-->

news-updates

അടൂരിൽ പോരാട്ടം പ്രവചനാതീതം; ചിറ്റയം ഗോപകുമാർ കരുത്തൻ (പ്രവാസി കാഴ്ച-6, ജോർജ് എബ്രഹാം)

Published

on

സി.പി.ഐ സ്ഥാനാർത്ഥിയായി തുടർച്ചയായ  മൂന്നാം തവണയാണ് ചിറ്റയം ഗോപകുമാർ , അടൂരിൽ ജനവിധി തേടുന്നത്. 

ഒരു പുതിയ നിയോജകമണ്ഡലം വേഗത്തിൽ കെട്ടിപ്പടുത്ത് അവിടെ സ്വീകാര്യനും പ്രിയങ്കരനുമായ  ജനപ്രതിനിധിയായി മാറുകയും, തുടർന്ന് ഓരോ വട്ടവും ഭൂരിപക്ഷം മെച്ചപ്പെടുത്തി  വിജയം ആവർത്തിക്കുകയും  ചെയ്യുന്ന ‘തിരുവഞ്ചൂർ മോഡൽ’  തന്നെയാണ് അദ്ദേഹവും പിന്തുടരുന്നതെന്നാണ്  തോന്നുന്നത്. നാട്ടുകാരുമായി സംസാരിച്ചപ്പോൾ അവർ പങ്കുവച്ചതും സമാനമായ വികാരം തന്നെ. അദ്ദേഹത്തിന്റെ ശ്രമഫലമായി വിവിധ മേഖലകളിൽ നാട് കൈവരിച്ച വികസനങ്ങൾ പറഞ്ഞിട്ട്  മതിവരാതെ പ്രകീർത്തിക്കുന്ന ഒരുപാട് പേരെ കണ്ടു.

മുൻപ് അടൂർ മണ്ഡലം കോൺഗ്രസിന്റെ ശക്തികേന്ദ്രമായിരുന്നു. 2011 ൽ കോൺഗ്രസിൽ നിന്നുള്ള പന്തളം സുധാകരനെ പരാജയപ്പെടുത്തി 607 വോട്ടുകളുടെ ഭൂരിപക്ഷത്തോടെയാണ് ഗോപകുമാർ അടൂർ സ്വന്തമാക്കിയത്. 2016 ൽ തന്റെ ഭൂരിപക്ഷം  25460 വോട്ടായി ഉയർത്തി.

അതിനാൽ, കോൺഗ്രസ് സ്ഥാനാർത്ഥി എം. ജി. കണ്ണനെ സംബന്ധിച്ചിടത്തോളം വിജയത്തിലേക്ക് നടന്നടുക്കാൻ നല്ല അധ്വാനം വേണ്ടി വരും. നിലവിലെ സാഹചര്യത്തിൽ അതത്ര എളുപ്പമല്ല. എന്നിരുന്നാലും, രാഹുലിന്റെയും പ്രിയങ്ക ഗാന്ധിയുടെയും സന്ദർശനം സൃഷ്ടിച്ച തരംഗം,  യുഡിഎഫ് സ്ഥാനാർത്ഥികൾക്ക് കടുത്ത ആവേശവും പോരാട്ടവീര്യവും  പകർന്നിട്ടുണ്ട് . യുഡിഎഫിന്  അനുകൂലമായ സമീപകാല പ്രവണതകൾ അടൂർ മണ്ഡലത്തിലും പ്രതീക്ഷകൾക്കപ്പുറമായ മത്സരച്ചൂടിന് കളമൊരുക്കിയേക്കാം.

വർഷങ്ങളോളം കഷ്ടപ്പെട്ടും പാർട്ടിക്കും ജനങ്ങൾക്കും വേണ്ടി അർപ്പണബോധത്തോടെ പ്രവർത്തിച്ചുമാണ് കണ്ണൻ നേതൃനിരയിലേക്ക് ഉയർന്നുവന്നത്.  ഇലന്തൂർ, റാന്നി എന്നിവയെ ജില്ലാ പഞ്ചായത്തിൽ പ്രതിനിധീകരിച്ചതു കൂടാതെ  പത്തനംതിട്ട ജില്ലയിലെ യൂത്ത് കോൺഗ്രസ് പ്രസിഡന്റ് സ്ഥാനവും വഹിച്ച പരിചയസമ്പത്തും   കണ്ണനുണ്ട്.  പത്തനംതിട്ട സ്റ്റാൻഡിംഗ് കമ്മിറ്റി ചെയർമാനായും പ്രവർത്തിച്ചിട്ടുണ്ട്. എന്നിരുന്നാലും, കേരള നിയമസഭയിലേക്കുള്ള അദ്ദേഹത്തിന്റെ കന്നിയങ്കമാണിത്.

കോൺഗ്രസ് പാർട്ടിയിൽ നിന്ന് അടുത്തിടെ പുറത്തു പോയ  പന്തളം പ്രതാപനാണ്  ബിജെപി സ്ഥാനാർഥി. വളരെക്കാലമായി കോൺഗ്രസ്  പാർട്ടിയിൽ നിന്ന് പല സ്ഥാനമാനങ്ങളും ആനുകൂല്യങ്ങളും നേടിയ ആളുകൾ, അതെല്ലാം ക്ഷണനേരത്തിൽ മറക്കുകയും പ്രസ്ഥാനത്തോട് കൂറ് പുലർത്താതെ എല്ലാം ഉപേക്ഷിച്ച് മറുകണ്ടം ചാടുന്നതും സിനിമയെ വെല്ലുന്ന ട്വിസ്റ്റുകളാണ്. കോൺഗ്രസ്  വക്താവായ പന്തളം സുധാകരന്റെ സഹോദരനാണ് ഇദ്ദേഹം. സുധാകരനും  ഇത്തവണ കോൺഗ്രസ് സ്ഥാനാർത്ഥിത്വം നിഷേധിച്ചിരുന്നു. 

എന്തായാലും, ഇത്തരം വീഴ്ചകൾ വിരൽ ചൂണ്ടുന്നത് ഇന്നത്തെ രാഷ്ട്രീയരംഗത്തെ മൂല്യശോഷണത്തിലേക്കാണ്. ഒരു കോൺഗ്രസ് എം‌എൽ‌എയെ ജനങ്ങൾ തെരഞ്ഞെടുത്താൽ‌, അവർ‌ കോൺഗ്രസുമായി ചേർന്ന് പ്രവർത്തിക്കുമെന്നതിന്‌ എന്താണ് ഉറപ്പ് എന്ന ചോദ്യം ഒരുപാട് പേരിൽ നിന്ന് എനിക്ക് അഭിമുഖീകരിക്കേണ്ടി വന്നു. ഒഴുക്കാൻ ആവശ്യത്തിൽ അധികം ഫണ്ടുമായി ബിജെപി തുനിഞ്ഞിറങ്ങിയാൽ, ജനപ്രതിനിധികളിൽ എത്രപേർ അവരുടെ സ്ഥാനത്തിന്റെ സംശുദ്ധി കാത്തുസൂക്ഷിക്കുമെന്ന സംശയം വോട്ടർമാരെ കാര്യമായി അലട്ടുന്നുണ്ട്.

 കോൺഗ്രസ് വോട്ടർമാരുടെയും ബിജെപി വോട്ടർമാരുടെയും അപ്രീതിക്ക് ഒരുപോലെ പാത്രമായി മാറിയിരിക്കുന്ന പ്രതാപന്, ഈ തിരഞ്ഞെടുപ്പിൽ കാര്യമായ ചലനം സൃഷ്ടിക്കാൻ കഴിയാതെ വരും. കാലങ്ങളായി പാർട്ടിക്കൊപ്പം നിന്ന് മികവ് തെളിയിച്ച പലരെയും പിന്തള്ളി, പെട്ടെന്നൊരു സുപ്രഭാതത്തിൽ ബിജെപി യിൽ ചേർന്ന പ്രതാപനെ സ്ഥാനാർഥി ആക്കിയതിൽ അണികൾ അതൃപ്തരാണ്. ഈ ഒരു സാഹചര്യത്തിൽ, അടൂരിൽ മുൻപ്  ബിജെപിക്ക് സാധ്യത കല്പിച്ചിരുന്ന  25000 ത്തോളം വോട്ടുകൾ  കോൺഗ്രസിലേക്ക് മറിയുമെന്നാണ് വിലയിരുത്തൽ.
see also
 
 

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ദൈവത്തിനോട് വാശി പിടിച്ചു നേടുന്നത്.... (മൃദുല രാമചന്ദ്രൻ, മൃദുമൊഴി-13)

സമീപനങ്ങൾ (ഡോ.എസ്.രമ-കവിത)

എഴുത്തുകൂട്ടം ഒരുക്കുന്ന സർഗ്ഗാരവം (പ്രതിമാസ സാഹിത്യ സാംസ്കാരിക സംഗമം) നാളെ, ശനിയാഴ്ച

സോക്കര്‍ ടൂർണമെൻറ്, നാളെ (ജൂൺ -19) ന്യൂജേഴ്‌സി മെർസർ കൗണ്ടി പാർക്കിൽ

കോവിഡ് വൈറസിന് വ്യതിയാനം ഇനിയും വരാം; ഒരു ലക്ഷം മുന്‍നിര പോരാളികളെ അണിനിരത്തും-മോദി

പോക്സോ പ്രതിയായ യൂത്ത് കോണ്‍ഗ്രസ് നേതാവിന്റെ വക്കാലത്ത്; മാത്യു കുഴല്‍നാടന്‍ എംഎല്‍എയെ കരിങ്കൊടി കാണിച്ചു

കാരക്കൂട്ടില്‍ ദാസനും കീലേരി അച്ചുവും തകര്‍ക്കട്ടെ; നമുക്ക് മരം കൊള്ള മറക്കാം: സുരേന്ദ്രന്‍

ഭാര്യയെ കൊലപ്പെടുത്താൻ ആളെ ഏർപ്പാടാക്കിയ ഇന്ത്യൻ വ്യവസായി കുറ്റക്കാരൻ 

കോവിഡ് ; ചൈന നഷ്ടപരിഹാരം നല്‍കണമെന്ന് ട്രംപ്

കോട്ടയത്ത് ട്രെയിനിനടിയില്‍ കിടന്ന് ഭീതി പരത്തി യുവാവ്

നന്ദിഗ്രാം: മമതയുടെ നിയമവഴിയിലും പോര് രൂക്ഷം

സംസ്ഥാനത്ത് ഇന്നലെ വിറ്റത് 60 കോടിയുടെ മദ്യം

മുഹമ്മദ് റിയാസിന് കൈയ്യടിച്ച് ആന്റോ ജോസഫ്

ചെന്നിത്തല ഡല്‍ഹിയിലെത്തുമ്പോള്‍

മലപ്പുറം കൊല; പ്രതി കുടുങ്ങിയതിങ്ങനെ

അമേരിക്കയില്‍ തൊഴില്‍ രഹിത വേതനം വാങ്ങുന്നവരുടെ എണ്ണത്തില്‍ വര്‍ദ്ധന

മരം മുറി കേസ്; ഇഡി സംസ്ഥാനത്തിന് കത്ത് നല്‍കി

ചിക്കാഗോയില്‍ വാക്‌സിനേറ്റ് ചെയ്യുന്നവര്‍ക്ക് 10 മില്യണ്‍ ഡോളര്‍ ലോട്ടറി, വിദ്യാര്‍ത്ഥികള്‍ക്ക് സ്‌കോളര്‍ഷിപ്പ്

അണ്‍ലോക്ക് ; ബസില്‍ അമ്പത് പേര്‍ ; കല്ല്യാണത്തിന് ഇരുപത് പേര്‍

 സരള നാഗലയെ കണക്റ്റിക്കട്ടിലെ ഫെഡറൽ ഡിസ്ട്രിക്റ്റ്  ജഡ്ജായി ബൈഡൻ  നാമനിർദേശം ചെയ്തു

ബംഗാളിലെ കാറ്റ് ത്രിപുരയിലും ബിജെപിയ്ക്ക് ക്ഷീണമാകുന്നു

കഴക്കൂട്ടം എലിവേറ്റഡ് ഹൈവേ കേന്ദ്ര ഭാരത് മാല പദ്ധതിയൂടെ ഭാഗം; സ്ഥലമേറ്റെടുക്കല്‍ വൈകിയത് പദ്ധതിക്ക് തടസ്സമായി; വി.മുരളീധരന്‍

ലതികയ്ക്ക് പിന്നാലെ ഭര്‍ത്താവ് കെ ആര്‍ സുഭാഷും എന്‍സിപിയിലേക്ക്

മുഖ്യമന്ത്രിയെ ട്രോളി അബ്ദുറബ്ബിന്റെ ഫേസ് ബുക്ക് പോസ്റ്റ്

ബിജെപി സമരത്തില്‍ ഡിവൈഎഫ്‌ഐ പ്ലക്കാര്‍ഡ് ; മോഷ്ടിച്ചതെന്ന് പരാതി

മരം മുറി ; മുഖ്യമന്ത്രിക്കെതിരെ സതീശന്‍

തനിക്കെതിരെയുള്ള സൈബര്‍ ആക്രമണങ്ങള്‍ക്കെതിരെ നടി പാര്‍വ്വതി രംഗത്ത്

പന്ത്രണ്ടാം ക്ലാസ് മൂല്ല്യ നിര്‍ണ്ണയം; സിബിഎസ്ഇ, ഐസിഎസ്ഇ മാര്‍ഗ്ഗ രേഖയായി

മരംമുറി ; രാഷ്ട്രീയ നേതൃത്വത്തെ തൊടാതെ ക്രൈം ബ്രാഞ്ച് എഫ്‌ഐആര്‍

പിതാവിന്റെ കട കത്തിച്ചശേഷം മകളെ വീട്ടില്‍ കയറി കുത്തിക്കൊന്നു

View More