അപകടത്തെത്തുടര്ന്ന്, കാലിനു പരുക്കേറ്റ് കുറേകാലം സ്വയം നടക്കാനാകാത്ത അവസ്ഥയിലായിരുന്നു നടി മഞ്ജി മോഹന്. താരം ശസ്ത്രക്രിയയ്ക്കും വിധേയയായിരുന്നു. ഇപ്പോഴിതാ ജീവിതത്തിലെ ഇരുള്മൂടിയ ആ നാളുകളെപ്പറ്റി വീണ്ടും ഓര്ത്തെടുക്കുകയാണ് മഞ്ജിമ. വാക്കര് ഉപയോഗിച്ച് നടന്നിരുന്ന ആ ദിനങ്ങളുടെ ചിത്രങ്ങളും അതിജീവനത്തിന്റെ കുറിപ്പും താരം പങ്കുവച്ചു.
സ്വന്തം കാലില് ഉടനെയൊന്നും നടക്കാനാകില്ലെന്ന് ചിന്തിച്ചിരുന്നെന്നും പ്രതിസന്ധി ഘട്ടങ്ങളില് സ്വയം വിശ്വസിക്കുകയാണ് വേണ്ടതെന്നും താരം കുറിക്കുന്നു. 'സ്വന്തം കാലില് നടക്കുകയെന്ന യാഥാര്ഥ്യം വളരെ അകലയാണെന്ന് ചിന്തിച്ചിരുന്ന ദിവസങ്ങള്. ഒരു കാര്യം പ്രധാനമാണെന്ന് ഈ ഘട്ടങ്ങള് എന്നെ പഠിപ്പിച്ചു. നിങ്ങളില് തന്നെ വിശ്വസിക്കുക. ഒരുപാട് ഘട്ടങ്ങളെ തരണം ചെയ്തു, ഇനി വരുന്നതും തരണം ചെയ്യും'.- മഞ്ജിമ പറയുന്നു.