Image

പുനർജ്ജനി (കവിത: ബിന്ദുജോൺ മാലം)

Published on 07 May, 2021
പുനർജ്ജനി (കവിത: ബിന്ദുജോൺ മാലം)
എന്റെ സ്നേഹം
ഞാൻ നിങ്ങൾക്ക് എഴുതാം
രാത്രി ആകാശത്തേക്ക്
ശാന്തമായി നോക്കുമ്പോൾ
ലോകത്തിലെ സൗന്ദര്യം
ക്ഷണികമാണെന്ന്
വേദനയോടെ ഞാനറിയുന്നു
അവിടിവിടങ്ങളിലായി
പതിഞ്ഞു കേൾക്കുന്ന
പിറുപിറുക്കലിലേക്ക്
വാക്കുകളായി
വികാരങ്ങൾ ഒഴുകുന്നിടത്തേയ്ക്ക്
എന്റെ  സ്നേഹവും
നിർല്ലോഭം പ്രവഹിക്കുന്നു
രാത്രിയിലെ ഗന്ധത്തിലേക്ക്
ഞാനെന്റെ സ്നേഹം പകരുന്നു
അടഞ്ഞ മുറിയുടെ നടുവിൽ
വെളിച്ചത്തിന്റെ രുചി
എങ്ങനെയെന്ന്
അനുഭവിച്ചറിയുമ്പോൾ
കോർത്തു വലിക്കുന്ന
വേദനകൾ അലറുന്നു
ചിലയിടങ്ങളിൽ
കൂരിരുട്ട് മണക്കുന്നു
ഞാൻ‌
ആഴങ്ങളിലേയ്ക്ക്
താഴ്ന്നു പോകുന്നു
നിങ്ങൾ എത്ര ദൂരെയാണിപ്പോൾ
മറന്ന് മരിക്കുന്ന ലോകത്തിൽ
വീണ്ടും കണ്ടുമുട്ടുമോ
ഉപരിതലത്തിന്റെ
സമാധാനത്തിൽ
ഒരിക്കൽ
നിങ്ങൾ എന്നെ കണ്ടെത്തും
അതിനാൽ ഇനി മറക്കരുത്
ഞാൻ മരിച്ചിട്ടില്ല

===================
വര-ഷാനി കെ.കെ.വി
പുനർജ്ജനി (കവിത: ബിന്ദുജോൺ മാലം)
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക