ഒളിംപിക്‌സില്‍ ഇന്ത്യക്ക് ആദ്യ മെഡല്‍. 49 കിലോഗ്രാം ഭാരോദ്വഹനത്തില്‍ മീരാഭായി ചാനുവാണ് ഇന്ത്യക്കായി വെള്ളി നേടിയത്. മീരാഭായി മണിപ്പൂര്‍ സ്വദേശിനിയാണ് . ചൈനയാണ് ഈയിനത്തില്‍ സ്വര്‍ണ്ണം നേടിയത്. സ്വീഡന്‍ വെങ്കലം കരസ്ഥമാക്കി. എന്നാല്‍ ഏറെ പ്രതീക്ഷവെച്ച ഷൂട്ടിംഗില്‍ ഇന്ത്യന്‍ താരങ്ങള്‍ നിരാശപ്പെടുത്തി. 

*****************************

കരുവന്നൂര്‍ ബാങ്ക് തട്ടിപ്പ് കേസില്‍ സിബിഐ അന്വേഷണം വേണമെന്ന് പ്രതിപക്ഷ നേതാവ് വി.ഡി. സതീശന്‍ ആവശ്യപ്പെട്ടു. വന്‍ കൊള്ളയാണ് നടന്നതെന്നും അദ്ദേഹം ആരോപിച്ചു. ഇതിനിടെ തട്ടിപ്പില്‍ സിപിഎം ആക്ടിംഗ് സെക്രട്ടറി എ.വിജയരാഘവനും മുന്‍ മന്ത്രി എ.സി. മൊയ്തീനും പങ്കുണ്ടെന്ന് ബിജെപി സംസ്ഥാന പ്രസിഡന്റ് കെ.സുരേന്ദ്രന്‍ ആരോപിച്ചു. 

*****************************************

സംസ്ഥാനത്ത് ഇന്ന് 18531 പേര്‍ക്ക് കോവിഡ് സ്ഥിരീകരിച്ചു. 11.91 ശതമാനമാണ് ഇന്നത്തെ ടെസ്റ്റ് പോസിറ്റിവിറ്റി നിരക്ക്. 15,507 പേര്‍ രോഗവിമുക്തരായി. കഴിഞ്ഞ 24 മണിക്കൂറിനിടെ 1,55,598 സാംപിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 98 മരണങ്ങള്‍ കോവിഡ് മൂലമാണെന്ന് സ്ഥിരീകരിച്ചു.

*********************************

പത്താംക്‌ളാസ് പരീക്ഷയായ ഐസിഎസ്ഇ, പ്‌ളസ് ടു പരീക്ഷയായ ഐഎസ്സി ഫലം പ്രഖ്യാപിച്ചു. കൗണ്‍സില്‍ ഫോര്‍ ഇന്ത്യന്‍ സ്‌കൂള്‍ സര്‍ട്ടിഫിക്കറ്റ് എക്‌സാമിനേഷന്‍സ് (സിഐഎസ്സിഇ)യുടെ വെബ്‌സൈറ്റായ cisce.orgയിലോ results.cisce.orgയിലോ ഫലം ലഭിക്കും. ഐസിഎസ്ഇക്ക് 99.98 ശതമാനവും ഐഎസ്സിക്ക് 99.76 ശതമാനവുമാണ് വിജയം. കേരളത്തില്‍ പത്താംക്‌ളാസില്‍ വിജയം 100 ശതമാനമാണ്. പന്ത്രണ്ടാം ക്‌ളാസിന് 99.96 ശതമാനവും.

******************************

മഹാരാഷ്ട്രയില്‍ രണ്ട് ദിവസമായി ശക്തമായ മഴ ശമനമില്ലാതെ തുടരുന്നു. കനത്ത മഴയിലും മണ്ണിടിച്ചിലുലുമായി ഇതിനോടകം 136 മരിച്ചതായാണ് റിപ്പോര്‍ട്ടുകള്‍. സംസ്ഥാനത്തെ വിവിധ ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. 

വിവിധ ട്രെയിനുകള്‍ വഴിതിരിച്ചുവിട്ടു. സൈന്യവും എന്‍ഡിആര്‍എഫ് ചേര്‍ന്നുള്ള രക്ഷാപ്രവര്‍ത്തനം സംസ്ഥാനത്തിന്റെ വിവിധ ഇടങ്ങളില്‍ തുടരുന്നു. 

***********************************

കുട്ടികള്‍ക്കുള്ള കൊവിഡ് 19 പ്രതിരോധ വാക്‌സിന്‍ കുത്തിവയ്പ്പ് സെപ്റ്റംബറില്‍ തുടങ്ങാനായേക്കുമെന്ന് സൂചന നല്‍കി എയിംസ് മേധാവി ഡോ. രണ്‍ദീപ് ഗുലേറിയ. സൈഡസ് കാഡില്ലയുടെ വാക്‌സിന്‍ അന്തിമ അനുമതിക്കായി കാത്തിരിക്കുകയാണെന്നും, ഭാരത് ബയോടെക്കിന്റെ കൊവാക്‌സിന്‍ കുട്ടികളില്‍ അവസാന ഘട്ടം പരീക്ഷണത്തിലാണെന്നും അദ്ദേഹം പറഞ്ഞു.

***********************************

കോഴിക്കോട് കൂരാചുണ്ടില്‍ കോഴികള്‍ കൂട്ടത്തോടെ ചത്തത് പക്ഷിപ്പനിയല്ലെന്ന് സ്ഥിരീകരിച്ചു. ഭേപ്പാലില്‍ നടത്തിയ പരിശോധനാ ഫലം നെഗറ്റീവ് ആയിരുന്നു. കഴിഞ്ഞ ശനിയാഴ്ചയായിരുന്നു കോഴിഫാമില്‍ കോഴികള്‍ ചത്തത്. കേരളത്തിലെ രണ്ട് ലാബുകളില്‍ പരിശോധന നടത്തില്‍ ഒരിടത്തു നിന്നും കിട്ടിയ റിസല്‍ട്ട് പോസിറ്റീവായത് ആശങ്കയ്ക്കിടയാക്കിയിരുന്നു. 

***********************************

ശ്രീലങ്കയില്‍ നിക്ഷേപം നടത്താനായി കിറ്റക്‌സിനെ ക്ഷണിച്ചുകൊണ്ട് ശ്രീലങ്കന്‍ ഡെപ്യൂട്ടി ഹൈക്കമ്മീഷണര്‍ ഡോക്ടര്‍ ദ്വരൈ സ്വാമി വെങ്കിടേശ്വരന്‍ കൊച്ചിയിലെത്തി. ഇന്ന് രാവിലെ ചെന്നെയില്‍ നിന്ന് 9.30 ന് നെടുംബാശേരി വിമാന താവളത്തില്‍ എത്തിയ ഡെപ്യൂട്ടി ഹൈക്കമ്മീഷണര്‍ കിഴക്കമ്ബലത്തെ കിറ്റെക്‌സ് ആസ്ഥാനത്ത് മാനേജിംഗ് ഡയറക്ടര്‍ സാബു എം ജേക്കബുമായി മുന്ന് മണിക്കൂറോളം കൂടികാഴ്ച്ച നടത്തി. കിറ്റക്‌സിന്റെ പുതിയ നിക്ഷേപ പദ്ധതികള്‍ക്ക് ശ്രീലങ്കയില്‍ മികച്ച സൗകര്യം വാഗ്ദാനം ചെയ്യ്തുകൊണ്ടാണ് അദേഹം മടങ്ങിയത്.