Image

കമല ഹാരിസ് ബ്ലെയർ ഹൗസ് ഒഴിയുന്നു; ഇനി ഔദ്യോഗിക വസതിയിലേക്ക്  

Published on 07 April, 2021
കമല ഹാരിസ് ബ്ലെയർ ഹൗസ് ഒഴിയുന്നു; ഇനി ഔദ്യോഗിക വസതിയിലേക്ക്  

വൈസ് പ്രസിഡന്റായി അധികാരം ഏറ്റതോടെ  വൈറ്റ് ഹൗസിന് സമീപം ബ്ലെയർ ഹൗസിലേക്ക് കമല ഹാരിസ് സകുടുംബം താമസം മാറ്റിയിരുന്നു. 

നമ്പർ വൺ ഒബ്സർവേറ്ററി സർക്കിളാണ് വൈസ് പ്രസിഡന്റുമാരുടെ ഔദ്യോഗിക വസതി. അവിടെ നവീകരണം നടക്കുന്നതിനാൽ താൽക്കാലികമായാണ് ബ്ലെയർ ഹൗസിൽ താമസിച്ചത്. ചൊവ്വാഴ്ച അവർ അങ്ങോട്ട് താമസം മാറ്റും.

ഒബ്സർവേറ്ററി സർക്കിളിന്റെ താക്കോൽ  ഇതാദ്യമായി 56 കാരിയായ കമല ഹാരിസിലൂടെ സ്ത്രീയുടെ കരങ്ങളിൽ എത്തുകയാണ്. ആദ്യ ഇന്ത്യൻ, വെളുത്തവർഗ്ഗക്കാരിയല്ലാത്ത ആദ്യ അമേരിക്കൻ എന്നിങ്ങനെ ഏറെ  വിശേഷണങ്ങളാണ് ചരിത്രത്തിൽ  കൂട്ടിച്ചേർക്കപ്പെടുന്നത്.

വൈറ്റ് ഹൗസിന് വടക്കുവശത്ത് 2.5 മൈൽ അകലെയായി യു എസ് നേവൽ ഒബ്‌സർവേറ്ററിയുടെ മൈതാനത്താണ് പത്തൊൻപതാം നൂറ്റാണ്ടിൽ ക്വീൻ ആൻ ശൈലിയിൽ വൺ ഒബ്സർവേറ്ററി സർക്കിൾ  പണികഴിപ്പിച്ചത്. 1893 ൽ പൂർത്തീകരിച്ച ഈ  വസതിക്ക്  മൂന്ന് നിലകളിലായി 10,000 ചതുരശ്ര അടി വിസ്തീർണമുണ്ട് . 1974 ലാണ് കോൺഗ്രസ് ചേർന്ന് വൺ ഒബ്സർവേറ്ററി സർക്കിൾ വൈസ് പ്രസിഡന്റിന്റെ വസതിയാക്കുന്നതിന് പച്ചക്കൊടി നൽകിയത്. 

ഔദ്യോഗിക വസതിയുടെ നവീകരണം പ്രതീക്ഷിച്ചതിലും കൂടുതൽ സമയമെടുക്കുന്നത്തിൽ ഹാരിസ് പലപ്പോഴും അസ്വസ്ഥയായിരുന്നു. ഭർത്താവ് ഡഗ് എംഹോഫുമായി വൈസ് പ്രസിഡന്റ് ഒബ്സർവേറ്ററി സർക്കിളിൽ താമസിക്കാൻ ഒരുങ്ങിയെന്നുള്ള ഔദ്യോഗിക സ്ഥിരീകരണം ഇന്നലെയാണ് പുറത്തുവന്നത്.

അതെ സമയം, വാഷിംങ്ടണിൽ സ്വന്തം ഉടമസ്ഥതയിലുള്ള കൊണ്ടോ അവർ 1.9 മില്യൺ ഡോളറിനു വിൽക്കാൻ ലിസ്റ്റും ചെയ്തിട്ടുണ്ട്.

വൈസ് പ്രസിഡന്റ ആയ ശേഷം കാലിഫോർണിയയിലെ കൊണ്ടോയും വിറ്റിരുന്നു. അതിനു നല്ല ലാഭവും കിട്ടി. 16 വർഷമായി തന്റെ സുഖങ്ങൾക്കും ദുഃഖങ്ങൾക്കും സാക്ഷ്യം വഹിച്ച ആ വസതി, ഫെബ്രുവരി 17 ന് 799,000 ഡോളറിന് ഹാരിസ് വിറ്റതായി  വാൾസ്ട്രീറ്റ് ജേണൽ റിപ്പോർട്ട് ചെയ്തു. 489,000  ഡോളറിനു വാങ്ങിയതായിരുന്നു 

അറുപതുകളുടെ തുടക്കത്തിലെ സിവിൽ അവകാശ പ്രക്ഷോഭങ്ങൾ  നടന്ന സമയത്ത് , കാലിഫോർണിയയിലെ ഓക്‌ലാൻഡിലുള്ള അമ്മയുടെ വക മഞ്ഞനിറത്തിലെ  കൊച്ചുവീടുമായി ചേർന്നാണ് ഹാരിസിന്റെ ആദ്യകാല ഓർമ്മകൾ. ആ പരിമിത സൗകര്യങ്ങളിലും കമല നെയ്തുകൂട്ടിയ സ്വപ്നങ്ങളുടെ ചിറകിലേറിയാണ് അവർ വളർന്നത്.  . 

ഹാരിസ് സാൻ ഫ്രാൻസിസ്കോയിലെ വീട്ടിലാണ് കൂടുതൽ കാലം ചിലവഴിച്ചിട്ടുള്ളത്. 2004 ൽ 4,89,000 ഡോളറിന് സ്വന്തമാക്കിയ ആ വീട്ടിൽ നിന്നാണ് അവർ പടിപടിയായി ഉയർന്നത്. സാൻ ഫ്രാൻസിസ്കോ സുപ്പീരിയർ കോർട്ട് ഹൗസിൽ നിന്ന് അര മൈൽ ദൂരം നടന്നാൽ എത്തിച്ചെരാം എന്നതാണ് ഡിസ്ട്രിക്ട് അറ്റോർണി ആയിരിക്കെ തന്റെ വസതിയിൽ ഹാരിസ് കണ്ടിരുന്ന പ്ലസ്‌ പോയിന്റ്.   

ലോസ് ഏഞ്ചൽസിലെ ബ്രെന്റ്വൂഡിൽ ഒരു വീടും ഹാരിസിന്റെ ഉടമസ്ഥതയിലുണ്ട്. 

സാൻ ഫ്രാൻസിസ്കോയിലെ കൊണ്ടോയിലിരുന്നാണ് പല അഭിമുഖങ്ങളിലും ഹാരിസിനെ ആളുകൾ കണ്ടിട്ടുള്ളത്. ഷെഫിന് സമാനമായ വഴക്കത്തോടെ  പാചകപരീക്ഷണങ്ങൾ നടത്താറുണ്ടെന്ന് കമല ഹാരിസ് പലപ്പോഴും പറയാറുള്ള ഗ്യാസ് അടുപ്പുള്ള സുസജ്ജമായ അടുക്കള ഈ  ഫ്ലോറിലാണ്. കൂടാതെ ഒരു ഓഫീസ്മുറി , ഫയർപ്ലേസ്, കുളിമുറി എന്നിവയും അടങ്ങുന്നു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക