-->

kazhchapadu

മണലിൽ തല പൂഴ്ത്തിയിരിക്കാം നമുക്ക് : ആൻസി സാജൻ

Published

on

പ്രിയ സുഹൃത്തിന്റെ പുസ്തക പ്രകാശനം കഴിഞ്ഞ ദിവസം ചെന്നൈയിൽ വച്ച് നടന്നു. ആദ്യന്തം വളരെ മികവാർന്ന ഹൃദ്യമായ ചടങ്ങായിരുന്നു അത്. സംഘാടകർ സ്ത്രീകളായിരുന്നുവെന്നും എടുത്തു പറയട്ടെ. ഏറ്റം ഹൃദയഹാരിയായി പ്രകാശന കർമ്മം നിർവ്വഹിക്കുകയും ശ്രേഷ്ഠമായൊരു പ്രസംഗം നടത്തുകയുമൊക്കെ ചെയ്ത പ്രശസ്തയായ എഴുത്തുകാരിയും പത്രപ്രവർത്തകയുമായ സ്നേഹിത മനോരമയിലും മാതൃഭൂമിയിലുമൊക്കെ നല്ല കവറേജിൽ വാർത്തയും സുന്ദരമായൊരു ഫോട്ടോയുമൊക്കെ പ്രസിദ്ധീകരിക്കാൻ പരിശ്രമിച്ച് അതിൽ വിജയിക്കുകയും ചെയ്തു. 
വാർത്തയും പടവും പിറ്റേന്നത്തെ പത്രത്തിൽ വന്നു. കണ്ടവരെല്ലാം സന്തോഷിച്ചു. എന്നാൽ വാർത്ത കൊടുത്തയാൾ മാത്രം അതു കണ്ട് നടുങ്ങിപ്പോയി. തലക്കെട്ടിൽ പുസ്തകത്തിന്റെ പേര് തെറ്റായിട്ടാണ് എഴുതിക്കൊടുത്തത്. അർത്ഥത്തിൽ തെറ്റിയിട്ടൊന്നുമില്ലെങ്കിലും
കൃത്യമായ പേര് മാറിപ്പോയി. ഒരു പേരിൽ ഒന്നും ഇരിയ്ക്കുന്നില്ലെങ്കിലും അവർക്കത് വലിയ അഭിമാനക്ഷതമായി. പാവം...!
എത്ര ആത്മാർത്ഥമായാണ് എല്ലാ കാര്യങ്ങളും നിർവഹിച്ചത്....
വിവരം മനസിലാക്കിയവർ
രണ്ടോ മൂന്നോ ഉള്ളെങ്കിലും വലിയ കുറ്റബോധമായിപ്പോയി പാവത്തിന് ..
ഇനി മൂന്നാലു ദിവസം മണലിൽ തല പൂഴ്ത്തിയിരിക്കും ഞാൻ  എന്നായിരുന്നു ആ ശുദ്ധഹൃദയ പ്രതികരിച്ചത്.
ഇനി വേറൊരു സംഭവം. വലിയ ശുഭപ്രതീക്ഷകളോടെ ഇരുപതിലധികം വർഷങ്ങൾ മുന്നേ കോട്ടയത്ത് ഒരു പരസ്യ ഏജൻസി തുടങ്ങി ഞങ്ങൾ. പുതിയ സ്വർണ്ണക്കടയ്ക്കുള്ള കളർ പരസ്യമാണ് ആദ്യം ചെയ്തത്. അരപ്പേജ് ഐറ്റത്തിന് ഒരുപാട് സാഹസിക നീക്കങ്ങളും ഒരുക്കങ്ങളും നടത്തി. കാണുന്നവർ ഞെട്ടും പോലെ വെളിച്ച ക്രമീകരണങ്ങളോടെ പേരെടുത്ത പ്രഫഷണൽ ഫോട്ടോഗ്രാഫർ ആളും ബഹളവുമൊക്കെയായി പടമെടുത്തുതന്നു. നല്ല കോപ്പി റൈറ്ററായി ഞാൻ , ഡിസൈനും തയാർ. 
ഉദ്ഘാടനദിവസം രാവിലെ സകല പത്രങ്ങളിലും ഫുൾ കോട്ടയം എഡിഷൻ പരസ്യം വന്നു. ആമോദം ... ആനന്ദം ... അഭിമാനം.
ഉച്ചകഴിഞ്ഞപ്പോൾ സ്വർണ്ണക്കടയുടമ ഞങ്ങളുടെ ഓഫീസിലേക്ക് വന്നു.
അഭിനന്ദനങ്ങൾ ഏറ്റുവാങ്ങാൻ നിറഞ്ഞ ഹൃദയവുമായി നിൽക്കുമ്പോൾ അദ്ദേഹം ചോദിക്കുന്നു.
'നല്ലപണിയാണല്ലോ കാണിച്ചത് ?
എന്താണ് സാറേ...!
ഇത്രേം കാശ് മുടക്കി പരസ്യം ചെയ്തിട്ട് വല്ല ഗുണവുമുണ്ടോ...?
എന്താണ് സാർ..
ഒരൊറ്റ ഫോൺ നമ്പർ വച്ചിട്ടില്ല. നോക്ക്.
ആകാശമിടിഞ്ഞ് തലപ്പുറത്ത് വീണു. ജീവനുണ്ടായിരുന്നോ ഇല്ലയോ..!!
അദ്ദേഹം സൗമനസ്യം കാണിച്ച് കൂടുതൽ മിണ്ടാതെ പോയതു കൊണ്ട് പരസ്യക്കട അന്ന് പൂട്ടിക്കെട്ടേണ്ടി വന്നില്ല.
കോവിഡ് വാക്സിനേഷൻ സ്വീകരിച്ചതായി കാണിച്ച് ആരോഗ്യമന്ത്രി കെ.കെ.ശൈലജ ഫേസ്ബുക്കിൽ പങ്കുവെച്ച ചിത്രത്തിന്റെ വെളിച്ചത്തിലാണ് മേൽപറഞ്ഞ കാര്യങ്ങൾ ചേർത്തു വെക്കുന്നത്. മാധ്യമ പ്രവർത്തകർ വാർത്താചിത്രം ആവശ്യപ്പെട്ടതിൻ പ്രകാരം പോസ് ചെയ്ത് എടുത്തതാണെന്ന് വിശദീകരണം വന്നുവെന്ന് പറയുന്നു. പോസ്പടം കഴിഞ്ഞാണ് ശരിക്കും കുത്തിവെപ്പ് എടുത്തതെന്ന് .
കാര്യം ക്ളിയറാക്കുന്നതിന് മുൻപേ, വസ്ത്രത്തിന് മുകളിലൂടെ സൂചിവെക്കുന്ന പടം ഭൂലോകയാത്ര പൂർത്തിയാക്കിയിരുന്നു.
ഫോട്ടോഗ്രാഫർമാരും വീഡിയോക്കാരും മിന്നുകെട്ട് ഫ്രീസ് ചെയ്ത് നിർത്തുന്നതും ആവർത്തിപ്പിക്കുന്നതുമൊക്കെ നല്ല കാഴ്ചയാണ്. എന്നാൽ,
സംസ്ഥാന ആരോഗ്യമന്ത്രിയ്ക്ക് പറ്റിയ ഈ അബദ്ധം വല്യ ശേലില്ലാത്തതല്ലേ..?
കൂടെ നിൽക്കുന്നവരെന്ന് കരുതുന്നവരെ ഒരുപാട് വിശ്വസിക്കാൻ കൊള്ളില്ല എന്ന പാഠം വീണ്ടും പഠിക്കാം.
നമുക്ക് വേണ്ടി ആത്മാർത്ഥമായി എത്രയെത്ര പരിശ്രമങ്ങൾ നടത്തി വിജയിച്ച ആളാണ് ശൈലജ ടീച്ചർ !

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സ്വന്തം (രമ്യ രതീഷ്, ഇ-മലയാളി കഥാമത്സരം 19)

സെയിൽസ്മാൻ (ഷംസു വടക്കുംപുറം, ഇ-മലയാളി കഥാമത്സരം 18)

ജല്‍പനങ്ങളില്‍ തെളിഞ്ഞ് കേട്ടവ (സുനില്‍ ഗുരുകുലം, ഇ-മലയാളി കഥാമത്സരം 17)

ചിത്രലേഖ (രാജൻ പെരുമ്പുള്ളി,  ഇ-മലയാളി കഥാമത്സരം 16)

ജഡ്ജ് മെയ്ഡ് ലോ (ഡോ.എം.ഷാജഹാൻ, ഇ-മലയാളി കഥാമത്സരം 15)

നേർച്ച പോത്ത് (നിവിൻ എബ്രഹാം, ഇ-മലയാളി കഥാമത്സരം 14)

പെറ്റ്സ് വില്ല (നജീബ് കാഞ്ഞിരോട്,  ഇ-മലയാളി കഥാമത്സരം 13)

അനാഥ ദൈവങ്ങൾ (ജിഷ. കെ. റാം, ഇ-മലയാളി കഥാമത്സരം -12)

വിധിയുടെ നിഴൽ (ബിന്ദു ജോൺ മാലം - ഇ-മലയാളി കഥാമത്സരം 11)

കസേര (ജോമോൻ ജോസ്,  ഇ-മലയാളി  കഥാമത്സരം 10)

നിറം (കമാൽ കാരാത്തോട് - ഇ-മലയാളി  കഥാമത്സരം - 9)

ജന്മാന്തരം (രമേശ് ബാബു - ഇ-മലയാളി  കഥാമത്സരം 8)

പടിവാതിലിറങ്ങുമ്പോൾ (അജയ് നാരായണൻ, ഇ-മലയാളി  കഥാമത്സരം 7)

കരയുന്ന കാൽപനികതകൾ (ഉദയനാരായണൻ - ഇ-മലയാളി കഥാമത്സരം 6)

ജീവിതത്തിന്റെ നിറങ്ങൾ (ആദർശ് പി സതീഷ്, ഇ-മലയാളി കഥാമത്സരം 5)

ശവമടക്ക്കളി (ഗോകുൽ രാജ് - ഇ-മലയാളി കഥാമത്സരം 4)

തെക്കോട്ടുള്ള വണ്ടി (കൃഷ്ണകുമാര്‍ മാപ്രാണം -ഇ-മലയാളി കഥാമത്സരം 3)

നിധി (ദീപാ പാർവതി-ഇ-മലയാളി  കഥാമത്സരം 2)

ഇ-മലയാളി കഥാ-മത്സരം, വായനക്കാരുടെ ശ്രദ്ധക്ക്

നിറങ്ങളുടെ ലോകം (സാബു ഹരിഹരൻ, ഇ-മലയാളി  കഥാമത്സരം-1)

വനാന്തരങ്ങളില്‍ ആദ്യവര്‍ഷം പെയ്യുമ്പോള്‍ (ജിസ പ്രമോദ്)

എന്റെ സൂര്യതേജസ്സേ പ്രണാമം !! (എല്‍സി യോഹന്നാന്‍ ശങ്കരത്തില്‍, ന്യൂയോര്‍ക്ക്)

ഒരത്ഭുത ജനനവും ഉയര്‍ത്തെഴുന്നേല്പും (നോയമ്പ്കാല രചന-ഗദ്യകവിത: വാസുദേവ് പുളിക്കല്‍)

വാല്‍മീകിയുടെ മുഖ്യപ്രസംഗം (നര്‍മ്മകഥ: നൈന മണ്ണഞ്ചേരി)

ഓർമ്മയുടെ അങ്ങേ അറ്റം (ജ്യോതി അനൂപ്)

ദിവ്യകാരുണ്യരാത്രി - കവിത ഫാ. ജോണ്‍സ്റ്റി തച്ചാറ

പിറന്നാളാഘോഷം (ചെറുകഥ: സാംജീവ്)

തെക്കുവടക്ക്(കഥ: ശങ്കരനാരായണന്‍ മലപ്പുറം)

സെന്‍മഷിനോട്ടം (കവിത: വേണുനമ്പ്യാര്‍)

ചിത്രത്തിലില്ലാത്തവരോടൊപ്പം ( ദിനസരി -31: ഡോ. സ്വപ്ന സി. കോമ്പാത്ത്)

View More