വിഴിഞ്ഞം: തീപ്പൊള്ളലേറ്റ് മരിച്ചനിലയില് കണ്ടെത്തിയ 24 കാരി അര്ച്ചനയുടെ മൃതദേഹവുമായി ബന്ധുക്കള് റോഡില് പ്രതിഷേധിച്ചു. വിഴിഞ്ഞം-തിരുവനന്തപുരം റോഡില് മൃതദേഹവുമായാണ് ബന്ധുക്കളും നാട്ടുകാരും പ്രതിഷേധിച്ചത്. മൃതദേഹവും വഹിച്ചുകൊണ്ടുള്ള ആംബുലന്സ് റോഡിന് കുറുകെ ഇട്ടായിരുന്നു ഉപരോധം.
വെങ്ങാനൂര് ചിറത്തല വിളാകത്ത് അര്ച്ചനയില് അശോകന്-മോളി ദമ്ബതികളുടെ ഏക മകള് അര്ച്ചനയെ ചൊവ്വാഴ്ച രാത്രി 11.30ഒാടെ പയറ്റുവിളയിലെ വാടക വീട്ടില് തീപ്പൊള്ളലേറ്റ് മരിച്ച നിലയില് കണ്ടെത്തുകയായിരുന്നു.
ഭര്ത്താവ് സുരേഷിനെ ചോദ്യം ചെയ്ത് വിട്ടയച്ചതിനെത്തുടര്ന്നായിരുന്നു പ്രതിഷേധം. ഇതിനെത്തുടര്ന്ന് സുരേഷിനെ വിഴിഞ്ഞം പൊലീസ് വീണ്ടും കസ്റ്റഡിയിലെടുത്തു.
പ്രതിഷേധത്തെ തുടര്ന്ന് കോവളം എം.എല്.എ എം.വിന്സന്റ് അടക്കമുള്ളവര് സ്ഥലത്തെത്തി പ്രതിഷേധക്കാരോടും പൊലീസിനോടും സംസാരിച്ചു. ഇതേത്തുടര്ന്നായിരുന്നു പൊലീസ് സുരേഷിനെ കസ്റ്റഡിയിലെടുത്തത്.