ന്യൂഡല്ഹി: വഞ്ചന കേസില് പാല എംഎല്എ മാണി സി കാപ്പനെതിരെ സുപ്രീം കോടതിയില് ഹര്ജി. മുംബൈ വ്യവസായി ദിനേശ് മേനോനാണ് കാപ്പനെതിരെ സുപ്രീം കോടതിയില് ഹര്ജി ഫയല് ചെയ്തിരിക്കുന്നത്. കണ്ണൂര് വിമാനത്താവളത്തിന്റെ ഓഹരി നല്കാമെന്ന് വാഗ്ദാനം നല്കി 3.25 കോടി തട്ടിയെന്ന ദിനേശ് മേനോന്റെ പരാതിയില് എറണാകുളം ജുഡീഷ്യല് മജിസ്ട്രേറ്റ് ഫസ്റ്റ് ക്ളാസ് കോടതി കേസ് രജിസ്റ്റര് ചെയ്തിരുന്നു.
വഞ്ചന, ഗൂഢാലോചന എന്നീ കുറ്റങ്ങള് ചുമത്തിയാണ് കാപ്പനെതിരെ
കേസെടുത്തിരുന്നത്. എന്നാല് ഈ കേസിലെ നടപടികള് ഹൈക്കോടതി സ്റ്റേ ചെയ്തിരുന്നു. സ്റ്റേ നീക്കണമെന്ന് ആവശ്യപ്പെട്ടാണ് ദിനേശ് മേനോന് സുപ്രീം കോടതിയില് ഹര്ജി നല്കിയിരിക്കുന്നത്.