-->

EMALAYALEE SPECIAL

ഒരു പേരിലെന്തൊക്കെയോ ഉണ്ടെന്റെ ഷേക്സ്പിയറെ... (മൃദുല രാമചന്ദ്രൻ, മൃദുമൊഴി 4)

Published

on

"നമ്മുടെ പൊരുത്തുണ്ണി ഏട്ടന്റെ രണ്ടാമത്തെ മോനില്ലേ, ആ ചന്ദനത്തിരി പോലത്തെ ചെക്കൻ , അവന് ബോംബെല് ജോലി കിട്ടീത്രേ"

" ആണോ , നമ്മടെ മാങ്ങടോടത്തെ മൂത്ത കണ്ണിമാങ്ങയും ബോംബെല് അല്ലേ ?"

" ഏയ്‌, ആ ചെക്കൻ ഭോപ്പാലിൽ ആണ്. നമ്മുടെ എടമാന്തിയുടെ മോൾ ആണ് ബോംബെല്"

കുറച്ചു വർഷങ്ങൾക്ക് മുൻപ്, നമ്മുടെ നാട്ടിൻപുറത്തെ ഒരു ചായക്കടയിലോ, വയൽ വരമ്പിലോ ഒക്കെ നമ്മൾ  കേട്ടിരിക്കാവുന്ന ഒരു വർത്തമാന തുണ്ട് ആണിത്.

അതേ നിങ്ങൾ ഊഹിച്ചത് ശരിയാണ്. ഇതിലെ പേരുകൾ ഒക്കെ ഇരട്ട പേരുകൾ ആണ്. നാട്ടിൻപുറങ്ങളിൽ ഈ ഇരട്ട പേരുകൾ പ്രചുര പ്രചാരത്തിൽ ഉണ്ടായിരുന്നു. ഒരാളുടെ തൊഴിലോ, സ്വഭാവവമോ  ആയി ബന്ധപ്പെട്ട് ആണ് ചിലപ്പോൾ ഈ പേരുകൾ പിറവി കൊണ്ടതെങ്കിൽ  ബോഡി ഷെയിമിങ്ങിനോളം ക്രൂരമായും ഇത്തരം പേരുകൾ വിളിക്കപ്പെട്ടിരുന്നു.

ഇത്തരം പേരുകളുടെ സ്രഷ്ട്ടാക്കൾ ആരാണ് എന്ന് ഒരിക്കലും പരസ്യമായില്ല, പക്ഷെ ഒരിക്കലും ഉറക്കെയും, ഉറപ്പോടെയും വിളിക്കാൻ സാധിക്കാത്തത് ആണെങ്കിലും, ഒരാളുടെ യഥാർത്ഥ പേരിനെക്കാൾ അധികം നാട് ഒരാളെ ഈ പേരിൽ അറിഞ്ഞു. സ്വന്തം പേര് പറഞ്ഞാൽ അറിയാത്തവർ , ഈ ഇരട്ട പേര് കേട്ടാൽ ഉടനെ, ആളെ തിരിച്ചറിഞ്ഞു തലയാട്ടി.

ഇത്തരം പേരിടലുകൾക്ക് പിന്നിലുള്ള  മനശാസ്ത്രം എന്തായാലും , ഇത്തരം പേരുകൾ നിർമ്മിക്കുന്നതിൽ അസൂയാർഹമായ സർഗാത്മകതയുണ്ടായിരുന്നു. മാങ്ങാ വ്യാപാരം ചെയ്യുന്ന ആളെ 'മാങ്ങ' എന്ന് ഇരട്ട പേര് വിളിക്കുന്നത് സ്വാഭാവികം ആണ്, പക്ഷെ അയാളുടെ മകനെ കണ്ണിമാങ്ങ എന്ന് വിളിക്കുന്നതിനെ എന്ത് പറയും ?

"മനുഷ്യൻ" എന്ന പേരിൽ നാട് മുഴുവൻ അറിഞ്ഞിരുന്ന ഒരാളുണ്ട്. ഒരു ഇരട്ടപേര് ആയി ഒളിച്ചല്ല, എല്ലാവരും  അയാളെ ആ പേര് തന്നെ മുഖത്ത് നോക്കി വിളിച്ചു. പക്ഷെ അയാളുടെ സ്വന്തം പേര് എല്ലാവരും മറന്നു. "ചത്ത മണിയേട്ടൻ" എന്ന് ജീവിച്ചിരിക്കുന്ന ഒരാളെ അനായാസേന വിളിച്ചു.

സ്‌കൂളുകൾ ആയിരുന്നു പിന്നെ ഇരട്ട പേരുകളുടെ സ്വർഗം. കുട്ടികൾ അധ്യാപകർക്ക് പേരിടുകയും, അത് തലമുറകൾ കൈമാറി, സജീവമായി നില നിൽക്കുകയും ചെയ്‌തു.

ഉയരം കുറഞ്ഞ, അത്യാവശ്യം ചൂരൽ പ്രയോഗം നടത്തുന്ന കണക്ക് ടീച്ചറെ "ചൂന്യൻ മുളക്" എന്ന് വിളിച്ച വൈഭവം , "Don't talk" എന്ന് സദാ പറയുന്ന സാറിനെ, "ഡോണ്ടോക്ക്" മാഷാക്കിയ വിരുത്. "വൈശാലി" എന്നുള്ളത് ഒരു ടീച്ചറുടെ , യഥാർത്ഥ പേര് ആണെന്ന്  തെറ്റിദ്ധാരണ ഞാൻ ഏറെക്കാലം കൊണ്ട് നടന്നു. ഒരിക്കൽ ടീച്ചറെ അങ്ങനെ വിളിക്കാൻ തുനിഞ്ഞതിൽ നിന്ന് സമയോചിതമായി പിൻതിരിപ്പിച്ചത് സുഹൃത്തുക്കൾ ആണ്.

ആളുകൾ പരസ്പരം ധാരാളം കാണുകയും, ഇടപെടുകയും ചെയ്ത ഒരു കാലഘട്ടത്തിന്റെ തുറസുകളിൽ ആണ് ഈ പേരുകൾ ഉരുവായത്.

അതിന് പ്രേരകമായത്  സ്നേഹമോ, വൈരാഗ്യമോ, കുസൃതിയോ എന്തുമാകട്ടെ, അത് നമ്മൾ അങ്ങോട്ടും, ഇങ്ങോട്ടും അറിയാം എന്ന വിളിയൊച്ചയായിരുന്നു

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ചരമവാർത്തയിൽ ഏതു ഫോട്ടോ കൊടുക്കണം (വീക്ഷണം: സുധീർ പണിക്കവീട്ടിൽ)

ഒരു മിന്നാമിനുങ്ങിന്റെ നുറുങ്ങു വെട്ടം (അംബിക മേനോൻ, മിന്നാമിന്നികൾ -1) 

കരുതലിന്റെ അമ്മക്കൂട് (രാജൻ കിണറ്റിങ്കര)

അമ്മയ്‌ക്കൊരു ദിവസം (മാതൃദിന കുറിപ്പ്: സുധീര്‍ പണിക്കവീട്ടില്‍)

സെല്‍ഫിയില്‍ തെളിയുന്ന കേരള ബി.ജെ.പി (സുരേന്ദ്രന്‍ നായര്‍)

ഓരോ അമ്മയും ഈശ്വരന്റെ വലിയ സമ്മാനം (ശ്രീകുമാർ ഉണ്ണിത്താൻ)

സ്നേഹത്തിന്റെ  സ്വാദ്  (ഗിരിജ ഉദയൻ)

വരാനിരിക്കുന്നത് സാമ്പത്തിക പ്രതിസന്ധി; യു.ഡി.എഫ്. നിരാശപ്പെടേണ്ട (വെള്ളാശേരി ജോസഫ് )

സ്മരണകള്‍ പൂത്തുലയുന്ന മറ്റൊരു മാതൃദിനം (പി.പി ചെറിയാന്‍)

രണ്ടക്ഷരം (ജോസ് ചെരിപുറം)

എന്റെ അമ്മ (കവിത: റ്റിറ്റി ചവണിക്കാമണ്ണില്‍)

ചൈന ഇന്ത്യയെയും അമേരിക്കയെയും അപഹസിക്കുന്നു?

തെറിയും ചിന്തയും (നീലീശ്വരം സദാശിവൻകുഞ്ഞി)

കോവിഡ് വ്യാപനം: രോഗ പ്രതിരോധ പ്രതിവിധി (ജോസഫ് പൊന്നോലി)

ഒരു മനുഷ്യസ്‌നേഹികൂടി വിടവാങ്ങി (ലേഖനം: സാം നിലമ്പള്ളില്‍)

മിഠായി പൊതിയുമായി വന്ന കഥാകാരി (ജൂലി.ഡി.എം)

കാഴ്ചകൾ അത്ഭുതങ്ങളായി അപ്രതീക്ഷിതമായി കൂടെ വരും (ചരിത്രമുറങ്ങുന്ന നേപ്പാൾ-23: മിനി വിശ്വനാഥൻ)

ഈ ചിരി ഇനി ഓർമ്മ-വലിയ ഇടയന്റെ വീഥികളിൽ

പ്രസംഗകല - സുകുമാര്‍ അഴീക്കോട് സമാഹരണവും പഠനവും: ഭാഗം-15: ഡോ. പോള്‍ മണലില്‍

അഞ്ച് നിയമസഭ തിരഞ്ഞെടുപ്പ് ഫലങ്ങള്‍ നല്‍കുന്ന സന്ദേശം (ദല്‍ഹികത്ത് : പി.വി.തോമസ്)

'ഫ്രഷ് ടു ഹോം' പറയുന്നു മീനിനെ 'നെറ്റി'ലാക്കിയ മാത്യു ജോസഫിന്റെ ജീവിതം (സിൽജി ജെ ടോം)

കോൺഗ്രസിന്റെ പതനവും പ്രൊഫ. പി.ജെ കുര്യൻ പറയുന്ന സത്യങ്ങളും (ജോർജ്ജ് എബ്രഹാം)

വരൂ, ഒന്ന് നടന്നിട്ട് വരാം ( മൃദുമൊഴി -7: മൃദുല രാമചന്ദ്രൻ)

ബോട്സ്വാനയിലെ പ്രസിഡൻ്റിൻ്റെ കൂടെ ഒരു പാർട്ടി ( ഏഷ്യയിൽ നിന്ന് ആഫ്രിക്കയിലേക്ക്- 7: ജിഷ.യു.സി)

മുഖ്യമന്ത്രി എറിഞ്ഞു കൊടുത്ത എല്ലിന്‍കഷണം (സാം നിലമ്പള്ളില്‍)

പ്രകൃതിയുടെ കാവല്‍ക്കാരന്‍, മൗറോ മൊറാന്‍ഡി! (ജോര്‍ജ് തുമ്പയില്‍)

മുറിവുകളെ മറവികൊണ്ടല്ല മൂടേണ്ടത് (ധര്‍മ്മരാജ് മടപ്പള്ളി)

കലയും ജീവിതവും, ഇണങ്ങാത്ത കണ്ണികൾ (ശ്രീമതി ലൈല അലക്സിന്റെ “തിരുമുഗൾ ബീഗം” നോവൽ നിരൂപണം: സുധീർ പണിക്കവീട്ടിൽ)

ചിരിയുടെ തിരുമേനി മാര്‍ ക്രിസോസ്റ്റം മെത്രാപ്പോലീത്ത (ജോസഫ്‌ പടന്നമാക്കല്‍)

കോവിഡിനും കോൺഗ്രസ്സിനും നന്ദി! (ബാബു പാറയ്ക്കൽ)

View More