ന്യൂഡല്ഹി: ചെങ്കോട്ട സംഘര്ഷവുമായി ബന്ധപ്പെട്ട് അറസ്റ്റിലായ നടന് ദീപ് സിദ്ധുവിന് ജാമ്യം. ഡല്ഹിയിലെ അഡീഷണല് സെഷന്സ് കോടതിയാണ് ജാമ്യം അനുവദിച്ചത്.
പാസ്പോര്ട്ട് സമര്പ്പിക്കണം, അന്വേഷണ ഉദ്യോഗസ്ഥരുമായി സഹകരിക്കണം, മൊബൈല് ഫോണ് സ്വിച്ച് ഓഫ് ചെയ്യരുത് തുടങ്ങിയ ഉപാധികളോടെയാണ് ജാമ്യം.
റിപ്പബ്ലിക്ക് ദിനത്തില് ചെങ്കോട്ടയിലുണ്ടായ സംഘര്ഷത്തെ തുടര്ന്നാണ് ദീപ് സിദ്ധുവിനായി പോലീസ് വലവിരിച്ചത്. എന്നാല് സംഭവത്തിന് പിന്നാലെ ഒളിവില് പോയ സിദ്ധുവിനെ പിടികൂടന്നതിനായി പോലീസ് ഒരു ലക്ഷം രൂപ പാരിതോഷികം പ്രഖ്യാപിച്ചിരുന്നു. തുടര്ന്നാണ് പോലീസ് സിദ്ധുവിനെ പിടികൂടിയത്.
ചെങ്കോട്ട സംഘര്ഷത്തിന്റെ മുഖ്യസൂത്രധാരന് സിദ്ധുവാണെന്നാണ് പോലീസിന്റെ കണ്ടെത്തല്