Image

ആക്ഷന്‍ ത്രില്ലര്‍ 'ട്രിപ്പിള്‍ വാമി; നീസ്ട്രിമില്‍ എത്തി

Published on 11 June, 2021
ആക്ഷന്‍ ത്രില്ലര്‍ 'ട്രിപ്പിള്‍ വാമി; നീസ്ട്രിമില്‍ എത്തി

പ്രേക്ഷകരെ കോരിത്തരിപ്പിക്കുന്ന രംഗങ്ങളുമായി ആക്ഷന്‍ ത്രില്ലര്‍ ചിത്രം ട്രിപ്പിള്‍ വാമി നീസ്ട്രിമിലെത്തി. അനീഷ് ചാക്കോ തിരക്കഥ എഴുതി സംവിധാനം നിര്‍വഹിച്ചിരിക്കുന്ന സിനിമ പൂര്‍ണമായും ഇംഗ്ലീഷ് ഭാഷയില്‍ ആണ് ചിത്രീകരിച്ചിരിക്കുന്നത്. 

ഒരേസമയം നിരവധി പ്രതിസന്ധികളെ നിര്‍ഭയമായും തന്ത്രപരമായും തരണം ചെയ്ത് തന്റെ ഭര്‍ത്താവിനെ അന്വേഷിക്കുന്ന അഞ്ജന എന്ന പെണ്‍കുട്ടിയെ മുന്‍നിര്‍ത്തി ആണ് ചിത്രം മുന്നോട്ടുപോകുന്നത്. ഹോളിവുഡ് സംഘട്ടന ശൈലിയില്‍ ചിത്രീകരിച്ചിരിക്കുന്ന സിനിമ ഡോഗോ ഫിലിംസിന്റെ ബാനറിലാണ് നിര്‍മ്മിച്ചിരിക്കുന്നത്. നീസ്ട്രിമില്‍ അദ്യമായി പ്രദര്‍ശിപ്പിക്കുന്ന അന്യഭാഷ ചിത്രം എന്ന പ്രത്യേകതയും ഈ ചിത്രത്തിനുണ്ട്.

ഇന്ത്യന്‍ സിനിമയിലേക്ക് വീണ്ടുമൊരു ശക്തമായ സ്ത്രീ കഥാപാത്രത്തെ കൊണ്ടുവരുന്ന ചിത്രത്തില്‍, ഉര്‍വശി ഗോവര്‍ദ്ധന്‍, സഞ്ജയ് മനക്താല, തരക് പൊന്നപ്പ, അരുണ്‍ നായര്‍ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ കഥ, തിരക്കഥ, സംഭാഷണം, സംവിധാനം, എഡിറ്റിംഗ്, വി.എഫ്.എക്സ്, ഛായാഗ്രഹണം എല്ലാം നിര്‍വഹിച്ചിരിക്കുന്നത് അനീഷ് ചാക്കോയാണ്. വരുണ്‍ ഉണ്ണിയാണ് ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത്.



Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക