പെട്രോളിയത്തിൻറ്റെ വില എന്തുകൊണ്ടാണ് ചിലപ്പോൾ കൂടുകയും കുറയുകയും ചെയ്യുന്നത് എന്ന് ചുരുക്കമായി പറഞ്ഞാൽ മനസ്സിലാകണം എന്നില്ല. എന്നാൽ ഒരു കാര്യം വ്യക്തമാണ്. അമേരിക്കൻ പ്രസിഡണ്ട് ആരാണ് എന്നത് അനുസരിച്ചല്ല പെട്രോളിയത്തിൻറ്റെ വില കൂടുകയും കുറയുകയും ചെയ്യുന്നത്.
സപ്പ്ളെ / ഡിമാൻഡ് = വസ്തുക്കളുടെ ലഭ്യത / ഉപഭോക്തത -ഇവയാണ് മിക്കവാറും വില നിയന്ത്രിക്കുന്നത്. ഇ സാധാരണ സാമ്പത്തിക വസ്തുത അറിവില്ലാത്തവർ ആണ് പെട്രോൾ വില കൂടിയാൽ ഭരിക്കുന്ന അധികാരിയെ ചീത്ത വിളിക്കുന്നത്. ഇവർ ഗ്രോസറി വാങ്ങാൻ പോകുന്നവർ അല്ല എന്ന് വ്യക്തം. തടിയുടെ വില തൊട്ടു താടി വടിക്കുന്ന വില; കൂടിയ വിവരം അവർ കണ്ടില്ല എന്ന് തോന്നുന്നു. ചരക്കുകളുടെ വില ആഗോള മാർക്കറ്റ് അനുസരിച്ചാണ് എന്ന് ഇവർക്ക് മനസ്സിലാക്കാൻ കഴിവ് ഉണ്ടെന്നു തോന്നിക്കുന്നില്ല. അതുപോലെതന്നെയാണ് സ്റ്റോക്ക് മാർക്കറ്റും. ഏതെങ്കിലും രാജ്യത്തെ ഭരണാധികാരിക്ക് താൽക്കാലിക ഓളങ്ങൾ മാത്രമേ സ്റ്റോക്ക് മാർക്കറ്റിൽ ഉണ്ടാക്കാൻ സാധിക്കയുള്ളു. സ്റ്റോക്ക് മാർക്കറ്റ് ഹൈ ആണെങ്കിൽ അത് തൻറ്റെ നേട്ടമാണ് എന്ന് അവകാശപ്പെടുന്ന രാഷ്ട്രീയ അധികാരി തൻറ്റെ വിഡ്ഢിത്തം വിളിച്ചറിയിക്കുന്നു എന്നുമാത്രം. ഭരണാധികാരിയുടെ കഴിവുകേട് ആണ് വിലക്കയറ്റം എന്ന് ചിന്തിക്കുന്നതും അത്ര യുക്തിരഹിതം അല്ല.
ഓയിൽ എംബാർഗൊ, പൈപ്പ് ലയിൻ പൊട്ടൽ, ഹാക്കിങ്, മിഡിൽ ഈസ്റ്റിലെ രാഷ്ട്രീയം; ഇങ്ങനെ പലതും പെട്രോളിയം വിലയെ നിയന്ത്രിക്കുന്നു. പെട്രോൾ കമ്പനികൾ എല്ലാ വർഷവും ബില്യൺ ഡോളർ ലാഭം ഉണ്ടാക്കുന്നു എന്ന വസ്തുത എന്നും സത്യം ആണ്. 2020യുടെ തുടക്കത്തിൽ കൊറോണ വ്യാപിച്ചതോടെ യാത്രക്കരുടെ എണ്ണം കുറഞ്ഞു. വലിയ ശതമാനം വെള്ളക്കോളർ ജോലിക്കാർ വീട്ടിൽ ഇരുന്നു ജോലി ചെയ്യുവാനും തുടങ്ങി. അപ്പോൾ പെട്രോൾ ഉപയോഗം കുറഞ്ഞു, വിലയും കുറഞ്ഞു. എന്നാൽ 2021 ആയപ്പോൾ വാക്സിനേഷൻ എടുത്തവരുടെ എണ്ണം കൂടി, കൊറോണ ഒരു ഹോക്സ് അല്ല യാഥാർഥ്യം ആണ് എന്ന് മിക്കവർക്കും മനസ്സിലായി. 2021 സമ്മർ ആയതോടെ ഒരു വർഷത്തിൽ അധികം കരടികളെപ്പോലെ ഹൈബർനേഷനിൽ ഒതുങ്ങി കഴിഞ്ഞവർ പുറത്ത്ചാടി ഡ്രൈവ് ചെയ്യുവാനും തുടങ്ങി. അതിനാൽ ഇനിയും പെട്രോളിയം വില കൂടും. വെള്ളക്കാരുടെ വർണ്ണ വിവേചനവും വെറിയും മനസ്സിലാക്കാൻ കഴിവ് ഇല്ലാത്തവർ ആണ് പെട്രോൾ വില കൂടി എന്ന് കീറ്റുന്നതു. ഇവരുടെ മക്കളുടെ സുരഷിത്തത്തെക്കുറിച്ചു ഇവർ ചിന്തിക്കുന്നുവോ?.
ഇ വർഷത്തെ സമ്മറിൽ യാത്ര ചെയ്യുന്നവരുടെ എണ്ണം റിക്കോഡ് ഭേദിക്കും, അതിനാൽ പെട്രോളിയത്തിൻറ്റെ ഡിമാൻഡ് കൂടും അതിനാൽ വിലയും കൂടും.
സമ്മറിൽ കൂടുതൽ ആൾക്കാർ യാത്ര ചെയ്യുന്നു, അതിനാൽ കൂടുതൽ പെട്രോൾ ഉപയോഗിക്കുന്നു അതിനാൽ എമിഷൻ പൊല്യൂഷൻ കൂടുന്നു. അതിനെ നിയന്ത്രിക്കാൻ സർക്കാർ ചില സംവിധാനങ്ങളും ഉണ്ടാക്കിയിട്ടുണ്ട്. ' സമ്മർ ബ്ലെൻഡ് പെട്രോളിയം' - എമിഷനും പെട്രോളിയം ഇവാപ്പറേഷനും കുറക്കുന്നു. കൊറോണ എപ്പിഡെമിക് ഇന്നുവരെ നിലവിലുള്ള എല്ലാ സാമ്പത്തിക നിലവാരങ്ങളെയും വ്യവസ്ഥിതികളെയും തത്വചിന്തകളെയും തകിടം മറിക്കും. മാടക്കടയിലെ ബീഡി തൊറുപ്പുകാരനും, നിങ്ങളുടെ ബാർബറും അല്ല ആഗോള സാമ്പത്തിക നിലവാരം നിയന്ത്രിക്കുന്നത് എന്ന സത്യം മനസിലാക്കുക.
വിഡ്ഢിത്തങ്ങളും നുണകളും പ്രചരിപ്പിക്കുന്നത് നിർത്തുക.