-->

kazhchapadu

പെണ്ണേ, നീ തീയാവുക! (ലക്ഷ്മി. എസ്. ദേവി, ഇ-മലയാളി കഥാമത്സരം 27)

Published

on

തൊട്ടടുത്തിരിക്കുന്ന യുവതിയുടെ, സ്ഥാനം മാറി കിടക്കുന്ന കുർത്തയുടെ വിടവിൽ കാണുന്ന ഇറുകിയ ലെഗ്ഗിങ്സിനു മുകളിലൂടെ, അവളുടെ തുടവണ്ണം കണ്ണു കൊണ്ട് ഇടയ്ക്കിടെ അളന്ന് അയാൾ വാട്സാപ്പ് ഗ്രൂപ്പിൽ സ്ത്രീയുടെ വസ്ത്ര സ്വാതന്ത്യത്തെക്കുറിച്ചൊരു മെസേജ് പായിച്ചു.

ധീരയും തന്റേടിയുമായ നായിക നായകന്‍റെ   കരണത്തടിക്കുന്നിടത്ത് എഴുതി അവസാനിപ്പിച്ച് കഥയ്ക്ക് അടിവരയിട്ടപ്പോഴാണ് ഫേസ്ബുക്ക് നോട്ടിഫിക്കേഷൻ ടോൺ കേട്ടത്. ഒരു സ്ത്രീ സുഹൃത്ത് പണ്ടു മുതൽ അനുഭവിക്കുന്ന ചൂഷണങ്ങളും പീഢകളും സിംപതി കലർന്ന ഭാഷയിൽ ആൺവർഗത്തെ മ്ലേച്ഛന്മാരായി ഹൈലൈറ്റ് ചെയ്തെഴുതിയ ഒരു പോസ്റ്റ് ആണ്‌. സഹാനുഭൂതി വാരിവിതറിയൊരു കമന്റ് ടൈപ്പ് ചെയ്തു കൊണ്ടിരിക്കുമ്പോൾ ഒരു കോൾ വന്നു. കൂട്ടുകാരിയുടെ അനിയന്‍റെ   കല്യാണത്തിനു പോകുന്ന കാര്യം ചോദിച്ച് ഭാര്യ ആണ്.

"ആ പ്ലാൻ ഒഴിവാക്ക് !! ഞാനിന്ന് നേരത്തേ വരും പുറത്തു പോകാം"

മറുപടിയിൽ ഉണ്ടായ ഇഷ്ടക്കേട് തിരിച്ചൊരു ചോദ്യമായി ആണ് വന്നത്. "ഇന്നലെക്കൂടി പറഞ്ഞതല്ലേ ഞാൻ...?"

"പറയുന്നതങ്ങനുസരിച്ചാൽ മതി" എന്ന മറുപടിയിൽ ഫോൺ കട്ടായി. അടിമകളായി സ്വയം കരുതുന്നിടത്ത് നിന്‍റെ   പരാജയം തുടങ്ങുന്നു എന്ന്.. നേരത്തേ എഴുതിയ കമന്റ് പൂർത്തിയാക്കി പോസ്റ്റ് ചെയ്തു.

അല്പം നേരത്തേ പോകാൻ പഞ്ചിങ് മെഷീന് അടുത്തേക്ക് നടക്കുമ്പോൾ ഒരു കോൾ unknown number ആണ്‌. ‍" ന" യുടെ പുറത്തൊരു ചുമന്ന ഗുണന ചിഹ്നത്തോടു കൂടി "ന:സ്ത്രീ സ്വാതന്ത്ര്യമർഹതി" എന്ന ലേഖനവും ചേർത്തു കഴിഞ്ഞ ലക്കം പാർട്ടി മാസിക പുറത്തിറങ്ങിയതിനു ശേഷം ഇതു പോലെ പരിചയമില്ലാത്ത വിളികൾ വരുന്നുണ്ട്. പച്ചയിലൊന്നു തൊട്ടു.

"ഹലോ.."

മറുപടി ഹലോ ഇല്ലാതെ.. മറുവശം പറഞ്ഞു തുടങ്ങി

" നിർമ്മല, കഥാക്കൂട്ടിൽ ഒരിക്കൽ പരിചയപ്പെട്ടിരുന്നു. ഓർക്കുന്നോ? "

അന്ന് അവളിട്ടിരുന്ന നിറം നരച്ച കഴുത്തിറങ്ങിയ ജൂബ വ്യക്തമായി ഓർത്തുകൊണ്ട് പറഞ്ഞു. "ആ ഓർമയുണ്ട്. പറയൂ, നിർമ്മല"

"ലേഖനം വായിച്ചു. 'സമത്വം എന്നത് പുരുഷന്‍റെ   കർത്തവ്യമല്ല, സ്ത്രീയുടെ അവകാശമാണ് !' എന്ന് എഴുതിയത് കണ്ടു. ഈ തരത്തിൽ ചിന്തിക്കുന്നവരായിരുന്നു എല്ലാ പുരുഷൻമാരും എങ്കിൽ സമത്വത്തിനായുള്ള സമരങ്ങൾ ഒഴിവാക്കാമായിരുന്നു."

പരസ്പരം അനുകൂലിച്ചുള്ള മറുപടികളിലൂടെ ആ സംഭാഷണം ഒരു മണിക്കൂറോളം നീണ്ടു. ഇതിനിടയിൽ ആളൊഴിഞ്ഞ കാന്റീനിൽ പോയിരുന്നൊരു ചായയും തീർത്തു.

വീട്ടിലെത്താൻ പതിവിലും വൈകി. ഡൈനിംഗ് ടേബിളിൽ ബാഗ് വച്ച് കസേരയിലേക്കിരുന്നു. ചായയും ഉള്ളിവടയും ടേബിളിൽ വന്നു. വൈകുന്നേരം കൊടുത്ത കമന്റിനുള്ള പ്രതികരണങ്ങൾ കൂടുന്നതിനൊപ്പം ചായയുടെയുംവടയുടെയും അളവ് കുറഞ്ഞു കൊണ്ടിരുന്നു. ഒരു പുളിച്ച മണം തുളച്ചു കയറിയതിനാൽ മൂക്ക് ചുളിച്ചു കൊണ്ട് നോക്കി 

അപ്പോൾ..., അവൾ എന്റെ ലഞ്ച് ബാഗ് തുറന്നതാണ്. 

കഴുകാത്ത പാത്രവും അടപ്പും ബാഗിൽ വെവ്വേറെ കിടന്ന് മീൻമുള്ളും മറ്റവശിഷ്ടങ്ങളുമായി സംഘടിച്ചതാണ്.

"അത് ആ വാഷ് ബേസിന്റെ അവിടെപ്പോയി തുറന്നാൽ പോരേ... ഇവിടെ കഴിച്ചു കൊണ്ടിരിക്കുവല്ലേ?"

"... ആ എല്ലാരും കഴിക്കുന്നതാ..."

ഇനിയുമെന്തോ പറയാൻ തുടങ്ങിയ അവളോട് "ഇവിടെ അനാവശ്യമായി ശബ്ദമുയർത്തരുതെന്ന് പല വട്ടം പറഞ്ഞിട്ടുണ്ട്" 

എന്നയാൾ ശബ്ദമുയർത്തി.അവൾ മിണ്ടിയില്ല.

വീണ്ടുമൊരു ഫേസ്ബുക്ക് നോട്ടിഫിക്കേഷൻ!!! അടിച്ചമർത്തലിന്റെ നോവുകൾ പറഞ്ഞൊരു പോസ്റ്റ്......

വളരെ വേഗത്തിൽ‍അയാളതിനു കമന്റ് ചെയ്തു,

"പെണ്ണേ നീ തീയാവുക!!!"

---------------------------

ലക്ഷ്മി എസ് ദേവി 

തിരുവനന്തപുരം സ്വദേശി. 

2017 ൽ നിലാവിനെന്താഴം എന്ന കഥാ സമാഹാരം പ്രസിദ്ധീകരിച്ചു. 

ഇ പബ്ലിക്കയുടെ കവിത പൂക്കും കാലം, ഓണപതിപ്പ് 2020 എന്നിവയില്‍ കൃതികൾ പ്രസിദ്ധപ്പെടുത്തി. തിരുവനന്തപുരം ആകാശവാണിയിൽ അവതാരകയാണ്. 

lekshmi.s.devi.blogspot.comൽ സജീവമായി എഴുതി വരുന്നു.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ജാതകവശാൽ (ഉദയ പയ്യന്നൂര്‍, ഇ -മലയാളി കഥാമത്സരം)

നീലയും ചുവപ്പും നിറമുള്ള തത്ത (സന്ധ്യ. ഇ, ഇ -മലയാളി കഥാമത്സരം 39)

കാത്തിരുന്ന കത്ത് (ഷീബ, ഇ -മലയാളി കഥാമത്സരം 38)

ഒറ്റ രൂപ (അനീഷ് കുമാർ  കേശവൻ, ഇ -മലയാളി കഥാമത്സരം 37)

ഗൗളീശാസ്‌ത്രം സത്യമാകുമ്പോള്‍ (സ്വാതി. കെ, ഇ -മലയാളി കഥാമത്സരം 36)

ജോഹർ കുണ്ഡിലെ നൊമ്പരക്കാറ്റ് (സജി കൂറ്റാംപാറ,  ഇ -മലയാളി കഥാമത്സരം 35)

അബൂക്കയുടെ ഒരുദിവസം (ഹസൈനാർ അഞ്ചാംപീടിക, ഇ -മലയാളി കഥാമത്സരം 34)

ഒരു പെണ്ണിന്റെ കഥ (ഗിരിജ ഉദയൻ, ഇ -മലയാളി കഥാമത്സരം 33)

കൂടുമാറ്റം (ഡോ. റാണി ബിനോയ്‌, ഇ -മലയാളി കഥാമത്സരം 32)

മഴുവിന്റെ കഥ (മാത്യു കെ. മാത്യൂ, ഇ -മലയാളി കഥാമത്സരം 31)

ക്രാന്തിവൃത്തം (അമൽരാജ് പാറേമ്മൽ, ഇ -മലയാളി കഥാമത്സരം 30)

മീസാൻ കല്ലുകളുടെ വിലാപം (സാക്കിർ സാക്കി, ഇ -മലയാളി കഥാമത്സരം 29)

അടയാളപ്പെടാത്തവർ (സിനി രുദ്ര, ഇ-മലയാളി കഥാമത്സരം 28)

കുമാർതുളിയിലെ ദുർഗാപ്രതിമകൾ (ശ്യാംസുന്ദർ പി ഹരിദാസ്, ഇ-മലയാളി കഥാമത്സരം 26)

കാത്ത് നിൽക്കാതെ (രാജൻ കിണറ്റിങ്കര, ഇ-മലയാളി കഥാമത്സരം 25)

നൂറയുടെ ജൻമദിനം (നൈന മണ്ണഞ്ചേരി, ഇ-മലയാളി കഥാമത്സരം 24)

ഒരു ഡയറി കുറിപ്പ് (മരിയ ജോൺസൺ, ഇ-മലയാളി കഥാമത്സരം 23)

ഭ്രാന്തി (അർച്ചന ഇന്ദിര ശങ്കർ, ഇ-മലയാളി കഥാമത്സരം 22)

പ്രണയത്തിൽ ഒരുവൾ നിശബ്ദയാവുമ്പോൾ (രാജീവ് മുളക്കുഴ, ഇ-മലയാളി കഥാമത്സരം 21)

വെള്ളത്തുള്ളി സാക്ഷിയായ കഥകൾ (ജിതിൻ നാരായണൻ, ഇ-മലയാളി കഥാമത്സരം 20)

ഇ-മലയാളി കഥാമത്സരത്തിലേക്ക് കഥകൾ അയക്കാൻ ഇനിയും ഒരാഴ്ച കൂടി

സ്വാന്തം (രമ്യ രതീഷ്, ഇ-മലയാളി കഥാമത്സരം 19)

സെയിൽസ്മാൻ (ഷംസു വടക്കുംപുറം, ഇ-മലയാളി കഥാമത്സരം 18)

ജല്‍പനങ്ങളില്‍ തെളിഞ്ഞ് കേട്ടവ (സുനില്‍ ഗുരുകുലം, ഇ-മലയാളി കഥാമത്സരം 17)

ചിത്രലേഖ (രാജൻ പെരുമ്പുള്ളി,  ഇ-മലയാളി കഥാമത്സരം 16)

ജഡ്ജ് മെയ്ഡ് ലോ (ഡോ.എം.ഷാജഹാൻ, ഇ-മലയാളി കഥാമത്സരം 15)

നേർച്ച പോത്ത് (നിവിൻ എബ്രഹാം, ഇ-മലയാളി കഥാമത്സരം 14)

പെറ്റ്സ് വില്ല (നജീബ് കാഞ്ഞിരോട്,  ഇ-മലയാളി കഥാമത്സരം 13)

അനാഥ ദൈവങ്ങൾ (ജിഷ. കെ. റാം, ഇ-മലയാളി കഥാമത്സരം -12)

വിധിയുടെ നിഴൽ (ബിന്ദു ജോൺ മാലം - ഇ-മലയാളി കഥാമത്സരം 11)

View More