കൊച്ചി: മദ്യശാലകള്ക്ക് മുന്നില് ആളുകള് അനിയന്ത്രിതമായി വരി നില്ക്കുന്ന സംഭവത്തില് സംസ്ഥാന സര്ക്കാരിനെതിരെ വീണ്ടും വിമര്ശനവുമായി ഹൈക്കോടതി. സ്ത്രീകള്ക്കും കുട്ടികള്ക്കും മദ്യശാലകള്ക്ക് മുന്നിലൂടെ നടക്കാന് കഴിയാത്ത സാഹചര്യമാണ് നിലനില്ക്കുന്നതെനന്നായിരുന്നു കോടതിയുടെ നിരീക്ഷണം.
തൃശൂര് കുറുപ്പം റോഡിലെ മദ്യശാലയ്ക്ക് മുന്നിലെ ആള്ക്കുട്ടവുമായി ബന്ധപ്പെട്ട കോടതിയലക്ഷ്യ ഹര്ജി പരിഗണിക്കുന്നതിനിടെ ജസ്റ്റീസ് ദേവന് രാമചന്ദ്രനാണ് വിമര്ശനം ഉന്നയിച്ചത്.മദ്യശാലകള് പരിഷ്കൃതമായ രീതിയില് പ്രവര്ത്തിക്കേണ്ട സാഹചര്യമുണ്ട്. തിരക്ക് ഒഴിവാക്കാനും അടിസ്ഥാന സൗകര്യ വികസനത്തിനും സ്വീകരിക്കുന്ന നടപടികള് ഓഗസ്റ്റ് 11-നകം അറിയിക്കണമെന്നും കോടതി സര്ക്കാരിനോട് നിര്ദ്ദേശിച്ചു.