-->

America

പെയ്തൊഴിയാതെ ( അംബിക ചന്തുവാരത്ത്)

Published

on

എനിക്കൊരു കൂട്ടുവേണം..,
കണ്ണടച്ചും വിശ്വസിക്കാവുന്ന,
ഏത് പാതിരാത്രിയിലും
കൂടെ പോകാവുന്ന ഒരു സുഹൃത്ത്.
പുഴയോരത്ത് ആ ചുമലിൽ
തല ചായ്ച്ച് മണിക്കൂറുകളോളം
മൗനമായ് ഇരിക്കണം.
ഇടക്ക് ഓരോ പൊട്ടിച്ചിരികൾ...,
ഇsക്ക് ഓരോ വിതുമ്പലും.
എല്ലാ സന്തോഷങ്ങളും
സങ്കടങ്ങളും പങ്കുവെയ്ക്കണം,
എന്നിട്ട് ഒരു അപ്പൂപ്പൻ താടിപോലെ
പറന്നു നടക്കണം.
കൊച്ചു കുട്ടികൾ കൈകോർത്തുപിടിച്ച്
വട്ടം ചുറ്റിക്കളിക്കുന്നതു പോലെ
വട്ടംചുറ്റണം.
ഒരു ചെറുതോണിയിൽ കയറി
ദൂരെ കായലിൽ ഏറെ ദൂരം
യാത്ര ചെയ്യണം.
കടൽത്തീരത്തിലൂടെ കൈകോർത്തു
പിടിച്ച് ശ്വാസം മുട്ടുന്ന വരേക്കും ഓടണം.
കടൽക്കരയിൽ മണ്ണു കൊണ്ടൊരു
കളിവീട് കെട്ടണം.
കൂടെ നീണ്ടൊരു യാത്ര പോകണം...,
തീവണ്ടിയിൽ.
തോളിൽ തലചായ്ച്ചിരുന്ന്,
കൈകൊണ്ട് മറുകയ്യിനെ ചേർത്ത് പിടിച്ച്,
ജനലിലൂടെ മരങ്ങളും,
മാളികകളും, വയലുകളും ഓടിയകലുന്നത്
നോക്കിയിരിക്കണം.
വാക്കുകൾക്കവിടെ പ്രസക്തിയില്ല...,
ഒരുവിശ്വാസം,
ഒരു സുരക്ഷിതത്വം മാത്രം..!
അങ്ങിനെ ഒരു നീണ്ട യാത്ര...!
യാത്രയുടെ അവസാനം ആ മടിയിൽ
തലവെച്ചു കിടന്ന് ഉറങ്ങണം....,
നീണ്ട ഉറക്കം.
മൃദുവായ കൈകൾ നെറ്റിയിൽ മെല്ലെ
തലോടിക്കൊണ്ടിരിക്കുമ്പോൾ
ഒരാത്മസംതൃപ്തിയിൽ
ഞാനില്ലാതാകണം...!
എല്ലാം മറന്നുള്ള ഉറക്കം...!
ഒരിക്കലും ഉണരാത്ത ഉറക്കം...!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

മിഡാസ് ടച്ച് (കവിത: വേണുനമ്പ്യാര്‍)

കനലെരിയുമ്പോൾ (രേഖ ഷാജി)

ക്വാറന്റൈൻ (കവിത: ശിവൻ)

അമ്മ (കവിത: സുഭദ്ര)

ഊഞ്ഞാല്‍...(ചെറുകഥ: അനീഷ് കേശവന്‍)

ഇലകൾ പൊഴിച്ച ഒരു മരം (കഥ: പുഷ്പമ്മ ചാണ്ടി )

അമ്മയും ഞാനും (രമാ പ്രസന്ന പെരുവാരം)

അമ്മ (കവിത: ഡോ.എസ്.രമ )

അമ്മ (ജയശ്രീ രാജേഷ്)

വളയിട്ട കിനാവുകള്‍ (കവിത: ഷാജന്‍ ആനിത്തോട്ടം)

അമ്മ നിലാവ് (രേഖ ഷാജി)

നക്ഷത്രരാവുകൾ (അനിൽ.ടി.പ്രഭാകർ)

നിദ്രാവിഹീനം (മിനിക്കഥ: ബീന ബിനിൽ)

പാമ്പും കോണിയും - നിർമ്മല - നോവൽ - 45

അപരോക്ഷം (കവിത: വേണുനമ്പ്യാര്‍)

കോർപ്പറേറ്റ് ഗോഡസ്സ് - പുഷ്‌പമ്മ ചാണ്ടി - ഭാഗം - 9

നാടുകാണി (കവിത: മുയ്യം രാജന്‍)

നക്ഷത്രങ്ങള്‍ പറയുന്നത്(കവിത: രാജന്‍ കിണറ്റിങ്കര)

നനയുന്ന പെരുമഴകൾ (കഥ : രമണി അമ്മാൾ )

യുദ്ധവും കലാപവും ഇല്ലായിരുന്നെങ്കിൽ (കവിത സുനിൽ)

പുനർജ്ജനി (കവിത: ബിന്ദുജോൺ മാലം)

കാര്യസ്ഥന്‍ (നോവല്‍ -അധ്യായം -10: കാരൂര്‍ സോമന്‍)

മുദ്ര (കവിത: പുഷ്പ ബേബി തോമസ് )

നീയേ സാക്ഷി (കവിത: രേഖാ ഷാജി)

വരുവിൻ, കാണുവിൻ, ധൃതംഗപുളകിതരാകുവിൻ (നർമ്മകഥ: നൈന മണ്ണഞ്ചേരി)

Is Love Real or Does an Arranged Marriage Just Make Sense? (Asha Krishna)

സന റബ്സിന്റെ ഏറ്റവും പുതിയ നോവലെറ്റ് --- വെയിട്രസ്

മഷിക്കുമിളകൾ (രാജൻ കിണറ്റിങ്കര)

ജാതകദോഷം (ചെറുകഥ: സാംജീവ്)

എങ്കില്‍ (കവിത: വേണുനമ്പ്യാര്‍)

View More