-->

America

നാടുകാണി (കവിത: മുയ്യം രാജന്‍)

Published

on

പ്രവാസിയായ
ഒരു നാട്ടുമ്പുറത്തുകാരൻ
വർഷങ്ങൾക്ക് ശേഷം
അടക്കാനാവാത്ത ആധിയോടെ
കുറുക്കുവഴികളിലൂടിഴഞ്ഞ്
ആവേശത്തോടെ
അവസാനത്തെ നടവഴി
കണ്ടെത്തുന്നു.
അവിടെ നിന്നാണ് ഗ്രാമത്തിലെ
ആദ്യ റോഡിന്റെ തുടക്കം.

ഉൾവഴികളിൽ നിന്നുടലെടുത്ത്
നാലുവരികളിലേക്കും
ആറുവരികളിലേക്കും    
പരിണാമം പ്രാപിച്ച്,
ക്രമേണ ഗ്രാമീണന്
അപ്രാപ്യമായി മാറുന്നു    
എന്നും രാജ്യാന്തരവീഥികൾ.

വാഹനവ്യൂഹങ്ങളുടെ കുരുക്കിൽ
വിങ്ങി വിതുമ്പിയൊടുങ്ങുന്ന  
ഈ പെരുവഴികളെല്ലാമൊരുനാൾ
നാട്ടിടവഴികളായിരുന്നെന്ന
നാട്യം മനപ്പൂർവ്വം മറക്കുന്നു.

കൃഷീവലന്റെ വിയർപ്പുചാൽ  
ഒഴുകിയുറഞ്ഞിടത്തിപ്പോൾ
അതിവേഗമാർന്ന അന്താരാഷ്‌ട്ര
വിമാനങ്ങൾ ചിറകു വിരിച്ച്
പറക്കാൻ  വെമ്പുന്നു.

പുത്തൻ കാഴ്ചകൾ കണ്ട്
പിൻവാങ്ങുമ്പോള്‍
മുടിയഴിച്ചിട്ടാടിയ    
മാമരച്ചില്ലകൾ   
ഇനിയിതൊക്കെയേയുള്ളൂ  
എന്ന് ശീൽക്കരിച്ച്
പെട്ടെന്ന് ശാന്തത കൈവരിക്കുന്നു.

മുത്തശ്ശിയുടെ ശവദാഹത്തിന്
കടപുഴക്കിയ തേന്‍മാവിന്‍റെ
അവശേഷിപ്പുകൾ  
ചിതലുകൾ പതിയെ
മണ്ണിൽ ലയിപ്പിക്കുന്നു.

വീട്ടിൽ തിരിച്ചെത്തി
മരം, മണ്ണ്, ജലം, വായു ...
ഇവയൊക്കെയാണിനി
പ്രകൃതിയിലെ അതീവ
ദുരന്തങ്ങളെന്ന
പുതുകവിത ഒരാവർത്തി
കൂടി വായിച്ച്,
വഴിയതിരുകളിലെ കാഴ്ചകൾ   
ക്യാമറയിൽ കോർത്തു കെട്ടുന്നു.

മണ്ണും വിണ്ണുമെന്തെന്ന് ?
സിമന്റ് കോളനിയിലെ
പ്രളയ പുനരധിവാസികൾ
നാളെ അഥവാ  
ചോദിച്ചാൽ പറയാൻ  
പാകത്തിലുള്ളൊരു  
റെഡിമെയ്‌ഡ് ഉത്തരം   
ചുണ്ടിൽ പശ തേച്ചു വയ്ക്കുന്നു.

അടിക്കടി നാടു നീങ്ങുന്ന   
ഗ്രാമാതുരതകളെ ഇനി  
തലോടണോ വേണ്ടയോ
എന്ന പകപ്പോടെ
തറവാടിന്റെ തിരുമുറ്റത്ത്
എന്തോ തിരഞ്ഞു
കളിക്കുന്നുണ്ടൊരു കരിനിഴൽ.

നെഞ്ചിലുറയുന്ന
ആകുലതകൾക്ക്
കൂച്ചു വിലങ്ങിട്ട്,  
നാട്ടുവഴക്കങ്ങളുമായി
താദാത്മ്യപ്പെടാൻ
തുടങ്ങുമ്പോൾ,   
ഒറ്റക്കുതിപ്പിന്
നഗരം പൂകാൻ
വെമ്പുന്നുണ്ട്
നമ്മുടെ സ്വന്തം നാട് !

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

പതനം (കവിത: സന്ധ്യ എം)

വെള്ളക്കല്ലറ (കവിത: വേണു നമ്പ്യാർ)

ലേഖയും ഞാനും വിവാഹിതരായി (കഥ : രമണി അമ്മാൾ )

തേനും ജ്ഞാനിയും (തൊടുപുഴ കെ ശങ്കര്‍ മുംബൈ)

സംഗീതം ( കവിത: ദീപ ബി.നായര്‍(അമ്മു))

അച്ഛൻ (കവിത: ദീപ ബി. നായര്‍ (അമ്മു)

വീഡ് ആൻഡ് ഫീഡ് (കവിത: ജേ സി ജെ)

അച്ഛൻ (കവിത: രാജൻ കിണറ്റിങ്കര)

അച്ഛനെയാണെനിക്കിഷ്ടം (പിതൃദിന കവിത: ഷാജന്‍ ആനിത്തോട്ടം)

മൃദുലഭാവങ്ങള്‍ (ഗദ്യകവിത: ജോണ്‍ വേറ്റം)

പകല്‍കാഴ്ചകളിലെ കാടത്തം (കവിത: അനില്‍ മിത്രാനന്ദപുരം)

പാമ്പും കോണിയും : നിർമ്മല - നോവൽ - 51

ആമോദിനി എന്ന ഞാൻ : പുഷ്പമ്മ ചാണ്ടി (നോവൽ - 1)

ഭിക്ഷ (കവിത: റബീഹ ഷബീർ)

രണ്ട് കവിതകൾ (ഇബ്രാഹിം മൂർക്കനാട്)

സൗഹൃദം (കവിത: രേഷ്മ തലപ്പള്ളി)

കേശവന്‍കുട്ടിയുടെ രാഹുകാലം (കഥ: ഷാജി കോലൊളമ്പ്)

പിതൃസ്മരണകള്‍ (കവിത: ഡോ.. ഈ. എം. പൂമൊട്ടില്‍)

സമീപനങ്ങൾ (ഡോ.എസ്.രമ-കവിത)

അന്തിക്രിസ്തു (കഥ: തമ്പി ആന്റണി)

നീയെന്ന സ്വപ്നം...(കവിത: റോബിൻ കൈതപ്പറമ്പ്)

കവിയുടെ മരണം (കവിത: രാജന്‍ കിണറ്റിങ്കര)

അയമോട്ടിയുടെ പാന്റും മമ്മദിന്റെ മുണ്ടും (ഷബീർ ചെറുകാട്, കഥ)

രണ്ട് കവിതകൾ (എ പി അൻവർ വണ്ടൂർ, ജിദ്ദ)

ഖബറിലെ കത്ത്‌ (സുലൈമാന്‍ പെരുമുക്ക്, കവിത)

പച്ച മനുഷ്യർ (മധു നായർ, കഥ)

കാര്യസ്ഥന്‍ (നോവല്‍ -അധ്യായം -14 കാരൂര്‍ സോമന്‍)

സ്വപ്നകാലം (കവിത: ഡോ. ഉഷാറാണി ശശികുമാർ മാടശ്ശേരി)

ജലസമാധി (കവിത: അശോക് കുമാർ. കെ)

നീലശംഖുപുഷ്പങ്ങൾ (കഥ: സുമിയ ശ്രീലകം)

View More