ഒന്ന് കഴിഞ്ഞു, രണ്ടും കഴിഞ്ഞപ്പോള് പൂര്ണ ആരോഗ്യവാനെ പോലെ ഞെളിഞ്ഞിരുന്നു, ഞാന് രക്ഷപ്പെട്ടു എന്ന് ആശ്വസിച്ചവര് ഞെട്ടാന് തയ്യാറായിക്കോ. ഇനി ഒരു ഡോസും കൂടി വേണ്ടി വരും. മൂന്നാമത്തെ കൊറോണ വൈറസ് വാക്സിന് ഡോസിനായുള്ള ഫൈസറിന്റെ പദ്ധതിക്ക് വൈകാതെ അംഗീകാരം കിട്ടും. പുതിയ ഡെല്റ്റ വേരിയന്റ് ഉള്പ്പെടെ ജനിതക മാറ്റം സംഭവിച്ച കോവിഡ് വൈറസുകളെ മുഴുവന് പിടിച്ചു കെട്ടാന് കെല്പ്പുള്ളതാണത്രേ ഈ മൂന്നാം ഡോസിന്. ബയോഫാര്മസ്യൂട്ടിക്കല് കമ്പനിയായ ഫൈസര് അതിന്റെ കൊറോണ വൈറസ് വാക്സിന് മൂന്നിലൊന്ന് ആളുകള്ക്ക് നല്കുന്നത് പരിഗണിക്കാന് സമയമായിരിക്കുമെന്ന് പ്രഖ്യാപിച്ചിട്ടുണ്ടെങ്കിലും, പല ഡോക്ടര്മാരും പൊതുജനാരോഗ്യ ഉദ്യോഗസ്ഥരും വാദിക്കുന്നത്, ധൃതിപിടിക്കേണ്ടതില്ലെന്നാണ്. അതിനായി അവര് നിരത്തുന്ന വാദത്തിന് അര്ത്ഥമുണ്ട്. അതായത്, ഇപ്പോള് വാക്സിന് എടുക്കാതിരിക്കുന്നവരെ ഏതുവിധേനയും വാക്സിന് എടുപ്പിക്കുക, ശേഷം മൂന്നാം ഡോസുമായി മുന്നോട്ടു പോവുക. കൊറോണ വൈറസ് വാക്സിന് മൂന്നാമത്തെ ഡോസ്, രണ്ടാമത്തെ ഡോസ് കഴിഞ്ഞ് ആറുമാസത്തിനുശേഷം നല്കിയാല്, പ്രതിരോധ കുത്തിവയ്പ് എടുക്കുന്നവരില് ഉയര്ന്ന തലത്തിലുള്ള സംരക്ഷണം ലഭിക്കുന്നതായി കാണുന്നുവെന്ന് ഫൈസറാണ് പുറത്തുവിട്ടത്.
പുതിയ ഡാറ്റയൊന്നും പുറത്തുവിടാതെ കമ്പനികള് പ്രഖ്യാപനം നടത്തിയെങ്കിലും പുതിയ വിവരങ്ങള് ഉടന് പ്രസിദ്ധീകരിക്കുമെന്നാണ് സൂചന. ഓഗസ്റ്റില് യുഎസ് ഫുഡ് ആന്ഡ് ഡ്രഗ് അഡ്മിനിസ്ട്രേഷനുമായി ഒരു ബൂസ്റ്റര് ഡോസിനായി അടിയന്തര ഉപയോഗ അംഗീകാരത്തിനായി നോട്ടീസ് ഫയല് ചെയ്യാന് കമ്പനി പദ്ധതിയിട്ടിട്ടുണ്ടെന്ന് ഫൈസര് വക്താവ് തന്നെയാണ് അറിയിച്ചത്.
