-->

kazhchapadu

ഹി ഈസ് ഫൈന്‍- (കഥ: ജയകുമാര്‍ കെ പവിത്രന്‍)

ജയകുമാര്‍ കെ പവിത്രന്‍

Published

on

ആഢംബരവും പൊങ്ങച്ചവും വിളിച്ചറിയിച്ചുകൊണ്ട് ആ വലിയ കാര്‍ ഗേറ്റ് തുറന്നിറങ്ങിവന്നു. കാറിന്റെ പിന്‍സീറ്റില്‍,ധാരാളിത്തവും അഹങ്കാരവും മുറ്റിനില്‍ക്കുന്ന മുഖവും ശരീരപ്രകൃതിയുമുള്ള ഒരു കൊച്ചമ്മസ്വരൂപിണി ഇരിപ്പുണ്ടായിരുന്നു. അവരുടെ മടിയില്‍, സ്വന്തം പുത്രനെപ്പോലെ ഓമനിച്ചുപരിപാലിക്കുന്ന വിലയേറിയ നായ മയങ്ങുന്നു. മുന്നിലിരിക്കുന്ന പെണ്‍കുട്ടിയുടെ ആകാരംകൊണ്ടറിയാം,അവള്‍ വലതുവശത്തിരുന്ന് ഡ്രൈവ് ചെയ്യുന്ന പണക്കൊഴുപ്പുകൊണ്ടുചീര്‍ത്ത  ദുര്‍മുഖന്റെയും കൊച്ചമ്മസ്വരൂപിണിയുടെയും പുത്രിതന്നെ. നായുടെ അതേ പ്രകൃതി, അതേ വികൃതി. പട്ടിയെ അടിമുടി തലോടി ആകെ വെപ്രാളപ്പെട്ടാണ് ആ സ്ത്രീ ഇരിക്കുന്നത്. അത് ആഹാരം കഴിക്കുന്നില്ല. എത്രയുംപെട്ടെന്ന് ഡോക്ടറെ കാണണം.
കാര്‍ റോഡിലേക്കിറങ്ങി ഉറക്കെ കുരച്ചുകൊണ്ട് പാഞ്ഞുപോയി.
അപ്പോള്‍, ആളൊഴിഞ്ഞ ആ വീടും പരിസരവും അതിന്റെ മടുപ്പിക്കുന്ന ഏകാന്തതയുമെല്ലാംചേര്‍ന്നുവരച്ചിട്ട ഒരവ്യക്തനിഴല്‍രൂപം, ആ കാര്‍ ഇറങ്ങിപ്പോകുന്നതും നോക്കി അഴികളില്‍പിടിച്ചുകൊണ്ട്  നില്‍പ്പുണ്ടായിരുന്നു.

ദൂരെയെവിടെയോ ഒരു പട്ടിയുടെ തുടര്‍ച്ചയായുള്ള കുര കേള്‍ക്കാം.അത് ഏറിവരികയായിരുന്നു. അഴികളില്‍ പിടിച്ചുകൊണ്ട്, അകലങ്ങളിലെവിടെയോ പരതിനടന്ന് ഉറച്ചുപോയ രണ്ടുകണ്ണുകള്‍ പകര്‍ന്നുകൊടുത്ത നേര്‍ത്തൊരോര്‍മ്മയുടെ ഇത്തിരിവെട്ടത്തില്‍ ആ നിഴല്‍ ചലിച്ചു.,
.........
മണ്ണുകുഴച്ചുകെട്ടിപ്പൊക്കിയ കൊച്ചുകുടിലിന്റെ ചെറുമുറ്റത്ത് കീറിപ്പറിഞ്ഞ നിക്കര്‍ മാത്രം ധരിച്ച ഒരു ബാലന്‍ ഓടിക്കളിക്കുകയാണ്. കുടിലിനകത്ത്, അടുക്കളയോടുചേര്‍ന്നൊരു തൊട്ടില്‍ ആടുന്നുണ്ടായിരുന്നു. അടുപ്പിലെ തീ ഊതിയും  ഇടക്കിടെ തിരിഞ്ഞുനോക്കി തൊട്ടിലാട്ടി രാരീരം പാടിയും  കരുത്തനായ ഒരു ചെറുപ്പക്കാരന്‍ അവിടെ ഉണ്ടായിരുന്നു.മുറ്റത്ത് ഓടിക്കളിച്ചിരുന്ന ബാലന്‍ അകത്തേക്കു കയറിവന്നപ്പോള്‍ അയാള്‍ അവന്റെ കയ്യുംമുഖുമൊക്കെ തുടച്ചശേഷം ഒരു പിഞ്ഞാണത്തില്‍ ചൂടു കഞ്ഞി പകര്‍ന്നു നല്‍കി. അവന്റെ അടുത്ത് ചേര്‍ന്നിരുന്ന് തലയില്‍ തലോടുമ്പോള്‍ അയാളുടെ ഒരു കൈ തൊട്ടിലാട്ടുകയായിരുന്നു.ചുണ്ടില്‍ ഉപ്പിട്ട കഞ്ഞിവെള്ളച്ചേലില്‍ താരാട്ടീണം കിനിഞ്ഞു.
.......
അഴികളില്‍ മുറുകെപിടിച്ചിരുന്ന വിരലുകള്‍ വിറച്ചു.കണ്‍വെളിച്ചം മങ്ങിത്തുടങ്ങിയിരുന്നു. കാര്‍ ഗേറ്റുതുറന്ന് അകത്തേക്കുകയറി.പോര്‍ച്ചില്‍പോയിനിന്ന് റിലാക്‌സ് ചെയ്ത് അപ്പിയിടാന്‍ തയ്യാറെടുക്കുകയായിരുന്ന ആഢംബരക്കാറില്‍നിന്നും നായ ചാടിയിറങ്ങി. ആഹ്‌ളാദത്തിമര്‍പ്പില്‍ വീട്ടുകാരും.ദുര്‍മുഖന്‍ വീടിന്റെ ഡോര്‍ തുറന്നപ്പോള്‍ പട്ടിയും പെണ്‍കുട്ടിയും പതുപതുത്ത സോഫയിലേക്ക് ചാടിക്കയറി തുള്ളാന്‍ തുടങ്ങി. കൊച്ചമ്മസ്വരൂപിണി ഏതോ മുന്തിയതരം ഫുഡ് എടുത്ത് നായയെ തീറ്റി.ഒപ്പം മകളെയും.

ഭര്‍ത്താവായ മാന്യസുകുമാരന്‍ ആട്ടിന്‍തോലിട്ട ആട്ടുകസേരയില്‍ ചാഞ്ചാടിയിരുന്ന് നട്‌സ് കൊറിച്ചു.ശേഷം ടി.വി.ഓണ്‍ ചെയ്ത് പത്രം തലതിരിച്ചുപിടിച്ച് മയങ്ങാന്‍ തുടങ്ങി. അന്നേരം അയാളുടെ ഫോണ്‍ ബൗബൗബോ ബൗബൗബോ എന്ന് നോട്ടിഫിക്കേഷന്‍ ടോണടിച്ചു..വാട്ആപ്പ് മെസേജ്..സഹോദരിയാണ്.''അച്ഛന് സുഖമാണോ'''How Is Our Father''....
അയാള്‍ ഒരുനിമിഷം എന്തോ ആലോചിച്ചശേഷം എഴുന്നേറ്റ് പതിയെ നടന്നുചെന്ന്  ഹാളിലെ ജനലിലൂടെ പുറത്തേക്ക്-അലസമായി ഒരു നോട്ടംവിട്ടു. ബംഗ്‌ളാവിനുസമീപം ഔട്ട്ഹൗസ് എന്നപേരില്‍ നിലനിര്‍ത്തിയിരുന്ന, ഒരുവലിയപട്ടിക്കൂടിനേക്കാള്‍ അല്പംകൂടി വലിപ്പംതോന്നിക്കുന്ന, പഴയൊരുകെട്ടിടത്തിലേക്കാണ് അയാളുടെ നോട്ടമെത്തിയത്. 
അഴികള്‍ക്കപ്പുറത്ത്, പ്രാകൃതരൂപിയായൊരു മനുഷ്യന്‍ ,ഏന്തിവലിഞ്ഞ് ചെറിയ  അലുമിനിയംകോപ്പയിലെ ഇത്തിരി കഞ്ഞിവെള്ളത്തിലേക്ക് ഇഴഞ്ഞുനീങ്ങുന്നു.കൈകള്‍ വിറച്ച് ഒരുവറ്റ് വാരാനാകാതെ നാവുകൊണ്ട് പാത്രത്തില്‍ ആര്‍ത്തിയോടെ പരതുന്നു.മകന്‍ ജനലിലൂടെ അല്പസമയംനോക്കിനിന്നശേഷം  വാട്‌സ്ആപ്പില്‍ ടൈപ്പ് ചെയ്തു..,''Yes,He Is Fine'' ''അച്ഛന് സുഖമാണ്''.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഒരു ഡയറി കുറിപ്പ് (മരിയ ജോൺസൺ, ഇ-മലയാളി കഥാമത്സരം 23)

ഭ്രാന്തി (അർച്ചന ഇന്ദിര ശങ്കർ, ഇ-മലയാളി കഥാമത്സരം 22)

പ്രണയത്തിൽ ഒരുവൾ നിശബ്ദയാവുമ്പോൾ (രാജീവ് മുളക്കുഴ, ഇ-മലയാളി കഥാമത്സരം 21)

വെള്ളത്തുള്ളി സാക്ഷിയായ കഥകൾ (ജിതിൻ നാരായണൻ, ഇ-മലയാളി കഥാമത്സരം 20)

ഇ-മലയാളി കഥാമത്സരത്തിലേക്ക് കഥകൾ അയക്കാൻ ഇനിയും ഒരാഴ്ച കൂടി

സ്വാന്തം (രമ്യ രതീഷ്, ഇ-മലയാളി കഥാമത്സരം 19)

സെയിൽസ്മാൻ (ഷംസു വടക്കുംപുറം, ഇ-മലയാളി കഥാമത്സരം 18)

ജല്‍പനങ്ങളില്‍ തെളിഞ്ഞ് കേട്ടവ (സുനില്‍ ഗുരുകുലം, ഇ-മലയാളി കഥാമത്സരം 17)

ചിത്രലേഖ (രാജൻ പെരുമ്പുള്ളി,  ഇ-മലയാളി കഥാമത്സരം 16)

ജഡ്ജ് മെയ്ഡ് ലോ (ഡോ.എം.ഷാജഹാൻ, ഇ-മലയാളി കഥാമത്സരം 15)

നേർച്ച പോത്ത് (നിവിൻ എബ്രഹാം, ഇ-മലയാളി കഥാമത്സരം 14)

പെറ്റ്സ് വില്ല (നജീബ് കാഞ്ഞിരോട്,  ഇ-മലയാളി കഥാമത്സരം 13)

അനാഥ ദൈവങ്ങൾ (ജിഷ. കെ. റാം, ഇ-മലയാളി കഥാമത്സരം -12)

വിധിയുടെ നിഴൽ (ബിന്ദു ജോൺ മാലം - ഇ-മലയാളി കഥാമത്സരം 11)

കസേര (ജോമോൻ ജോസ്,  ഇ-മലയാളി  കഥാമത്സരം 10)

നിറം (കമാൽ കാരാത്തോട് - ഇ-മലയാളി  കഥാമത്സരം - 9)

ജന്മാന്തരം (രമേശ് ബാബു - ഇ-മലയാളി  കഥാമത്സരം 8)

പടിവാതിലിറങ്ങുമ്പോൾ (അജയ് നാരായണൻ, ഇ-മലയാളി  കഥാമത്സരം 7)

കരയുന്ന കാൽപനികതകൾ (ഉദയനാരായണൻ - ഇ-മലയാളി കഥാമത്സരം 6)

ജീവിതത്തിന്റെ നിറങ്ങൾ (ആദർശ് പി സതീഷ്, ഇ-മലയാളി കഥാമത്സരം 5)

ശവമടക്ക്കളി (ഗോകുൽ രാജ് - ഇ-മലയാളി കഥാമത്സരം 4)

തെക്കോട്ടുള്ള വണ്ടി (കൃഷ്ണകുമാര്‍ മാപ്രാണം -ഇ-മലയാളി കഥാമത്സരം 3)

നിധി (ദീപാ പാർവതി-ഇ-മലയാളി  കഥാമത്സരം 2)

ഇ-മലയാളി കഥാ-മത്സരം, വായനക്കാരുടെ ശ്രദ്ധക്ക്

നിറങ്ങളുടെ ലോകം (സാബു ഹരിഹരൻ, ഇ-മലയാളി  കഥാമത്സരം-1)

വനാന്തരങ്ങളില്‍ ആദ്യവര്‍ഷം പെയ്യുമ്പോള്‍ (ജിസ പ്രമോദ്)

എന്റെ സൂര്യതേജസ്സേ പ്രണാമം !! (എല്‍സി യോഹന്നാന്‍ ശങ്കരത്തില്‍, ന്യൂയോര്‍ക്ക്)

ഒരത്ഭുത ജനനവും ഉയര്‍ത്തെഴുന്നേല്പും (നോയമ്പ്കാല രചന-ഗദ്യകവിത: വാസുദേവ് പുളിക്കല്‍)

വാല്‍മീകിയുടെ മുഖ്യപ്രസംഗം (നര്‍മ്മകഥ: നൈന മണ്ണഞ്ചേരി)

ഓർമ്മയുടെ അങ്ങേ അറ്റം (ജ്യോതി അനൂപ്)

View More