തിരുവനന്തപുരം: കെപിസിസി അധ്യക്ഷനായി ജൂണ് 16ന് ചുമതല ഏല്ക്കുമെന്ന് കെ. സുധാകരന്. ദൗത്യം നിറവേറ്റാന് ആത്മാര്ഥമായി ശ്രമിക്കുമെന്നും അദ്ദേഹം പറഞ്ഞു.
സംഘടനാ ദൗര്ബല്യം പരിഹരിക്കുമെന്നും ഗ്രൂപ്പ് അവസാനിപ്പിക്കുമെന്നും അദ്ദേഹം പറഞ്ഞു. പാര്ട്ടിയില് അച്ചടക്കം നടപ്പാക്കും. അക്രമം അവസാനിച്ചാല് സിപിഎമ്മുമായി സന്ധിക്ക് തയാറാണെന്നും സുധാകരന് പറഞ്ഞു.
പാര്ട്ടിയില്നിന്നു വിട്ടുപോയവരെ തിരിച്ചുകൊണ്ടുവരിക അജണ്ടയാണെന്നും സംഘടനാ തെരഞ്ഞെടുപ്പ് നടത്താന് ഹൈക്കമാന്റിനോട് ആവശ്യപ്പെടുമെന്നും സുധാകരന് കൂട്ടിച്ചേര്ത്തു.