എന്നാല്, ഫൈസര് / ബയോടെക് പ്രഖ്യാപനം നടന്ന് മണിക്കൂറുകള്ക്ക് ശേഷം, എഫ്ഡിഎയും യുഎസ് സെന്റര് ഫോര് ഡിസീസ് കണ്ട്രോള് ആന്ഡ് പ്രിവന്ഷനും സംയുക്ത പ്രസ്താവനയിലൂടെ പിന്നോട്ട് നീങ്ങി, പൂര്ണ്ണമായും വാക്സിനേഷന് ലഭിച്ച ആളുകള്ക്ക് ഇപ്പോള് ഒരു ബൂസ്റ്റര് ഷോട്ട് ആവശ്യമില്ലെന്നും ആളുകള് അണ്വാക്സിനേറ്റഡ് ആയ സമൂഹത്തെ സംരക്ഷിക്കുന്നതിന് എത്രയും വേഗം വാക്സിനേഷന് എടുക്കണമെന്നുമാണ് അവര് പറഞ്ഞത്. ആരോഗ്യശാസ്ത്രം ആവശ്യമാണെന്ന് തെളിയിക്കുമ്പോള് ബൂസ്റ്റര് ഡോസുകള്ക്കായി തങ്ങള് തയ്യാറാണെന്നു ഫൈസര് പറയുന്നു. എന്നാല് ആ ശാസ്ത്രം അവ്യക്തമാണ്, കൊറോണ വൈറസ് വാക്സിന് ബൂസ്റ്റര് ഡോസുകളുടെ ആവശ്യകതയെക്കുറിച്ച് ഇനിയും വളരെയധികം കാര്യങ്ങള് പഠിക്കാനുണ്ടെന്നതാണ് സത്യം.
വാക്സിനുകള് ഇപ്പോഴും പുതിയ വേരിയന്റുകള്ക്കെതിരെ പോലും ഫലപ്രദമായി പ്രവര്ത്തിക്കുന്നുവെന്നാണ് നാഷണല് ഇന്സ്റ്റിറ്റ്യൂട്ട് ഓഫ് അലര്ജി ആന്ഡ് എപിഡെമിക്ക് ഡിസീസ് ഡയറക്ടര് ഡോ. ആന്റണി ഫൗചി പറഞ്ഞത്. പ്രതിരോധ കുത്തിവയ്പ്പുകളുടെ ആവശ്യകതയെക്കുറിച്ച് പൊതുജനാരോഗ്യ ഉദ്യോഗസ്ഥര് ശ്രദ്ധ കേന്ദ്രീകരിക്കുമ്പോള് വാക്സിന് നിര്മ്മാതാക്കള് ഭാവിയില് എന്ത് ആവശ്യമാണെന്ന് ഇപ്പോഴെ പ്രതീക്ഷിക്കുന്നു. സര്ക്കാരും എഫ്ഡിഎയും സിഡിസിയും തങ്ങളുടെ നിലപാട് വ്യക്തമാക്കി കഴിഞ്ഞു. അപ്പോഴും ഉയരുന്ന ചോദ്യം, മൂന്നാം ഡോസ് വേണോ എന്നതാണ്. ഭാവിയില് ഇത് ആവശ്യം വരുമോ? പകര്ച്ചവ്യാധികളെ ചെറുക്കാന് മികച്ച സംരക്ഷണത്തിന് എപ്പോഴും നല്ലത് ഒരു വാക്സിന് ആണ്, ഏതൊരു വര്ഷത്തിലും ഇന്ഫ്ലുവന്സയെക്കാള് വലിയ വകഭേദങ്ങള്ക്കിടയിലും പ്രതിരോധശേഷി കുറഞ്ഞാല് പോലും ഈ വാക്സിനേഷന് ഏറെ ഗുണം ചെയ്യും.
ഫൈസറിന്റെ കൊറോണ വൈറസ് വാക്സിന് ഉപയോഗിച്ചുള്ള പ്രതിരോധശേഷി കുറയുന്നു എന്നതിന്റെ ചില യഥാര്ത്ഥ തെളിവുകള് ഇസ്രായേലില് പുറത്തുവന്നിട്ടുണ്ട്. വാക്സിന് മുമ്പത്തേതിനേക്കാള് കടുത്ത രോഗങ്ങളില് നിന്ന് സംരക്ഷണം കുറവാണെന്ന് കാണിച്ചു. കൊറോണ വൈറസിന്റെ കൂടുതല് പകരാവുന്നതും കൂടുതല് അപകടകരവുമായ ഡെല്റ്റ വേരിയന്റിന്റെ വ്യാപനത്തെയാണ് അവര് അര്ത്ഥമാക്കിയത്. രോഗലക്ഷണങ്ങളില്ലാത്ത അണുബാധ, മിതമായ രോഗം എന്നിവയുള്പ്പെടെ എല്ലാ അണുബാധകള്ക്കും പ്രതിരോധ കുത്തിവയ്പ്പ് ജൂണ് 6 വരെ 64 ശതമാനം സംരക്ഷണവും കടുത്ത രോഗങ്ങളെയും ആശുപത്രിയിലെയും തടയുന്നതില് 93% ഫലപ്രാപ്തിയും നല്കിയതായി ഇസ്രായേല് സര്ക്കാരിന്റെ പ്രസ്താവനയില് പറയുന്നു. ഉയര്ന്നുവരുന്ന കൊറോണ വൈറസ് വകഭേദങ്ങളില് നിന്ന് ആളുകളെ സംരക്ഷിക്കാന് സഹായിക്കുന്നതിന് ബൂസ്റ്റര് ഡോസുകള് ആവശ്യമുണ്ടോ എന്ന് ചോദിക്കുമ്പോള്, ഫൈസര് വാക്സിനും മറ്റുള്ളവയും ഇപ്പോഴും ചില പരിരക്ഷകള് വാഗ്ദാനം ചെയ്യുന്നുണ്ടെന്ന് മാത്രമാണ് അവരും പറയുന്നത്. ആളുകള്ക്ക് ഒടുവില് കോവിഡ് 19 വാക്സിനുകളുടെ ബൂസ്റ്റര് ഡോസുകള് ആവശ്യമുണ്ടോ എന്ന് തീരുമാനിക്കാന് കൂടുതല് ഡാറ്റ ആവശ്യമാണെന്ന് വിദഗ്ദ്ധര് പറയുന്നു.
ബ്രേക്ക്ത്രൂ കേസുകളുടെ വര്ദ്ധനവ് ഭാവിയില് ഒരു സൂചന നല്കുമെന്ന് ഫെഡറല് വാക്സിന് ഉപദേഷ്ടാക്കള് ജൂണില് നടന്ന യോഗത്തില് പറഞ്ഞു. ഒരാള്ക്ക് പൂര്ണ്ണമായി വാക്സിനേഷന് നല്കിയ ശേഷം സംഭവിക്കുന്ന കോവിഡ് ബാധ കേസുകളെ 'ബ്രേക്ക്ത്രൂ' അണുബാധ എന്നു സൂചിപ്പിക്കുന്നു. സിഡിസിയുടെ രോഗപ്രതിരോധ നടപടികളെക്കുറിച്ചുള്ള ഉപദേശക സമിതിയിലെ അംഗങ്ങള് കഴിഞ്ഞ മാസം ഒരു മീറ്റിംഗില് പറഞ്ഞത്, വാക്സിന് ബൂസ്റ്റര് ഡോസുകള്ക്കായി ഏജന്സിക്ക് ശുപാര്ശകള് നല്കേണ്ട സമയമാണിതെന്നാണ്. ബൂസ്റ്ററുകളുടെ പ്രയോജനത്തെക്കുറിച്ച് കൂടുതല് ഡാറ്റ ആവശ്യമാണെന്ന് കമ്മിറ്റി അംഗങ്ങള് കൂടുതലും സമ്മതിച്ചിട്ടുണ്ട്. എന്നാല് ഭാവിയില് പ്രതിരോധശേഷി കുറയുന്നുവെന്നതിന്റെ സൂചനയായി 'ബ്രേക്ക്ത്രൂ' അണുബാധകളുടെ വര്ദ്ധനവ് ഉണ്ടാകാം, മാത്രമല്ല ബൂസ്റ്ററുകളുടെ ആവശ്യകതയെക്കുറിച്ച് ചിന്തിക്കേണ്ട സമയമാണിത്.
ഭാവിയില്, രോഗപ്രതിരോധശേഷിയില്ലാത്തവര് ഉള്പ്പെടെ മറ്റുള്ളവരെ അപേക്ഷിച്ച് കൊറോണ വൈറസ് വാക്സിന് വര്ദ്ധിപ്പിക്കുന്ന ഡോസുകള് പ്രയോജനപ്പെടുത്തുന്ന ചില ആളുകളുണ്ട്. ഈ വിഭാഗത്തില് പെടുന്ന രോഗികള് യുഎസ് ജനസംഖ്യയുടെ 2% മുതല് 4% വരെ പ്രതിനിധികളാണെന്ന് ഷാഫ്നര് പറഞ്ഞു. ഉദാഹരണത്തിന്, അവയവമാറ്റ ട്രാന്സ്പ്ലാന്റ് സ്വീകര്ത്താക്കള്ക്ക് കൊറോണ വൈറസ് വാക്സിനുകള്ക്ക് മതിയായ പ്രതികരണം ഉണ്ടാകണമെന്നില്ല, കാരണം അവരുടെ രോഗപ്രതിരോധ ശേഷി ഇല്ലാതാക്കാന് മരുന്നുകള് കഴിക്കുന്നു. ഇത് പുതിയ അവയവങ്ങള് നിരസിക്കുന്ന ശരീരത്തിന്റെ അപകടസാധ്യത കുറയ്ക്കാന് സഹായിക്കുന്നു. കൊറോണ വൈറസ് വാക്സിന് മൂന്നാമത്തെ ഡോസ് സ്റ്റാന്ഡേര്ഡ് വാക്സിനേഷന് ഷെഡ്യൂളുകളോട് ശക്തമായ പ്രതികരണങ്ങളില്ലാത്ത ചില അവയവമാറ്റ ട്രാന്സ്പ്ലാന്റ് സ്വീകര്ത്താക്കള്ക്കിടയില് ആന്റിബോഡി അളവ് വര്ദ്ധിപ്പിക്കാന് സഹായിക്കുമെന്ന് ജൂണില് അന്നല്സ് ഓഫ് ഇന്റേണല് മെഡിസിന് ജേണലില് പ്രസിദ്ധീകരിച്ച ഒരു പഠനത്തില് പറയുന്നു.
രണ്ട് ഡോസ് വാക്സിന് ലഭിച്ചതിന് ശേഷം അളക്കാവുന്ന ആന്റിബോഡികളില്ലാത്ത രോഗികളില്, മൂന്നിലൊന്ന് മൂന്നാമത്തെ ഡോസിന് ശേഷം ആന്റിബോഡികളുടെ വര്ദ്ധനവ് കണ്ടു. എന്നാല് രോഗപ്രതിരോധശേഷിയില്ലാത്ത ആളുകളില് പ്രതിരോധ കുത്തിവയ്പ്പുകളെക്കുറിച്ച് കൂടുതല് വിവരങ്ങള് ലഭ്യമല്ല, കാരണം കഴിഞ്ഞ വര്ഷം ക്ലിനിക്കല് പരീക്ഷണങ്ങളില് ഫാര്മസ്യൂട്ടിക്കല് കമ്പനികള് കൊറോണ വൈറസ് വാക്സിനുകള് പരീക്ഷിച്ചപ്പോള്, അപകടസാധ്യതകള് കാരണം രോഗപ്രതിരോധ മരുന്നുകള് കഴിക്കുന്ന ആളുകളെ അവര് പ്രത്യേകമായി ഒഴിവാക്കി. കഴിഞ്ഞ മാസത്തെ യോഗത്തില് സിഡിസിയുടെ എസിഐപി പാനലും ഇതു ചര്ച്ച