ന്യൂനപക്ഷ സ്കോളര്ഷിപ്പിലെ 80:20 അനുപാതം എടുത്തുമാറ്റണമെന്ന ഹൈക്കോടതി വിധിയല് മുസ്ലിം - ക്രിസ്ത്യന് സമുദായങ്ങളും സംഘടനകളും തങ്ങളുടേതായ അഭിപ്രായങ്ങളും നിലപാടുകളുമായി രംഗത്തെത്തി കഴിഞ്ഞു. വിധിക്കെതിരെ അപ്പീല് പോകണമെന്ന് മുസ്ലീം സംഘടനകള് ഒറ്റക്കെട്ടായി പറയുമ്പോള് വിധി ഉടന് നടപ്പിലാക്കണമെന്ന് ആവശ്യമാണ് ക്രൈസ്തവ സമൂഹത്തില് നിന്നുമുയരുന്നത്. എന്നാല് വ്യക്തമായി പഠിച്ച ശേഷം മറ്റു നടപടികളിലേയ്ക്ക് കടക്കുമെന്നാണ് സര്ക്കാര് ഈ വിഷയത്തില് പ്രതികരിച്ചിരിക്കുന്നത്.
കെസിബിസി
****************
വിവേചനമില്ലാതെ എല്ലാ ന്യൂനപക്ഷ വിഭാഗങ്ങള്ക്കും തുല്ല്യനീതി ഉറപ്പാക്കുന്ന നിയമം നടപ്പിലാക്കണം. വിവേചന രഹിതമായ നിലപാട് മുഖ്യമന്ത്രിയില് നിന്നും പ്രതീക്ഷിക്കുന്നു.
ഓര്ത്തഡോക്സ് സഭ
**************************
ന്യൂനപക്ഷ അവകാശങ്ങള് മുഖ്യമന്ത്രിയുടെ നിയന്ത്രണത്തില് പൂര്ണ്ണമായി സംരക്ഷിക്കപ്പെടുമെന്ന് വിശ്വസിക്കുന്നു. ക്രൈസ്തവ ന്യൂനപക്ഷങ്ങളുടെ പ്രശ്നങ്ങള് പരിഹരിക്കുന്നതിന് കമ്മീഷനെ നിയോഗിച്ച നടപടിയെ സ്വാഗതം ചെയ്യുന്നു.
യാക്കോബായ സഭ
**********************
ഹൈക്കോടതി ഉത്തരവ് നീതി പൂര്വ്വകമാണ്. സര്ക്കാര് നീതി നടപ്പിലാക്കി തരുമെന്നാണ് പ്രതീക്ഷ. മുഖ്യമന്ത്രി ന്യൂനപക്ഷക്ഷേമ വകുപ്പ് ഏറ്റെടുത്തതില് വലിയ പ്രതീക്ഷയുണ്ട്.
മാര്ത്തോമ്മാ സഭ
******************
ഹൈക്കോടതി വിധി നീതിപൂര്വ്വകമാണ്.സംവരണാനൂകൂല്ല്യങ്ങള് എല്ലാവര്ക്കും നീതി ലഭിക്കുന്ന വിധത്തിലാകണം. ജനസംഖ്യാനുപാതത്തില് ക്രൈസ്തവ സമുഹത്തിനും അര്ഹമായ സംവരണം വേണം.
കേരള കൗണ്സില് ഓഫ് ചര്ച്ചസ്
******************************
ഹൈക്കോടതി വിധി നീതിയുടെ വിജയമാണ്.
മുസ്ലീം ലീഗ്
**********
വിധിക്കെതിരെ സര്ക്കാര് അപ്പീല് പോകണം. ലീഗ് സ്വന്തം നിലയില് സുപ്രീം കോടതിയെ സമീപിക്കും.
കാന്തപുരം എപി അബൂബക്കര് മുസലിയാര്
***********************************
വിധി നിരാശജനകമാണ് . ഇത് നടപ്പാക്കരുത് . സര്ക്കാര് അപ്പീല് പോകണം.
ഐഎന്എല്
**********
വിധി നിരാശാജനകമാണ് സര്ക്കാര് അപ്പീല് പോകണം.
കേരള കോണ്ഗ്രസ് ജോസഫ്
********************
വിധി സ്വാഗതാര്ഹമാണ്. ഉടന് നടപ്പിലാക്കണം.
പി.എസ് ശ്രീധരന്പിള്ള( മിസ്സോറാം ഗവര്ണ്ണര്)
**********************
വിധി എല്ലാ കേരളീയരുടേയും കണ്ണ് തുറപ്പിക്കുന്നതാണ് സൗഹൃദാന്തരീക്ഷം നിലനിര്ത്തി കേന്ദ്രം നല്കുന്ന ന്യൂനപക്ഷാനുകൂല്ല്യങ്ങള് കേരളത്തില് വിതരണം ചെയ്യണം.