ലക്ഷദ്വീപിലെ അഡ്മിനിസ്ട്രേറ്റര് പ്രഫുല് പട്ടേലിന്റെ ചില പരിഷ്ക്കാരങ്ങളാണ് ഇപ്പോള് കേന്ദ്രത്തിനെതിരെ കനത്ത പ്രതിഷേധം വിളിച്ചു വരുത്തിയിരിക്കുന്നത്. കേന്ദ്ര സര്ക്കാരിന്റെ രഹസ്യ അജണ്ടകളാണ് അഡ്മിനിസ്ട്രേറ്റര് നടപ്പിലാക്കുന്നതെന്നും ഇതിനാല് രാഷ്ട്രപതി ഇടപെടണമെന്നുമാണ് വിവിധ കോണുകളില് നിന്നും ഉയരുന്ന ആവശ്യം.
കേരളത്തിന്റെ അയല്പ്രദേശമായ ലക്ഷദ്വീപില് ചെറുതും വലുതുമായ 36 ദ്വീപുകളാണുള്ളത്. ഇതില് പത്തിടത്താണ് മനുഷ്യവാസം ഉള്ളത്. ജനസംഖ്യയില് 98 ശതമാനവും മുസ്ലീംങ്ങളാണ്. കേരളത്തില് നിന്നും 404 കിലോമീറ്ററാണ് തലസ്താനമായ കവരത്തിയിലേയ്ക്കുള്ള ദൂരം.
ആരാണ് പ്രഫുല് ഖോഡ പട്ടേല്. ഇദ്ദേഹം ഗുജറാത്തിലെ മുതിര്ന്ന ബിജെപി നേതാവാണ് അതിനുമപ്പുറം നരേന്ദ്ര മോദി ഗുജറാത്ത് മുഖ്യമന്ത്രി ആയിരുന്നപ്പോള് ആഭ്യന്തര സഹമന്ത്രിയുമായിരുന്നു. 2020 ഡിസംബറിലാണ് ഇദ്ദേഹം ലക്ഷദ്വീപില് അഡ്മിനിസ്ട്രേറ്ററായി ചുമതലയേറ്റെടുക്കുന്നത്. ഇനി ലക്ഷദ്വീപില് ഇപ്പോള് എന്താണ് സംഭവിച്ചു കൊണ്ടിരിക്കുന്നതതെന്ന് നോക്കാം.
ആദ്യം ചെയ്തത് ദ്വീപിലെ ജില്ലാപഞ്ചായത്തിന്റെ അധികാരങ്ങള് വെട്ടിച്ചുരുക്കുകയായിരുന്നു. ഇതോടെ വിദ്യാഭ്യാസം, ആരോഗ്യം ,കൃഷി മത്സ്യബന്ധനം മൃഗസംരക്ഷണം എന്നീ വകുപ്പുകള് അഡ്മിനിസ്ട്രേറ്റര്ക്കൂ കീഴിലായി. സര്ക്കാരിന്റെ കീഴിലല് വിവിധ വകുപ്പുകളില് കരാറടിസ്ഥാനത്തില് ജോലി ചെയ്തിരുന്ന നിരവധിയാളുകളെ പിരിച്ചു വിട്ടു. തീരദ്ദേശ സംരക്ഷണ നിയമം ഉപയോഗിച്ച് മത്സ്യ തൊഴിലാളികളുടെ ഷെഡ്ഡുകള് പൊളിച്ചു നീക്കി. കോവിഡ് നിയന്ത്രണങ്ങളില് അനാവശ്യ ഇളവുകള് അനുവദിച്ചു. മദ്യരഹിതമായിരുന്ന ദ്വീപില് ടൂറിസത്തിന്റെ ഭാഗമായി മദ്യശാലകള്ക്ക് അനുമതി നല്കി.
ബീഫ് നിരോധനം കൊണ്ടുവന്നു. സക്ൂള് കുട്ടികളുടെ ഉച്ചഭക്ഷണത്തില് നിന്നും മാംസാഹാരം എടുത്തുമാറ്റി. ഗുണ്ടാ ആക്ട് നടപ്പിലാക്കി, ഇതൊക്കെയാണ് ദ്വീപ് നിവാസികളുടേയും പുറമേയുള്ളവരുടേയും പ്രതിഷേധങ്ങള്ക്ക് കാരണം. സോഷ്യല് മീഡിയയില് സേവ് ലക്ഷദ്വീപ് ക്യാപയ്ന് ശക്തിയാര്ജ്ജിക്കുകയാണ്.
എന്നാല് ലക്ഷദ്വീപില് നിന്നും പുറത്തു വരുന്നത് വ്യാജവാര്ത്തകളാണെന്നും രാജ്യത്ത് സമാധാനവും സുരക്ഷിതത്വവും ഉറപ്പ് വരുത്തുന്ന നീക്കങ്ങളാണ് എവിടെയും കേന്ദ്രസര്ക്കാര് നടത്തുന്നതെന്നും ലക്ഷദ്വീപിനെ ആഗോള ടൂറിസ്റ്റ് കേന്ദ്രമാക്കി മാറ്റുക എന്ന ലക്ഷ്യത്തോടെയുള്ള പരിഷാക്കാരങ്ങളാണ് നടക്കുന്നതെന്നുമാണ് ബിജെപി നേതാക്കളുടെ വാദം.
എന്തായാലും ലക്ഷദ്വീപ് ഇന്ത്യന് രാഷ്ട്രീയത്തില് ചര്ച്ചായായി മാറുകയാണ്. അനുകൂലിച്ചും പ്രതീകൂലിച്ചും ആളുകളെത്തുമ്പോള് ഇവിടെ തമാസിക്കുന്ന ആളുകളുടെ മൗലികാവകാശങ്ങള് കവര്ന്നെടുക്കെരുതെന്നാണ് ഭൂരിഭാഗം പേരുടേയും ആവശ്യം.
see also