Image

ഫോമ ജോയിന്റ് സെക്രട്ടറി സ്ഥാനത്തേക്ക് ബിനു ജോസഫിനെ മാപ്പ് നോമിനേറ്റ് ചെയ്തു

രാജു ശങ്കരത്തിൽ, മാപ്പ് പി.ആർ.ഓ Published on 23 April, 2021
ഫോമ   ജോയിന്റ് സെക്രട്ടറി സ്ഥാനത്തേക്ക് ബിനു ജോസഫിനെ മാപ്പ് നോമിനേറ്റ് ചെയ്തു
അമേരിക്കൻ മലയാളികളുടെ അഭിമാന സംഘടനയായ  ഫോമയുടെ 2022 -2024  കാലയളവിലേക്കുള്ള ജോയിന്റ് സെക്രട്ടറി സ്ഥാനത്തേക്ക് മത്സരിക്കാനുള്ള ബിനു ജോസഫിന്റെ  തീരുമാനത്തെ മലയാളി അസോസിയേഷൻ ഓഫ് ഗ്രേറ്റർ ഫിലാഡൽഫിയ [MAP].   പിന്തുണച്ചു.   പ്രസിഡന്റ്, ശ്രീ ഷാലു പുന്നൂസിന്റെ അധ്യക്ഷതയിൽ ചേർന്ന ബോർഡ് ഓഫ് ട്രസ്റ്റീ - എക്സിക്യൂട്ടീവ് കമ്മിറ്റി എന്നിവയുടെ  സംയുക്ത യോഗത്തിലാണ് ഐക്യകണ്ഡേനയുള്ള   ഈ തീരുമാനം കൈക്കൊണ്ടത്.

സാഹോദര്യ പട്ടണമായ  ഫിലാഡൽഫിയയിൽ കഴിഞ്ഞ രണ്ടു പതിറ്റാണ്ടായി വിവിധ സാമൂഹിക, സാംസ്കാരിക മേഖലകളിൽ വ്യത്യസ്തതയാർന്ന പ്രവർത്തനങ്ങളിലൂടെ പ്രാവീണ്യം തെളിയിച്ചിട്ടുള്ള മികച്ച സംഘാടകനാണ് ബിനു ജോസഫ് .

 2012 -2014 കാലഘട്ടത്തിൽ, ഫോമായുടെ ചരിത്രത്തിൽ ആദ്യമായി നടത്തിയ യംഗ് പ്രൊഫെഷണൽ സമ്മിറ്റ് -ന്റെ  നേതൃത്വ നിരയിൽ പ്രവർത്തിക്കുകയും സമ്മിറ്റിന്റെ വിജയശില്പികളിലെ പ്രധാനികളിൽ ഒരാളാകുവാനും  സാധിച്ചു. 2014   ൽ  ഫിലാഡൽഫിയാൽ വച്ച് നടന്ന  ഫോമാ കൺവെൻഷനിൽ  വിവിധ കമ്മിറ്റികളിലും, പ്രോഗ്രാം കോർഡിനേറ്റർ ആയും മികച്ച  പ്രവർത്തനം കാഴ്ചവച്ചു.

2014-2016 കാലഘട്ടത്തിൽ ഫോമയുടെ നാഷണൽ കമ്മിറ്റി മെമ്പർ ആയിരുന്നു. 2016-2018 ൽ  ഫോമായുടെ ഔദ്യോഗീക വെബ്‌സൈറ്റ്   അഡ്‌മിനിസ്ട്രേറ്റർ ആയി പ്രവർത്തിച്ചുകൊണ്ട്  സൈറ്റിന് പുതിയ രൂപവും ഭാവവും നൽകി.   2018  ൽ നടന്ന  ഷിക്കാഗോ കൺവെൻഷനിൽ ഓൺലൈൻ റെജിസ്ട്രേഷൻറെ കാര്യങ്ങൾ ക്രമപ്പെടുത്തിയത്തിനും ചുക്കാൻപിടിച്ചു.. അങ്ങനെ കൺവെൻഷന്റെ വിജയത്തിനായി വിവിധ കമ്മിറ്റികളിൽ എക്സിക്യൂട്ടീവ് ബോഡിയോടൊപ്പം സജീവമായി നിലകൊണ്ടു.

വിവിധ  കലാ, സാമൂഹിക സംഘടനകളുടെ ജീവകാരുണ്യ, ചാരിറ്റി പ്രവർത്തനങ്ങളിൽ മുൻപന്തിയിൽ. പ്രവർത്തിച്ചിട്ടുള്ള ഇദ്ദേഹം, ഫോമയുടെ അംഗ സംഘടനകിൽ  ഏറ്റവും  പ്രമുഖവും,  പ്രവർത്തന മേഖലയിൽ ഏറ്റവും മികച്ചതുമായ മലയാളി അസോസിയേഷൻ ഓഫ് ഗ്രെയ്റ്റർ ഫിലാഡൽഫിയായുടെ  ആജീവനാന്ത അംഗമാണ്.

 കോവിഡ് മഹാമാരി താണ്ഡവമാടിയ 2019 മുതൽ   "കരുതൽ ആണ്കരുത്ത്, നമുക്ക് ഒന്നിച്ചു നേരിടാം " എന്ന ആപ്തവാക്യത്തിൽ നടത്തിവരുന്ന മാപ്പിന്റെ ജീവകാരുണ്യ പ്രവർത്തനങ്ങളിൽ സജീവമാണ്.  
അമേരിക്കയിലെ മലയാളി സംഘടനകളിൽ ആദ്യമായി കോവിഡു  വാക്‌സിനേഷൻ ക്ലിനിക്ക് നടത്തി  വിജയിപ്പിച്ചതിനു  മുൻപന്തിയിൽ നിന്ന ബിനു, കോവിഡ് കാലത്തു നടന്ന ഫോമയുടെ   സുപ്രധാനമായ പല സൂം  മീറ്റിങ്ങുകളുടെയും ഫോമാ ഇലക്ഷന്റെയും വിജയകരമായ നടത്തിപ്പിന് പിന്നിൽ പ്രവർത്തിച്ചു .  മാപ്പ് കമ്മറ്റി  മെമ്പർ, തുടർച്ചയായി നാല് വർഷം പ്രോഗ്രാം കോർഡിനേറ്റർ, എന്നീ നിലകളിൽ സ്‌തുത്യർഹമായ പ്രവർത്തനം കാഴ്ചവെച്ചിട്ടുള്ള ബിനു,  2020 മുതൽ മാപ്പ്  ജനറൽ സെക്രട്ടറിയായി തിളക്കമാർന്ന പ്രവർത്തനങ്ങളിലൂടെ നന്മയുടെ വഴിയേ  തന്റെ ജൈത്രയാത്ര തുടരുന്നു  

ഐ.റ്റി രംഗത്ത് പ്രവർത്തിക്കുന്ന ഇദ്ദേഹത്തിന്റെ സാന്നിധ്യം  ഫോമയുടെ വളർച്ചയ്ക്ക് ഏറെ ഗുണം ചെയ്യുമെന്ന്  മാപ്പ് പ്രസിഡന്റ്  പുന്നൂസിന്റെ നേതൃത്വത്തിലുള്ള മാപ്പ് പ്രവർത്തന സമതി വിലയിരുത്തി.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക