ന്യൂഡല്ഹി : കര്ഷക സമരവുമായി ബന്ധപ്പെട്ട് കേന്ദ്രസര്ക്കാരിനും സംസ്ഥാനങ്ങള്ക്കും ദേശീയ മനുഷ്യാവകാശ കമ്മിഷന്റെ നോട്ടിസ്. സമരം കാരണം ഗതാഗതം, വ്യവസായം അടക്കമുള്ള മേഖലകളില് തടസം നേരിടുന്നുവെന്ന പരാതിയിലാണ് ദേശീയ മനുഷ്യാവകാശ കമ്മിഷന്റെ നടപടി.
ഹരിയാന, ഉത്തര്പ്രദേശ്, രാജസ്ഥാന് എന്നീ സംസ്ഥാനങ്ങള്ക്കും ഡല്ഹിക്കുമാണ് ദേശീയ മനുഷ്യാവകാശ കമ്മിഷന് നോട്ടിസ് നല്കിയിരിക്കുന്നത്. ജനങ്ങളുടെ ബുദ്ധിമുട്ട് ഒഴിവാക്കാന് ഇതുവരെ സ്വീകരിച്ച നടപടികളുടെ തല്സ്ഥിതി റിപ്പോര്ട്ട് നല്കണമെന്ന് സംസ്ഥാന ചീഫ് സെക്രട്ടറിമാരോടും ഡിജിപിമാരോടും ദേശീയ മനുഷ്യാവകാശ കമ്മിഷന് ആവശ്യപ്പെട്ടു.