Image

നാടിനൊരു പള്‍സ് ഓക്‌സിമീറ്റര്‍' പദ്ധതിയില്‍ ഡബ്ല്യുഎംസി യോടൊപ്പം നിങ്ങള്‍ക്കും പങ്കാളിയാകാം

Published on 15 May, 2021
നാടിനൊരു പള്‍സ് ഓക്‌സിമീറ്റര്‍' പദ്ധതിയില്‍ ഡബ്ല്യുഎംസി യോടൊപ്പം നിങ്ങള്‍ക്കും പങ്കാളിയാകാം

ഡബ്ലിന്‍: കോവിഡ് വ്യാപനത്തെതുടര്‍ന്നു കേരള സോഷ്യല്‍ സെക്യൂരിറ്റി മിഷന്‍ എക്‌സിക്യുട്ടീവ് ഡയറക്ടര്‍ ഡോ.മുഹമ്മദ് അഷീലിന്റെ അഭ്യര്‍ഥന പ്രകാരം പള്‍സ് ഓക്‌സിമീറ്ററിന് ക്ഷാമം നേരിടുന്ന കേരളത്തിന് വേള്‍ഡ് മലയാളി കൗണ്‍സില്‍ അയര്‍ലന്‍ഡ് സുമനസുകളുടെ സഹകരണത്തോടെ 300 പള്‍സ് ഓക്‌സിമീറ്റര്‍ നല്‍കുന്നു.

അയര്‍ലന്‍ഡിലെ പ്രമുഖ ഫാര്‍മസിയായ Molloys Pharmacy യില്‍ നിന്നും 14 യൂറോ മുതലുള്ള പള്‍സ് ഓക്‌സിമീറ്ററുകള്‍ ഓര്‍ഡര്‍ നല്‍കി നിങ്ങള്‍ക്കും ഈ ഉദ്യമത്തില്‍ പങ്കാളിയായി ജന്മനാടിന് കൈത്താങ്ങാകാം. Molloys Pharmacy യില്‍ നിന്നും എങ്ങനെ ഓര്‍ഡര്‍ ചെയ്യണമെന്നുള്ള വിവരങ്ങള്‍ക്ക് www.wmcireland.com സന്ദര്‍ശിക്കുക.


നിങ്ങളുടെ പരിചയത്തിലുള്ള സ്ഥാപനങ്ങളില്‍ നിന്നോ, നിങ്ങള്‍ക്ക് നേരിട്ടോ പള്‍സ് ഓക്‌സിമീറ്ററുകള്‍ ലഭ്യമാക്കാന്‍ സാധിക്കുമെങ്കില്‍ അവയും ഇതോടൊപ്പം അയയ്ക്കാന്‍ സാധിക്കും.

അടുത്ത ആഴ്ച തന്നെ നാട്ടിലേക്ക് അയയ്ക്കേണ്ടതിനാല്‍ എത്രയും വേഗം ഈ പദ്ധതിയോട് സഹകരിക്കണമെന്ന് സംഘാടകര്‍ അഭ്യര്‍ഥിച്ചു.

വിവരങ്ങള്‍ക്ക് : അനിത്ത് 0870557783 , കിംഗ് കുമാര്‍ 0872365378.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക