യു എസ് എ എഴുത്തുകൂട്ടം സംഘടിപ്പിക്കുന്ന പ്രതിമാസ സാഹിത്യ സാംസ്കാരിക പരിപാടിയായ 'സർഗ്ഗാരവം' കലാകൗമുദി കോർഡിനേറ്റിംഗ് എഡിറ്ററും കഥ മാഗസിൻ എഡിറ്ററുമായ വടയാർ സുനിൽ ഉത്ഘാടനം ചെയ്തു . സർഗ്ഗാരവത്തിന്റെ ഒന്നാം സമ്മേളനത്തിൽ കവിയും ചിത്രകാരിയുമായ ഡോണ മയൂര അതിഥിയായിരുന്നു .
കവി ഗീതാ രാജന്റെ നിയന്ത്രണത്തിൽ ആരംഭിച്ച പരിപാടിയിൽ എഴുത്തുകാരിയും സാമൂഹ്യ പ്രവർത്തക യുമായ മീനു എലിസബത്ത് സ്വന്തം രചനയായ പ്രാർത്ഥന ഗാനം ആലപിച്ചു . യു എസ്. എ എഴുത്തുകൂട്ടം പ്രസിഡന്റ് ഫിലിപ്പ് തോമസ് ഏവരെയും സ്വാഗതം ചെയ്തു
അമേരിക്കൻ മലയാളി എഴുത്തുകാർക്ക് കേരളത്തിലെ മുഖ്യധാരാ അച്ചടി മാധ്യമങ്ങളിൽ രചനകൾ സമർപ്പിക്കുവാനുള്ള അവസരം ഒരുക്കുക എഴുത്തുകൂട്ടത്തിന്റെ മുഖ്യ ലക്ഷ്യങ്ങളിൽ ഒന്നാണ് . അർഹതയുള്ള രചനകളെ വായനക്കാർക്ക് മുന്നിലെത്തിക്കാൻ എല്ലാവിധ സഹായങ്ങളും സർഗ്ഗാരവം ഉദ്ഘാടനം ചെയ്തുകൊണ്ട് വടയാർ സുനിൽ വാഗ്ദാനം ചെയ്തു .
എക്സികുട്ടീവ് കമ്മിറ്റി അംഗം കെ കെ ജോൺസൻ ഡോണ മയൂരയെ സദസ്സിനു പരിചയപ്പെടുത്തി .
തുടർന്ന് ഡോണ മയൂര ദൃശ്യ കവിതകളെ കുറിച്ച് ഒരു മണിക്കൂർ നീണ്ടു നിന്ന പ്രഭാഷണത്തിലൂടെ കവിതയുടെ ഈ പുതു സാധ്യത സദസ്സിനു പരിചയപ്പെടുത്തി. ശ്രോതാക്കളുമായുള്ള സംവാദത്തിലൂടെ ലോക കവിതയിൽ ദൃശ്യ കവിതയ്ക്കുള്ള പങ്ക് ഡോണ വ്യക്തമാക്കി .
സെക്രട്ടറി ബിന്ദു ടിജി നന്ദി പറഞ്ഞു
കൂടുതൽ വിവരങ്ങൾക്ക് ബന്ധപ്പെടുക -
മനോഹർ തോമസ് 917 974 2670.
USA എഴുത്തുകൂട്ടം അംഗമാകാൻ $10
PayPa : manoharthomas5@gmail.com
Zella : 917 974 2670.