-->

kazhchapadu

ഒരു ഡയറി കുറിപ്പ് (മരിയ ജോൺസൺ, ഇ-മലയാളി കഥാമത്സരം 23)

Published

on

വസുത,  അവളുടെ മുറിയിലേക്ക്  കയറി  ചുറ്റിനും  ഒന്ന് കണ്ണോടിച്ചു . ഒരു  ഇടുങ്ങിയ  മുറിയാണ് ... ഇന്ന്  ഈ  നാല്  ചുവരുകൾക്കും എന്തോ  പ്രത്യേക  ഭംഗിയുള്ളതായി അവൾക്ക്  തോന്നി. അവിടുന്ന് ജനലിന്  അടുത്തേക്ക് നടന്നു ...  ജനൽപാളിയിലൂടെ  പുറത്തേക്ക്  ഒന്ന്  എത്തി നോക്കി: ഇരുട്ട്  , കൂരാകൂരിരുട്ട് . പക്ഷെ  ഇന്ന്  എന്തോ  ഇരുട്ടിന്റെ  രൗദ്രഭാവം എന്നെ  ഭയപെടുത്തിയില്ല . ഒരു  ഇളം  കാറ്റ്  മെല്ലെ  എന്നെ  തഴുകി  കടന്നുപോയി ... അത്  എന്റെ  മുഖത്തും  തലമുടിയിലും  തട്ടി  കടന്നുപോയി..  ഉള്ളിലെ  നോവിന്  ഒരു  ആശ്വാസമെന്നോണം ....ഞാൻ  അതിൽ  ലയിച്ചു  നിന്നു ...
 
കണ്ണുകൾ ടേബിളിലേക്ക്  നീങ്ങി  ,  ടേബിളിലുള്ള ഡയറിയുടെ  ഓരോ  താളും  വെറുതെ  മറിച്ചു നോക്കി . പേന  കൈയിൽ  എടുത്തിട്ടും  ഒന്നും  എഴുതാൻ  പറ്റുന്നില്ല . മനസ്സ്  ആകെ  ശൂന്യമായിരുന്നു ... ഒരു  മൂടൽ  പോലെ ... ഈ  നിമിഷം മനസ്സും  ബുദ്ധിയും  തമ്മിൽ  ഒരു  ഘോരയുദ്ധം  തന്നെ  നടത്തിക്കൊണ്ടിരുന്നു... പ്രണയം  എന്ന  വികാരം  എന്റെ  ബുദ്ധിയെ   കാർന്നു തിന്നുകൊണ്ടിരുന്നു. എന്തിനാണ്  ഞാൻ  നിന്നെ  ഇത്രയേറെ സ്നേഹിച്ചത് ? പ്രണയിച്ചത്...? ഇല്ല  ഉത്തരമില്ലാത്ത  ചോദ്യങ്ങൾ ....
 
തെറ്റാണ് , എന്റെ  മാത്രം  തെറ്റ്. എല്ലാവർക്കും  മുൻപിൽ  കൊട്ടിയടച്ച  എന്റെ  സ്നേഹത്തെ; ഒരു  സൗഹൃദത്തിലൂടെ  നീ തൊട്ടുണർത്തി, അവസാനം  എന്നിലെ  പ്രണയത്തെ  നീ  പറിച്ചെടുത്തു ... 
 
 
എപ്പോഴോ  ഞാനും  അത്  കൊതിച്ചുപോയി . തെറ്റായി പോയി , നീയും  ഞാനും  തമ്മിൽ  ഉള്ള  അതിർ വരമ്പുകളുടെ  ആഴം  ഞാൻ കണ്ടില്ല; കാണാൻ ഒരിക്കൽ  പോലും  ശ്രമിച്ചുമില്ല - എന്റെ  ജീവിതത്തിൽ എനിക്കുപറ്റിയ ഏറ്റവും  വലിയ  തെറ്റ് .
 
കണ്ണുകൾ  നിറഞ്ഞു  വന്നു മെല്ലെ  അത്  തുടച്ചു  .... ഓരോന്നും  ഓർത്തു . ഓർമ്മകൾ  ഒരു  തിരമാലപോലെ  എന്നിലേക്ക്  അലയടിച്ചു.
 
കുറച്ചു  നാളുകൾക്ക്  മുൻപ്
 
പൊതുവെ  അന്തർമുഖയായ  എന്നെ... എന്ന്  മുതലാണ്  നീ  ശ്രദ്ധിച്ചു തുടങ്ങിയത് എന്നറിയില്ല . സ്കൂളിലും  കോളേജിലും  പാഠപുസ്തകങ്ങൾക്ക്  ഉള്ളിൽ  ഞാൻ  എന്റെ  ലോകം  തീർത്തു . എന്റെ  ലോകം  തന്നെ  എന്റെ  പുസ്തകങ്ങൾ  ആയിരുന്നു. പറയത്തക്ക സൗഹൃദം  ഒന്നുമില്ലായിരുന്നു . കോളേജിലെ  വാക മരച്ചുവട്ടിൽ  ഒരു  പുസ്തകവും  പിടിച്ചുള്ള  എന്റെ  ഇരിപ്പ്  കണ്ട്  പലരും  കളിയാക്കിയിട്ടുണ്ട് . പുസ്തപുഴു  എന്ന  ചെല്ലപ്പേരും . പക്ഷെ  ഞാൻ  അത്  ഒന്നും  കാര്യമാക്കിയില്ല. അങ്ങനെ  ദിവസങ്ങൾ കടന്നു .... ഒറ്റപ്പെടൽ  ഞാൻ  ആസ്വദിച്ചു  തുടങ്ങിയ  നിമിഷങ്ങൾ  ആയിരുന്നു  അവ .
 
ആദ്യമൊക്കെ  സിദ്ദു (സിദ്ധാർഥ് ) മിണ്ടാൻ  വരുമ്പോൾ  ഒക്കെ  ഞാൻ  ഒഴിഞ്ഞുമാറി  അല്ലെങ്കിൽ  ഒന്നോ  രണ്ടോ  വാക്കുകൾ  അല്ലെങ്കിൽ  വെറും  മൂളലുകളിൽ  ഒതുക്കും. സിദ്ദുവും  ഞാനും  ഒരേ  ക്ലാസ്സിൽ  ആയിരുന്നു. പെൺകുട്ടികളുടെ  ഇഷ്ടതാരമായ  സിദ്ധു  എന്തിന്  എന്നോട്  മിണ്ടണം . പലരെയും  പോലെ  എന്നെ  കളിയാക്കാൻ  ആകുമെന്ന്  കരുതി  ഞാൻ  സ്വയം  ഒഴിഞ്ഞുമാറി. എപ്പോഴോ  അവന്റെ  സൗഹൃദവലയം  എന്നെ  പല  കളിയാക്കലുകളിൽ  നിന്നും  രക്ഷിച്ചു . ഞങ്ങൾ  തമ്മിൽ  ഒരു  സൗഹൃദം  വളർന്നു , അത്  പ്രണയത്തിലേക്ക്  വഴി  മാറാൻ  അധികം  സമയം  വേണ്ടിവന്നില്ല. ചിലപ്പോൾ  അവന്റെ  സൗഹൃദം  നഷ്ടമാകുമോ എന്ന  ഭയം ആകാം... അറിയില്ല ...
 
മൂന്നു  വർഷത്തെ  എന്റെ  ദിവ്യ പ്രണയത്തിന്  അവൻ  നൽകിയ  സമ്മാനം അവന്റെ  കല്യാണകുറിപ്പ്  ആയിരുന്നു . വലിയ  വീട്ടിലെ  കുട്ടി , ഡോക്ടർ , സുന്ദരി , ധാരാളം  സ്വത്തും  സമ്പത്തും ; അവളെവച്ച്  നോക്കുമ്പോൾ  ഞാൻ  ഒന്നുമല്ലായിരുന്നു. സ്വത്തോ  പണമോ സൗന്ദര്യമോ  പറയത്തക്കതായില്ല . കാല് പിടിച്ചു കെഞ്ചിയെങ്കിലും  പുച്ഛം  മാത്രം  സമ്മാനിച്ചു  അവൻ നടന്നു  പോയി.
 
ഒറ്റപ്പെടലിന്റെ  നിമിഷങ്ങൾ , കരഞ്ഞു  ഞാൻ  രാവെന്നും  പകലെന്നുമില്ലാതെ. തലയണ എന്റെ  കണ്ണുനീർ  ഓരോ  നിമിഷവും  ഒപ്പിയെടുക്കുമ്പോളും  പരിഭവങ്ങൾ  പറഞ്ഞു. ആരുടെ  എങ്കിലും  ആശ്വാസ വാക്കുകൾക്കായി  ഞാൻ  കൊതിച്ചു. വേണ്ടപ്പെട്ടവർ  തഴഞ്ഞു ... 
 
ഇനി  ആരും  ഉണ്ടാകില്ലെന്ന്  ഓർത്തു  പക്ഷെ  നീ  എനിക്ക്  അരികിലേക്ക്  വന്നു . നിന്റെ  സൗഹൃദം  വാഗ്ദാനം  നൽകി  ആശ്വസിപ്പിച്ചു. ഇന്ന്  വരെ  ഞാൻ  അറിയാതെ  പോയ  നിന്നെ ഞാൻ  അന്ന്  മുതൽ  അറിഞ്ഞു  തുടങ്ങി ....
 
നീ  കൂടെയുണ്ടായിരുന്നു  എന്റെ  ഓരോ  കാൽവെപ്പിലും  പക്ഷെ  ഞാൻ  കണ്ടില്ല . ഇന്ന്  നീയാണ്  എനിക്ക്  തുണ. നീ  പല  തവണ  കൂടെ  വരാൻ എന്നെ  വിളിച്ചു ,  ഒരു  ജീവിതം  പകർന്നു  തരാൻ  ക്ഷണിച്ചു, അടങ്ങാത്ത  ഒരു  പ്രണയത്തെ  സമ്മാനിച്ചു . ഓരോ  തവണയും  ഞാൻ  അവഗണിച്ചു  കളഞ്ഞപ്പോളും  നീ  ധൈര്യം  പകർന്നു . പക്ഷെ  ഭയം  എന്നെ  ഓരോ തവണയും  വിഴുങ്ങികളഞ്ഞു. മനസ്സിലെ  നോവ്  ശരീരം  ആകെ  വ്യാപിച്ചപ്പോൾ  നീ  പറഞ്ഞത്  ശരിയാണെന്ന്  എനിക്കും  മനസിലായി.
 
കണ്ണുനീർ  നീർചാൽ  പോലെ  താളിലേക്ക്  പടർന്നു. ഞാൻ  മെല്ലെ  അവ  തുടച്ചു . ഡയറിയിൽ എന്തൊക്കെയോ  കുത്തിക്കുറിച്ചു.
 
" മരണമേ  ഇന്ന്  നീയാണ്  എന്റെ  കാമുകൻ, എന്റെ  എല്ലാമെല്ലാം... ഞാൻ  വരുകയാണ്  നിന്നിലെ  നിന്നെ  സ്വന്തമാക്കാൻ , നിന്നോടുള്ള  ഭ്രാന്തമായ  പ്രണയത്തിലാണ് ഇന്ന് ഞാൻ ...ഞാൻ  വരികയാണ് എന്റെ  പ്രണയത്തെ  തേടി ..."
 
ആ  വരിയും  കുറിച്ചു  ഞാൻ  ബ്ലേഡ്  കൈയിൽ  എടുത്തു ഒരു  നിമിഷം  കണ്ണുകൾ  അടച്ചു  . പെട്ടന്ന്  എന്നെ  സ്നേഹിക്കുന്നവരുടെ  മുഖം മനസ്സിലേക്ക്  കടന്നുവന്നു. അമ്മ , അച്ഛൻ , ചേട്ടൻ ,അങ്ങനെ  കുറച്ചു പേർ  . ഇവരുടെ  ഇടയിൽ  കിട്ടുന്ന  സന്തോഷം  മറ്റ്  എവിടെ  നിന്നും  എനിക്ക്  കിട്ടിയിട്ടില്ല .
 
എപ്പോഴോ  ബ്ലേഡ്  കൈയിൽ  നിന്നും  അടർന്നു വീണു . ജീവൻ  അവസാനിപ്പിക്കാൻ  തോന്നിയ  നിമിഷത്തെ  ഞാൻ  പഴിച്ചു . ഒരു  പ്രണയ നൈരാശ്യത്തിൽ  തീർക്കേണ്ടതാണോ  എന്റെ  ജീവിതം ? ഇനിയുമില്ലേ  നൂറായിരം  സ്വപ്‌നങ്ങൾ ? അവ ഒക്കെ  ബാക്കി  നിർത്തി  പോവുകാനാണോ ? മനസ്സ്  പല  ആവർത്തി  ചോദിച്ചു ....!!!!
 
അല്ല , ഒരു  വാശിയുടെ  പുറത്ത്  എരിഞ്ഞു  അടങ്ങാൻ  ഉള്ളതല്ല  എന്റെ ജീവിതം ,  എന്റെ  ജീവൻ , എനിക്ക്  ഇനിയും  ജീവിക്കണം . എന്റെ  സ്വപ്നങ്ങളെ  നേടിയെടുക്കണം ...
 
ഞാൻ  എന്റെ  സ്വപ്നങ്ങളിൽ  ഒന്നായ  മനാലി  യാത്ര ഒരിക്കൽ  കൂടി  പൊടിതട്ടി  എടുത്താലോ എന്ന്  ചിന്തിച്ചു . ഒരിക്കലും  നടക്കില്ല  എന്നും  പറഞ്ഞു  വലിച്ചെറിഞ്ഞ സ്വപ്നങ്ങളിൽ  ഒന്നായിരുന്നു  ഇതും .
 
ഡയറിയിൽ  ഇതുവരെ  കുത്തികുറിച്ചത്  ഒക്കെ  വെട്ടി കളഞ്ഞു . ആ  താൾ  എന്റെ  ജീവിതത്തിലെ  ഓർക്കാൻ  ആഗ്രഹിക്കാത്ത  നിമിഷങ്ങളിൽ  ഒന്നായി  പട്ടികയിൽ  ചേർത്തു . വീണ്ടും  ഡയറിയിൽ  കുത്തികുറിച്ചു .
 
" ഇരുട്ടിൽ  മുങ്ങി തപ്പാൻ ഉള്ളതല്ല  എന്റെ  ജീവിതം , പ്രകാശത്തിൽ  നിറം  പടർത്താൻ  ഉള്ളതാണ് , ഞാൻ  വരികയാണ്  സ്വപ്നങ്ങളുടെ  കാവലാളായി . എന്നിലെ  സ്വപ്നങ്ങളെ  സ്വന്തമാക്കാൻ ..."
 
അതും  എഴുതി  ഞാൻ  ഡയറി  മടക്കി ആവശ്യമായ  സാധനങ്ങൾ ഒക്കെ  ബാഗിൽ  കുത്തിനിറച്ചു , ശബ്ദം  ഉണ്ടാകാതെ വീടിനു  പുറത്തേക്ക്  ഇറങ്ങി . ഒരിക്കൽ  കൂടി  ഞാൻ  തിരിഞ്ഞു  നോക്കി..
 
മനസ്സ്  കൊണ്ട്  എല്ലാരോടും  മാപ്പ്  പറഞ്ഞു ചെയ്യാൻ  പോയ  തെറ്റിനെ  ഓർത്ത് ...   തിരിച്ചു  വരുമെന്ന്  വാക്കും  നൽകി  ഞാൻ  എന്റെ  സ്വപ്നങ്ങളെ  തേടി നടന്നു .....
-----------------------
മരിയ ജോൺസൺ
 
കുട്ടനാട്  സ്വദേശി .   എംകോം    വിദ്യാർത്ഥിനി. അച്ഛൻ - ജോൺസൺ  എബ്രഹാം  അമ്മ  - ട്രീസ്സ  ജോൺസൺ 
 

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ശ്വാനശാപം (എബിൻ മാത്യു കൂത്താട്ടുകുളം, ഇ -മലയാളി കഥാമത്സരം) ഒന്ന്.

കരിക്കട്ട (ഷാജൻ റോസി ആന്റണി, ഇ -മലയാളി കഥാമത്സരം)

ജാതകവശാൽ (ഉദയ പയ്യന്നൂര്‍, ഇ -മലയാളി കഥാമത്സരം)

നീലയും ചുവപ്പും നിറമുള്ള തത്ത (സന്ധ്യ. ഇ, ഇ -മലയാളി കഥാമത്സരം 39)

കാത്തിരുന്ന കത്ത് (ഷീബ, ഇ -മലയാളി കഥാമത്സരം 38)

ഒറ്റ രൂപ (അനീഷ് കുമാർ  കേശവൻ, ഇ -മലയാളി കഥാമത്സരം 37)

ഗൗളീശാസ്‌ത്രം സത്യമാകുമ്പോള്‍ (സ്വാതി. കെ, ഇ -മലയാളി കഥാമത്സരം 36)

ജോഹർ കുണ്ഡിലെ നൊമ്പരക്കാറ്റ് (സജി കൂറ്റാംപാറ,  ഇ -മലയാളി കഥാമത്സരം 35)

അബൂക്കയുടെ ഒരുദിവസം (ഹസൈനാർ അഞ്ചാംപീടിക, ഇ -മലയാളി കഥാമത്സരം 34)

ഒരു പെണ്ണിന്റെ കഥ (ഗിരിജ ഉദയൻ, ഇ -മലയാളി കഥാമത്സരം 33)

കൂടുമാറ്റം (ഡോ. റാണി ബിനോയ്‌, ഇ -മലയാളി കഥാമത്സരം 32)

മഴുവിന്റെ കഥ (മാത്യു കെ. മാത്യൂ, ഇ -മലയാളി കഥാമത്സരം 31)

ക്രാന്തിവൃത്തം (അമൽരാജ് പാറേമ്മൽ, ഇ -മലയാളി കഥാമത്സരം 30)

മീസാൻ കല്ലുകളുടെ വിലാപം (സാക്കിർ സാക്കി, ഇ -മലയാളി കഥാമത്സരം 29)

അടയാളപ്പെടാത്തവർ (സിനി രുദ്ര, ഇ-മലയാളി കഥാമത്സരം 28)

പെണ്ണേ, നീ തീയാവുക! (ലക്ഷ്മി. എസ്. ദേവി, ഇ-മലയാളി കഥാമത്സരം 27)

കുമാർതുളിയിലെ ദുർഗാപ്രതിമകൾ (ശ്യാംസുന്ദർ പി ഹരിദാസ്, ഇ-മലയാളി കഥാമത്സരം 26)

കാത്ത് നിൽക്കാതെ (രാജൻ കിണറ്റിങ്കര, ഇ-മലയാളി കഥാമത്സരം 25)

നൂറയുടെ ജൻമദിനം (നൈന മണ്ണഞ്ചേരി, ഇ-മലയാളി കഥാമത്സരം 24)

ഭ്രാന്തി (അർച്ചന ഇന്ദിര ശങ്കർ, ഇ-മലയാളി കഥാമത്സരം 22)

പ്രണയത്തിൽ ഒരുവൾ നിശബ്ദയാവുമ്പോൾ (രാജീവ് മുളക്കുഴ, ഇ-മലയാളി കഥാമത്സരം 21)

വെള്ളത്തുള്ളി സാക്ഷിയായ കഥകൾ (ജിതിൻ നാരായണൻ, ഇ-മലയാളി കഥാമത്സരം 20)

ഇ-മലയാളി കഥാമത്സരത്തിലേക്ക് കഥകൾ അയക്കാൻ ഇനിയും ഒരാഴ്ച കൂടി

സ്വാന്തം (രമ്യ രതീഷ്, ഇ-മലയാളി കഥാമത്സരം 19)

സെയിൽസ്മാൻ (ഷംസു വടക്കുംപുറം, ഇ-മലയാളി കഥാമത്സരം 18)

ജല്‍പനങ്ങളില്‍ തെളിഞ്ഞ് കേട്ടവ (സുനില്‍ ഗുരുകുലം, ഇ-മലയാളി കഥാമത്സരം 17)

ചിത്രലേഖ (രാജൻ പെരുമ്പുള്ളി,  ഇ-മലയാളി കഥാമത്സരം 16)

ജഡ്ജ് മെയ്ഡ് ലോ (ഡോ.എം.ഷാജഹാൻ, ഇ-മലയാളി കഥാമത്സരം 15)

നേർച്ച പോത്ത് (നിവിൻ എബ്രഹാം, ഇ-മലയാളി കഥാമത്സരം 14)

പെറ്റ്സ് വില്ല (നജീബ് കാഞ്ഞിരോട്,  ഇ-മലയാളി കഥാമത്സരം 13)

View More