മുംബൈയില് സൗജന്യമായി ഭക്ഷണ വിതരണം ചെയ്തു നടി സണ്ണി ലിയോണ്. സണ്ണി തന്നെ നേരിട്ടാണ് ഭക്ഷണം വിതരണം ചെയ്തത്. ഭര്ത്താവ് ഡാനിയേല് വെബറിനും സഹോദരനും ഒപ്പമുണ്ടായിരുന്നു. വാഹനത്തിന് ചുറ്റും ഭക്ഷണപ്പൊതി സ്വീകരിക്കാന് ജനം തടിച്ചു കൂടി. ഭംഗിയായി അടച്ചുറപ്പിച്ച പൊതിയിലാണ് സണ്ണി ഭക്ഷണം വിളമ്ബിയത്.
മറ്റുപലരും മാനവരാശിക്കുവേണ്ടി ചെയ്ത നന്മകളുടെ എങ്ങുമെത്തിയിട്ടില്ല എന്നെനിക്കറിയാം. എന്നിരുന്നാലും ഓരോ ദിവസവും സ്വയം മെച്ചപ്പെടാന് ഞാന് ശ്രമിക്കും. അല്പനേരത്തേക്കെങ്കിലും ഒരാളുടെ ജീവിതത്തില് സ്വാധീനം ചെലുത്താന് കഴിഞ്ഞതില് സന്തോഷം. ഏവരും സുരക്ഷിതരായിരിക്കണമെന്നും സണ്ണി പറയുന്നു
മുംബൈയിലെ എര്ത്ത് കഫെയിലാണ് സണ്ണിയും കൂട്ടരും ഭക്ഷണം ഉണ്ടാക്കിയത്. മില്യണ് ഡോളര് വീഗന് എന്ന സംഘടനയുമായി ചേര്ന്നാണ് ഭക്ഷണവിതരണം നടത്തിയത്. മലയാള ചിത്രത്തില് അഭിനയിക്കാന് താരം അടുത്തിടെ കേരളത്തിലെത്തിയിരുന്നു.