരത്തിന്റെ ഭാഗമായി മാറണം ; പാസ്റ്റര്‍ ജോര്‍ജ് കെ സ്റ്റീഫന്‍സണ്‍
പി പി ചെറിയാന്‍ Published on 15 September, 2021
ചിക്കാഗോ : പ്രശ്‌ന സങ്കീര്‍ണമായ ചുറ്റുപാടുകളിലും സമൂഹത്തിലും ജീവിക്കുമ്പോള്‍ പ്രശ്‌നങ്ങള്‍ സൃഷ്ടിക്കുന്നവരുടെയോ പ്രശ്‌നങ്ങളുടെയോ ഭാഗമായി മാറുകയല്ല മറിച്ച് പ്രശ്‌നപരിഹാരത്തിന്റെ ഭാഗമായി നാം മാറണമെന്ന് ദൈവവചന പണ്ഡിതനും സുവിശേഷകനുമായ പാസ്റ്റര്‍ ജോര്‍ജ് കെ സ്റ്റീഫന്‍സണ്‍ ഉദ്ബോധിപ്പിച്ചു
ഇന്റര്‍നാഷണല്‍ പ്രയര്‍ ലൈന്‍ സെപ്തംബര്‍ 14 ചൊവ്വാഴ്ച വൈകീട്ട് സംഘടിപ്പിച്ച മീറ്ററിംഗില്‍ മുഖ്യ പ്രഭാഷണം നടത്തുകയായിരുന്നു സ്റ്റീഫന്‍സണ്‍ .
മഹാകഷ്ടതയിലും അപമാനത്തിലും കഴിയേണ്ടി വന്ന യെഹൂദാ ജനം അഭിമുഖീകരിക്കുന്ന പ്രശ്‌നങ്ങള്‍ക്ക് പരിഹാരം തേടി നെഹമ്യാവെ സമീപിച്ചപ്പോള്‍ ദുഖിതനും നിരാശനായി അവരുടെ പ്രശ്‌നങ്ങളുടെ ഭാഗമായി മാറാതെ , പ്രശ്‌നപരിഹാരത്തിനായി ദൈവസന്നിധിയില്‍ ഉപവസിക്കുകയും പ്രാര്‍ത്ഥിക്കുകയുമാണ് നെഹമ്യാവു ചെയ്തത് . നാം അധിവസിക്കുന്ന ചുറ്റുപാടുകളില്‍ പ്രശ്‌നങ്ങള്‍ ഉയര്‍ന്ന വരുമ്പോള്‍ നാം സ്വീകരിക്കുന്ന നിലപാടുകള്‍ എന്തായിരിക്കുമെന്ന് സ്വയം പരിശോധിക്കണമെന്നും അദ്ദേഹം ഓര്‍മ്മപ്പെടുത്തി . പ്രശ്‌നങ്ങള്‍ ഊതിപെരുപ്പിക്കുകയല്ല അതിനെ പരിഹരിക്കുന്നവരായി തീരുമ്പോഴാണ് നാം ദൈവസന്നിധിയില്‍ വിലയുള്ളവരായി തീരുകയുള്ളുവെന്നും അദ്ദേഹം പറഞ്ഞു .
ലളിത ലത്തര (ചിക്കാഗോ)യുടെ പ്രാര്‍ത്ഥനയോടെ യോഗം ആരംഭിച്ചു . ജോര്‍ജ് മാത്യു (ബാബു) നിശ്ചയിക്കപ്പെട്ട പാഠഭാഗം വായിച്ചു , തുടര്‍ന്ന് തോമസ് മാത്യു (രാജന്‍) ഗാനം ആലപിച്ചു . ഐ.പി.എല്‍ കോഡിനേറ്റര്‍ മുഖ്യ പ്രഭാഷകനെ പരിചയപ്പെടുത്തുകയും സ്വാഗതം ആശംസിക്കുകയും ചെയ്തു . മദ്ധ്യസ്ഥ പ്രാര്‍ത്ഥനക്ക് സാമുവല്‍ തോമസ് (ബാള്‍ട്ടിമൂര്‍) നേതൃത്വം നല്‍കി . ഐ.പി.എല്‍ കോഡിനേറ്ററായ റ്റി.എ മാത്യു (ഹൂസ്റ്റണ്‍) ലോകത്തിന്റെ വിവിധ ഭാഗങ്ങളിലായി പ്രെയര്‍ ലൈനില്‍ പങ്കെടുത്ത എല്ലാവര്‍ക്കും നന്ദി രേഖപ്പെടുത്തി . റവ. ഡോ. ജെയിംസ് ജേക്കബിന്റെ പ്രാര്‍ഥനക്കും ആശിര്‍വാദത്തിനും ശേഷം യോഗം സമാപിച്ചു . ഷിജു ജോര്‍ജ് (ഹൂസ്റ്റണ്‍) ടെക്‌നിക്കല്‍ സപ്പോര്‍ട്ടറായിരുന്നു .
പി പി ചെറിയാന്‍
Facebook Comments
Comments
ഒരു പാലാക്കാരൻ 2021-09-15 22:40:11
പ്രതികരിച്ചാലെ പ്രശ്നങ്ങൾ പരിഹരിക്കപ്പെടുകയുള്ളൂ എങ്കിൽ പ്രതികരിക്കുന്നതിലെന്താണ് തെറ്റ്? പ്രശ്നങ്ങൾ ഉണ്ടാകുമെന്ന ഭയത്തിൽ ഒന്നുo അറിയാത്തവനെ പോലെ കഴിഞ്ഞുകൂടുക ഭീരുക്കളുടെ ലക്ഷണം മാത്രമല്ല,തങ്ങളുടെ കർതവ്യത്തിൽ നിന്ന് മാറിനിൽക്കുക കൂടിയാവും. ഉത്തരവാദപ്പെട്ട സ്ഥാനീയർ സാമൂഹ്യ തിന്മകളെ ഇല്ലാതാക്കുവാൻ ശ്രമിക്കണം. ആരുടേയും അവകാശങ്ങളെ ഹനിക്കലാവില്ല അത്. മറ്റുള്ളവർ എന്തു ചിന്തിക്കുമെന്ന് ഓർത്ത് വരാനിരിക്കുന്നതോ, നടന്നുകൊണ്ടിരിക്കുന്നതോ ആയ തിന്മകളെ ഉത്തരവാദപ്പെട്ടവർ ചൂണ്ടിക്കാണിക്കുക തന്നെ വേണം. "നിങ്ങൾ മാടപ്രാവിനെപ്പോലെ നിർമ്മലരും സർപ്പത്തെപ്പോലെ വിവേകികളുo ആയിരിക്കുവാൻ "
JUST IN 2021-09-16 00:33:36
ആവോ , ഇവരൊക്കെ ഇവിടെയൊക്കെ ഉണ്ടോ!
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala