വംശീയതയുടെ പേരില് ജര്മ്മനിയുടെ ഭരണകുടം ഒരു സമൂഹത്തെ ഉ•ൂലനാശം വരുത്താന് ശ്രമിച്ചപ്പോള് അതിന്റ ബലിയാടുകളായവരാണ് ജര്മ്മനിയിലുണ്ടായിരുന്ന മിക്ക യഹൂദരും. ആ കൂട്ടക്കൊലയുടെ വേദനിക്കുന്ന ഓര്മ്മകളുടെ അനുസ്മരണമാണ് ജനുവരി മാസം. ഹോളൊകോസ്റ്റ അഥവാ ഹീബ്രു ഭാഷയില് വിളിക്കുന്ന ഷോഹ. മനുഷ്യ കുരുതിയില്, സ്ത്രീകളും, കുട്ടികളും, പുരുഷ•ാരും അടക്കം ആറ് മില്ലിയണ് യഹൂദരെയാണ് ഹിറ്റ്ലറിന്റെ നാസിഭരണം അഗ്നികുണ്ഡത്തിലും ഗ്യാസ് ചേംബറിലുമൊക്കെയായി സംഹരിച്ചത്. 'യഹൂദ•ാരുടെ പ്രശ്നത്തിനുള്ള ശാശ്വത പരിഹാരമെന്നാണ് ജര്മ്മന്ക്കാര് ഈ കൂട്ടക്കൊലയെ വിശേഷിപ്പിച്ചത്. വംശീയ യാഥാസ്ഥിതികതയില് നിന്ന് ഉടലെടുത്ത വെറുപ്പും വിദ്വേഷവും ആയിരുന്നു യൂറോപ്പ്യന് ജനതയോടും പ്രത്യേകിച്ച് യഹൂദ•ാരോടും കാണിച്ച നിഷ്ഠൂരതയുടെ പിന്നിലെ പ്രേരക ശക്തി. ആയിരത്തി തൊള്ളായിരത്തി മുപ്പത്തി മൂന്നില് നാസികള് ജര്മ്മനിയില് അധികാരത്തില് വരുന്നതിന് മുന്പ് തന്നെ യഹൂദവര്ഗ്ഗത്തോടുള്ള അവരുടെ വെറുപ്പ് പകല്പോലെ വ്യക്തമായിരുന്നു. നിയമപരമായി യഹൂദ•ാരെ ജര്മ്മനിയില് നിന്നും തുടച്ചുമാറ്റണമെന്നുള്ളതായിരുന്നു അവരുടെ അചഞ്ചലമായ തീരുമാനം. ലോകം കീഴടക്കി ഭരിക്കുകയാണ് യഹൂദ•ാരുടെ ലക്ഷ്യം എന്ന ദുര്വ്യഖ്യാനം നല്കി ഹിറ്റ്ലര് അതിന് ആക്കം കൂട്ടി. യഹൂദ•ാര് ഒരു വംശമാണെന്നും അവര് ഒരു മതത്തില്പ്പെട്ടവരല്ലന്നുമൊക്കെയുള്ള ജര്•ന്ക്കാരുടെ വാദം ഒടുവില് ജര്•നിയിലുള്ള യഹൂദ•ാരുടെ ഉ•ൂല നാശത്തില് കലാശിച്ചു.
ഹിറ്റ്ലറിന്റെ വിശ്വദര്ശം രണ്ട് ആശയങ്ങളെ ചുറ്റി പറ്റിയായിരുന്നു: ജര്മ്മനിയുടെ ജനതയ്ക്ക സൗകര്യമായി ജീവിക്കതക്ക വിധത്തില് പ്രാദേശിക വികസനം നടത്തുക. കൂടാതെ വംശീയമായ മേല്ക്കോയ്മ നിലനിറുത്തുക. ആ പദ്ധതിയുടെ ഭാഗമായിരുന്നു രണ്ടാം ലോക മഹായുദ്ധം. ജര്മ്മന് വംശീയതയെ ദുഷിപ്പിക്കുന്നവരായിട്ടും അതുപോലെ അവരുടെ സമൂഹത്തിന്റെ മേല് ബാധിച്ച ഒരു അര്ബുദമായിട്ടുമാണ് ഹിറ്റ്ലര് യഹൂദ•ാരെ കണ്ടത്. ഈ നിഷ്ഠൂരമായ പ്രവര്ത്തിയുടെ സങ്കേതിക പദമായിട്ടാണ് ഹോളൊകോസ്റ്റ് എന്നപേരില്, അതിനെ അതിജീവിച്ച, ചരിത്രകാരനായ ശൗല് ഫ്രൈഡ്ലാന്ഡര് വിളിച്ചത്. യഹൂദര് ഈ ലോകത്തിനു നല്കിയ ജീവിത മൂല്യങ്ങളും, സമൂഹ്യ നീതിയും, അശരണരെ കയ്യ് പിടിച്ചു നടത്തണമെന്നുള്ള മനോഭാവങ്ങളേയും ഹിറ്റ്ലര് വെറുത്തു. അത് എല്ലാ വംശത്തിന്റേയും വംശമായ ആര്യന് വംശത്തെ ദുര്ബലമാക്കാന് പോരുന്നവയാണെന്നും, അതുകൊണ്ട് അതിനെ ഭൂമുഖത്ത് നിന്ന് തുടച്ചു മാറ്റണമെന്നും ഹിറ്റ്ലര് തീരുമാനിച്ചു.
നീണ്ട ഏഴുവര്ഷം സിറിയയില് നടന്ന യുദ്ധത്തേയും, ഡെമോക്രാറ്റ്ക്ക് റിപ്പബ്ലിക്ക് ഓഫ് കോങ്കോയിലെ യുദ്ധത്തേയും, യമനിലെ യുദ്ധത്തേയും, മയാമാറിലെ റാക്കയിന് സംസ്ഥാനത്ത് ന്യൂനപക്ഷമായ റോഹിനിയാ സമൂഹത്തിന്റെമേല് നടന്ന അതിക്രമങ്ങളേയും, ഇന്ന് അമേരിക്കയില് ക്യീഅനേണിന്റെ മറവില് ക്യാപ്പിറ്റോള് ഹില്ലില് നടന്ന കലാപങ്ങളും പരിശോധിക്കുമ്പോള് ഇതിന്റെ പിന്നിലെല്ലാം വംശീയതയുടെ വിഷ്പാമ്പുകളുടെ ചീറലുകള് കേള്ക്കാം. രണ്ടായിരത്തി പതിനേഴില് ഒരു ദിവസം ആറായിരത്തി അഞ്ഞൂറ്റി അന്പത് സിറിയാക്കാരാണ് സ്വന്തദേശവും വീട് വിട്ട് പോകേണ്ടി വന്നത്. ഏകദേശം ആറുമില്ലിയണ്, സ്ത്രീകളും കുട്ടികളും വാര്ദ്ധക്യം ചെന്നവരും അനിശ്ചിതത്വം തുങ്ങിനില്ക്കുന്ന കൂടാരങ്ങളിലും, പൊട്ടി തകര്ന്ന കെട്ടിടങ്ങളിലും അഭയം പ്രാപിച്ചത്. കോങ്കോയുടെ പടിഞ്ഞാറന് പ്രദേശങ്ങളില് രണ്ടു
വര്ഷമായി നടക്കുന്ന ജനങ്ങളുടെ പലായനം ലോകത്തിലെ ഏറ്റവും വലിയ ഒരു ദുരന്തമാണ്. രണ്ടായിരത്തി പതിനാറില് ഏകദേശം ഒരു മില്ലിയണും, രണ്ടായിരത്തി പതിനേഴില് ഒന്നര മില്ലിയണില് കൂടുതല് ജനങ്ങള് സ്വന്തം വീടും ദേശവും വിട്ടുപോകേണ്ടതായി വന്നിട്ടുണ്ട്. യമനിലെ ഏകദേശം ഇരുപത്തി ഒന്പത് മില്ലിയണ് ജനങ്ങളില് എട്ട് മില്ലിയണില് ഏറെ ജനങ്ങള് പട്ടിണിയുടെ വക്കില് എത്തി നില്ക്കുകയാണ്. ഏകദേശം നാനൂറായിരം കുട്ടികള് ഈ രാജ്യത്ത് തീവ്രമായ പോഷകാഹാരക്കുറവിനാല് മനുഷ്യ പേക്കോലങ്ങളായി മാറി കൊണ്ടിരിക്കുകയാണ്. അറൂന്നൂറ്റി അമ്പത്തി അയ്യായിരം റൊഹീനിയ ജാതിയില്പ്പെട്ടവരാണ് ബംഗ്ലാദേശിലേക്ക് ഓടി രക്ഷപ്പെട്ടത്. സൂക്ഷുച്ചു നോക്കിയാല്, ഇതിന്റെ പിന്നിലെല്ലാം, വംശീയ മേല്ക്കോയ്മക്കു വേണ്ടി നിരന്തരം പോരാടുന്ന കരാള ഹസ്തങ്ങളെ കാണാന് കഴിയും.
ലോകത്തെ നാം വിലയിരുത്തുമ്പോള് നാം കാണാതെ പോകുന്നത, ് സുരക്ഷിതം എന്ന് നാം കരുതുന്ന അമേരിക്കയുടെ മുറ്റത്ത് നടക്കുന്ന അതിക്രമങ്ങളും ചാരത്തില് പൂണ്ടു കിടിക്കുന്ന കനലുകള് പോലെ, കത്തി പടര്ന്ന് ചാമ്പലാക്കാന് പോരുന്ന വംശീയതയുടെ വെറുപ്പും വിദേഷവുമാണ്. ആയിരത്തി തൊള്ളായിരത്തി തൊണ്ണൂറ്റി ഒന്പതില് ലോസാഞ്ചലസില് യഹൂദ•ാര്ക്കെതിരെ നടന്ന വെടിവെയ്പ്പ്, രണ്ടായിരത്തി ആറില് സിയാറ്റലിലെ ജൂയിഷ് ഫെഡറേഷന് വെടിവെയ്പ്പ്, രണ്ടായിരത്തി ഒന്പതിലെ ഹോളൊകോസ്റ്റ മെമ്മോറിയല് മ്യൂസിയം വെടിവെയ്പ്പ്, പിറ്റ്സ് ബര്ഗില് പതിനൊന്ന് യഹൂദവംശത്തില് പെട്ടവരുടെ മരണത്തിനിരയാക്കിയ വെടിവെയ്പ്പ് ഇവയ്ക്കു പിന്നിലെല്ലാം വംശീയമായ മേല്ക്കോയ്മ നിലനിറുത്തുവാന് വെമ്പുന്ന നിയോ നാസികളുടെ കറുത്ത കരങ്ങള് ഉണ്ടെന്നുള്ളത് സംശയാധീതമായി തെളിയിക്കപ്പെട്ടിട്ടുണ്ട്. അയോവ കേണ്ഗ്രസ്സ്മാന് സ്റ്റീവന് കിങ്ങിന്റെ വംശീയത ആളികത്തിക്കാന് പോരുന്ന, 'മറ്റൊരു ജാതിയില്പ്പെട്ടവന്റെ കുട്ടിക്ക് ജ•ം നല്കിക്കൊണ്ട് അമേരിക്കയുടെ സംസ്ക്കാരം പുനസ്ഥാപിക്കാന് കഴിയില്ലെന്നും, ഏകജാതിയമായ ഒരു സംസ്കാരമാണ് അമേരിയ്ക്കക്ക് നല്ലതെന്നും, അടുത്തിടയ്ക്ക ന്യൂയോര്ക്ക് ടൈംമ്സുമായി നടത്തിയ അഭിമുഖത്തില് വൈറ്റ് നാഷണലിസ്റ്റ, വൈറ്റ് സൂപ്രമസിസ്റ്റ, വെസറ്റേണ് സംസ്കാരം എന്നീ വാക്കുകള് എന്തുകൊണ്ട് നിന്ദ്യമാണെന്നുമൊക്കെയുള്ള പ്രസ്താവനകള്, ഒരു ഇമിഗ്രേഷന് രാജ്യമായ അമേരിക്കയില് മറ്റൊരു കൂട്ടക്കൊലയ്ക്ക് വഴിയൊരുക്കുകയാണ്. ഒരു വംശത്തിന്റെമേല് നടക്കുന്ന അക്രമണം എല്ലാ വംശത്തിന്റേയുംമേല് നടക്കുന്ന അക്രമണമാണ്, ഈ ദുഷിച്ച പ്രവണതയ്യെ നിരുത്സാഹപ്പെടുത്തേണ്ടത് മനുഷ്യ സ്നേഹികളായ ഒരോ പൗരന്റേയും കടമായാണ്.
'എല്ലാം വളരെ പെട്ടന്നാണ് സംഭവിച്ചത്. യഹൂദ സങ്കേതസ്ഥലം, നാടുകടത്തല്, പൂട്ടി മുദ്രവച്ച കന്നുകാലി വണ്ടികള്. ഞങ്ങളുടെ സമൂഹത്തേയും മനുഷ്യരാശിയേയും എവിടെ വച്ചാണോ ബലികഴിച്ച് ചരിത്രം തിരുത്തി കുറിക്കേണ്ടത്, ആ പൊള്ളുന്ന ബലിപീഠവും' (എലി വൈസല്ഹോളൊകോസ്റ്റ് സര്വൈവര്)