ചിക്കാഗോ: കുടിയേറ്റക്കാര്‍ക്ക് ഇവിടെ വരാനും മുന്നേറാനും ആഫ്രിക്കന്‍ അമേരിക്കക്കാരുടെ സിവില്‍ റൈറ്റ്‌സ് പ്രക്ഷോഭം സഹായിച്ചിട്ടുണ്ടെന്നു ഇല്ലിനോയിയില്‍ നിന്നുള്ള കോണ്‍ഗ്രസ് അംഗം രാജാ ക്രുഷ്ണമൂര്‍ത്തി ഫോമാ വെബിനറില്‍ ചൂണ്ടിക്കാട്ടി. അവരോടു നമുക്ക് കടപ്പാടുണ്ട്.അവരെ പിന്തുണക്കാന്‍ നമുക്ക് കടമയുമുണ്ട്. ഇപ്പോഴുണ്ടായ മുറിവുണക്കാന്‍ എങ്ങനെ നമ്മുടെ ശബ്ദം ഉപയോഗിക്കാമെന്നും ചിന്തിക്കേണ്ടതുണ്ട്.

9/11 കഴിഞ്ഞപ്പോള്‍ നമ്മളില്‍ പലരും ആക്രമണങ്ങള്‍ക്കിരയായി. കറുത്തവര്‍ക്കെതിരായ മനോഭാവം നാം ഉപേക്ഷിക്കണം.

ഫ്‌ലോയിഡിന്റെ വധത്തോടേ വംശീയത ഉണ്ടെന്നു പല വൈറ്റ് അമേരിക്കക്കാരും അംഗീകരിക്കുന്നു. ബ്ലാക്ക് ലിവ്‌സ് മാത്രമല്ല ബ്ലാക്ക് വോട്ടും പ്രധാനം. നമുക്ക് എതിരായവരെ നീക്കാന്‍ വേണ്ടി വോട്ട് ചെയ്യുകയും നമ്മുടേ ഡോളര്‍ അതിനായി വിനിയോഗിക്കുകയും വേണം.

മോഡറേറ്ററായിരുന്ന ടി.വി. ആങ്കര്‍ റീന നൈനാന്‍ കാഷ്മീരിലെ മുസ്ലിംകളുടെ ജീവിതത്തിനും വിലയില്ലേ എന്നു ചോദിച്ചു. എങ്കില്‍ പിന്നെ മോദിയെ പിന്തൂണക്കുന്നത് എന്തു കൊണ്ടാണ്?

താന്‍ ഒരു വിദേശ നേതാവിനെയും എന്‍ഡോഴ്‌സ് ചെയ്തിട്ടില്ലെന്നു അദ്ദേഹം പ്രതികരിച്ചു. മുസ്ലിംകളെ ബാന്‍ ചെയ്ത് പ്രസിഡന്റ് ട്രമ്പ് ഉത്തരവിട്ടപ്പോള്‍ താന്‍ അതിനെതിരെ രംഗത്തു വരികയും ഗ്രീന്‍ കാര്‍ഡുള്ള മുസ്ലിംകളൂടെ യാത്ര സുഗമമാക്കുവാന്‍ പ്രവര്‍ത്തിക്കുകയും ചെയ്തു. തന്റെ ഡിസ്ട്രിക്റ്റിലെ ജനങ്ങളുടെ താല്പര്യങ്ങള്‍ക്കനുസരണമായാണ് താന്‍ പ്രവര്‍ത്തിക്കുന്നത്.

അതേ സമയം താനും പൂര്‍ണനോ തെറ്റു പറ്റാത്ത ആളോ അല്ല. എന്നാല്‍ അതില്‍ നിന്നു പഠിക്കുകയും മാറുകയുംചെയ്യുന്നു-അദ്ദേഹം പറഞ്ഞു.

https://www.facebook.com/watch/live/?v=3363121647073484&ref=watch_permalink

see also: 

https://emalayalee.com/varthaFull.php?newsId=213729