Image

സീറോ മലബാര്‍ കത്തോലിക്ക സഭയും ആനുകാലിക സംഭവങ്ങളും - ഒരു വിലയിരുത്തല്‍

ചാക്കോ കളരിക്കല്‍ Published on 07 April, 2021
 സീറോ മലബാര്‍ കത്തോലിക്ക സഭയും ആനുകാലിക സംഭവങ്ങളും - ഒരു വിലയിരുത്തല്‍
കെസിആര്‍എം നോര്‍ത്ത് അമേരിക്കയുടെ ഏപ്രില്‍ 14, 2021 ബുധനാഴ്ച 09 PM (EST) നടക്കാന്‍ പോകുന്ന സൂം മീറ്റിംഗില്‍ ശ്രീ ആന്റ്റോ മാങ്കൂട്ടം
'സീറോ മലബാര്‍ കത്തോലിക്ക സഭയും ആനുകാലിക സംഭവങ്ങളും - ഒരു വിലയിരുത്തല്‍' എന്ന വിഷയം അവതരിപ്പിച്ചുകൊണ്ട് സംസാരിക്കുന്നതാണ്.

ശ്രീ മാങ്കൂട്ടം കോട്ടയം ജില്ലയില്‍ പാലാ (നരിയങ്ങാനത്ത്) ജനിച്ചു. വിദ്യാഭ്യാസകാലം മുതല്‍ സാമുഹ്യ, സാംസ്‌ക്കാരിക, സാഹിത്യ, സംഘടന, മതപര വിഷയങ്ങളില്‍ പ്രവര്‍ത്തിച്ചു. ഇരുപത് വര്‍ഷത്തിലധികം മതാധ്യാപകനായിരുന്നു. മിഷന്‍ ലീഗ് സംഘടനയുടെ പ്രചാരകനും 'കുഞ്ഞു മിഷനറി' എന്ന മാസികയുടെ എഡിറ്ററുമായിരുന്നു. നാലു വര്‍ഷം പാലാ രൂപത പാസ്റ്ററന്‍ കൗണ്‍സില്‍ മെമ്പറായിന്നു. ഇന്‍ഫാം എന്ന കത്തോലിക്ക കര്‍ഷക സംഘടനയുടെ ആദ്യകാല പ്രവര്‍ത്തകരിലൊരാളാണ്. ആ സംഘടനയുടെ ആഭിമുഖ്യത്തില്‍ കളത്തൂകടവില്‍ നടത്തിയ കര്‍ഷക സമരത്തില്‍ പങ്കെടുത്ത് പോലീസിന്റെ ക്രൂര മര്‍ദ്ദനമേറ്റ് ദിവസങ്ങളോളം ജയില്‍വാസം അനുഭവിച്ചിട്ടുണ്ട്. ഇംഗ്ലണ്ടുള്‍പ്പെടെ പല യുറോപ്യന്‍ രാജ്യങ്ങളിലും ആസ്ട്രലിയായിലും മൂന്നുവര്‍ഷത്തിലധികകാലം ജീവിച്ചിട്ടുണ്ട്. ലണ്ടന്‍ ഡയറി, ആസ്ട്രലിയന്‍ കാഴ്ചകള്‍, തമ്മില്‍ തമ്മില്‍, തുടങ്ങിയ ലേഖന പരമ്പരകളുടെ ഉടമ കൂടിയാണദ്ദേഹം. നിരവധി മലയാ ളം പ്രസിദ്ധീകരണങ്ങളില്‍ ലേഖനങ്ങള്‍ എഴുതിക്കൊണ്ടിരിക്കുന്നു. 'സഫലം' എന്ന മാസികയുടെ അസോസിയേറ്റ് എഡിറ്ററും KCRM (പാലാ)- യുടെ ട്രഷററുയി ഇപ്പോള്‍ പ്രവര്‍ത്തിക്കുന്നു.

ആഗോള സീറോ മലബാര്‍ കത്തോലിക്ക സഭാധികാരികള്‍ കുറെ വര്‍ഷങ്ങളായി പൊതു സമൂഹത്തിനും പ്രത്യേകിച്ച് ക്രൈസ്തവ സമൂഹത്തിനും തെറ്റായ സന്ദേശങ്ങള്‍ നല്കിക്കൊണ്ടിരിക്കയാണ്. സഭയുടെ മേലധികാരികളുടെ പ്രവര്‍ത്തനങ്ങളെ നിഷ്പക്ഷമായി വിലയിരുത്തുന്ന എല്ലാവരും ആ സത്യം തിരിച്ചറിയുന്നുണ്ട്. സഭാധികാരികളുടെ ഇടയില്‍ നടക്കുന്ന സാമ്പത്തിക ക്രമക്കേടുകള്‍, ആര്‍ഭാടവജീവിതം, ലൈംഗിക അതിക്രമങ്ങള്‍, പ്രാധമിക മനുഷ്യാവകാശങ്ങളെപ്പോലും പരിഗണിക്കാതെയുള്ള അധികാര ദുര്‍വിനയോഗം, സഭാഭരണത്തില്‍നിന്നും സഭയുടെ പൊതുവായ നയ തീരുമാനങ്ങളില്‍നിന്നും സഭാവിശ്വാസികളിലെ തൊണ്ണൂറ്റൊമ്പത് ശതമാനം വരുന്ന അല്മായരെ മാറ്റിനിര്‍ത്തുക തുടങ്ങിയ ഗുരുതരമായ വീഴ്ചകളാണ് അതിനുപിന്നില്‍. നാം ഈ അടുത്ത നാളില്‍ കുന്നോത്തും എറണാകുളത്തും നടന്ന ആള്‍ക്കൂട്ട വിചാരണ കണ്ടതാണ്.  മദ്യപിച്ച് തെരുവ് ഗുണ്ടകളെപ്പോലെ പെരുമാറാന്‍ ഉപദേശിക്കുന്ന വികാരിമാരെയും വികാരിജനറാളന്മാരെയും എങ്ങനെ പുച്ഛിക്കാത്തിരിക്കും. സഭാധികാരികളുടെ കൊള്ളരുതായ്മകള്‍ക്കും ദാര്‍ഷ്ട്യത്തിനെതിരായും സഭയുടെ നവീകരണത്തിനുവേണ്ടിയും പതിറ്റാണ്ടുകളായി പ്രവര്‍ത്തിച്ചുകൊണ്ടിരിക്കുന്ന സഭാസ്‌നേഹിയാണ് ശ്രീ മാങ്കൂട്ടം. സീറോ മലബാര്‍ കത്തോലിക്ക സഭയിലെ ആനുകാലിക സംഭവങ്ങളെ വസ്തുനിഷ്ടമായി വിലയിരുത്തുന്ന ഒരു വ്യക്തിയാണദ്ദേഹം. സ്വന്തം അറിവിന്റെയും അനുഭവത്തിന്റെയും വെളിച്ചത്തില്‍ അദ്ദേഹം ആ മീറ്റിംഗില്‍ വിലയിരുത്തുന്നതായിരിക്കും.

ആയതിനാല്‍, ഏപ്രില്‍ 14, 2021 ബുധനാഴ്ച 09 PM (EST) നടക്കാന്‍ പോകുന്ന സൂം മീറ്റിംഗില്‍ സംബന്ധിക്കാന്‍ നിങ്ങളെല്ലാവരേയും സാദരം ക്ഷണിച്ചുകൊള്ളുന്നു. 

സൂം മീറ്റിംഗിന്റെ വിവരങ്ങള്‍ ചുവടെ ചേര്‍ക്കുന്നു:
Date and Time: April 14, 2021, 09:00 PM EST (New York Time).

മീറ്റിംഗില്‍ സംബന്ധിക്കുന്നവരുടെ പ്രത്യേക ശ്രദ്ധയ്ക്ക്: അമേരിക്കയില്‍ Daylight Saving Time March 14, 2021-ന് ആരംഭിച്ചതിനാല്‍ മറ്റു രാജ്യങ്ങളില്‍നിന്നും മീറ്റിംഗില്‍ സംബന്ധിക്കുന്നവര്‍ സമയവ്യത്യാസം ശ്രദ്ധിക്കേണ്ടതാണ്. ഇന്ത്യയിന്‍ April 15, 2021, 6:30 AM.

To join the Zoom Meeting, use the link below:
https://us02web.zoom.us/j/2234740207?pwd=akl5RjJ6UGZ0cmtKbVFMRkZGTnZSQT09
Meeting ID: 223 474 0207

Passcode: justice

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക