വാഷിങ്​ടണ്‍: ഇന്ത്യയില്‍നിന്ന്​ യു.എസിലെത്തിയ യാത്രക്കാരന്‍റെ ബാഗില്‍ കണ്ടെത്തിയ ചാണക വറളി അധികൃതര്‍ നശിപ്പിച്ചു. വാഷിങ്​ടണ്‍ ഡി.സിയിലെ വിമാനത്താവളത്തിലാണ്​ സംഭവം.

ഏപ്രില്‍ നാലിന് എയര്‍ ഇന്ത്യ വിമാനത്തില്‍ യു.എസിലെത്തിയ യാത്രക്കാ​ര​േന്‍റതാണ്​ ബാഗ്​. വിമാനത്താവളത്തില്‍ ഉപേക്ഷിക്കപ്പെട്ട നിലയിലായിരുന്നു ഇത്​​. ഉപേക്ഷിക്കപ്പെട്ട ബാഗ്​ യു.എസ്​ കസ്റ്റംസ്​ ആന്‍ഡ്​ ബോര്‍ഡര്‍ പ്രൊട്ടക്ഷന്‍ ഏജന്‍റുമാര്‍ പരിശോധിക്കുന്നതിനിടെയാണ്​ രണ്ട്​ ചാണക വറളി കണ്ടെത്തിയത്​.

മറ്റിടങ്ങളില്‍നിന്ന്​ ചാണകം കൊണ്ടുവരുന്നതിന്​പ​ യു.എസില്‍ നിരോധനമുണ്ട്. പകര്‍ച്ചവ്യാധികള്‍ പകരുമെന്ന ഭീതിയെ തുടര്‍ന്നാണ്​ നിരോധനം. ബാഗില്‍നിന്ന്​ ചാണക വറളി കണ്ടെത്തിയ ഉടന്‍ തന്നെ അധികൃതര്‍ അവ നശിപ്പിക്കുകയും ചെയ്​തു.

ലോകത്തിന്‍റെ വിവിധ ഭാഗങ്ങളില്‍ ചാണക വറളി ​പാചക സ്രോതസായും വളമായുമെല്ലാം ഉപയോഗിക്കുന്നുണ്ട്​. ഇന്ത്യയില്‍ ചാണകം കോവിഡ്​ ചികിത്സക്ക്​ ഉപയോഗിക്കാ​െമന്ന തെറ്റായ സന്ദേശം വ്യാപകമായി പ്രചരിക്കുന്നുണ്ട്​.