ചെയ്തു. ഉയര്ന്ന അപകടസാധ്യതയുള്ള ആളുകള്, രോഗപ്രതിരോധ ശേഷിയില്ലാത്ത രോഗികള്, ദീര്ഘകാല പരിചരണ കേന്ദ്രത്തിലെ താമസക്കാര്, പ്രായമായവര്, ആരോഗ്യ പരിപാലന ഉദ്യോഗസ്ഥര് എന്നിവര്ക്ക് പൊതുജനങ്ങളേക്കാള് കൂടുതല് ബൂസ്റ്റര് ഡോസുകളില് നിന്ന് പ്രയോജനം ലഭിച്ചേക്കാം. യുഎസില് അടിയന്തിര ഉപയോഗത്തിനായി മൂന്ന് കൊറോണ വൈറസ് വാക്സിനുകള് അംഗീകരിച്ചിട്ടുണ്ട്. പന്ത്രണ്ടും അതിനുമുകളിലും പ്രായമുള്ളവര്ക്ക് രണ്ട്ഡോസ് ഫൈസര് / ബയോടെക് വാക്സിന്, രണ്ട്ഡോസ് മോഡേണ വാക്സിന്, ഒരു ഡോസ് ജോണ്സണ് ആന്ഡ് ജോണ്സണ് വാക്സിന് എന്നിവ 18 വയസും അതില് കൂടുതലുമുള്ളവര്ക്കായി നിജപ്പെടുത്തിയിരിക്കുന്നു. തങ്ങളുടെ വാക്സിനുകള് മൂന്നാം ഡോസ് ആയി ഉപയോഗിക്കുന്നതിന് എഫ്ഡിഎയുടെ അനുമതി ലഭിക്കുന്നതിനായി ഫൈസര് / ബയോടെക്, മോഡേണ കമ്പനികള് അപേക്ഷകള് നല്കിയിട്ടുണ്ട്. ജോണ്സണ് ആന്ഡ് ജോണ്സണ് ഒരു അപേക്ഷ സമര്പ്പിക്കാന് ഉദ്ദേശിക്കുന്നുവെന്ന് പറഞ്ഞിട്ടുണ്ടെങ്കിലും ഇതുവരെ അത് ചെയ്തിട്ടില്ല. കോവിഡ് 19 നെതിരെ കൂടുതല് പേര്ക്ക് വാക്സിനേഷന് ലഭിക്കുന്നതിന്, ബൂസ്റ്റര് ഷോട്ടിന് അംഗീകാരം നല്കുന്നതിനുമുമ്പ് ഫൈസറിന്റെ വാക്സിന് അംഗീകരിക്കുന്ന കാര്യം എഫ്ഡിഎ പരിഗണിക്കുന്നത് പ്രയോജനകരമായിരിക്കുമെന്ന് പല ആരോഗ്യവിദഗ്ധരും പറയുന്നു. പാന്ഡെമിക്കിന്റെ ഗുരുതരാവസ്ഥ കണക്കിലെടുത്ത്, വാക്സിന് നിര്മ്മാതാക്കള് യഥാര്ത്ഥത്തില് മൂന്നാം ഡോസിലേക്ക് പോകുന്നതിനു പകരം എല്ലാവര്ക്കും വാക്സിനേഷന് കൊടുക്കുന്നതിനെക്കുറിച്ചാണ് ചിന്തിക്കേണ്ടത്. കാരണം, വാക്സിനേഷന് അംഗീകാരം വൈകുന്നത് വാക്സിന് വിരുദ്ധര്ക്ക് ചിരിക്കാനുള്ള വക നല്കും. അതിന് ഒരു അവസരം കൊടുക്കാതിരിക്കുന്നതാണ് നല്ലത്.