വൈറ്റ് ഹൌസിനു മുന്നിലെ പ്രതിക്ഷേധവും വയറസ് വ്യാപനം നിയന്ത്രണാതീതമയത്തും ട്രംപിനോടുള്ള അമേരിക്കന് ജനതയുടെ പ്രീതി കുറക്കുന്നു. സിഎന്എന് പോളിംഗ് പ്രകാരം ട്രമ്പിന്റെ അംഗീകാരം 7 പോയിന്റ് കുറഞ്ഞു ഡെമോക്രാറ്റിക് നോമിനി ജോ ബിഡനു പിന്നില് എത്തി. ട്രമ്പ് പ്രസിഡന്റ് പദവി കൈകാര്യം ചെയ്യുന്ന രീതിയെ അംഗീകരിക്കുന്നവര് 38% മാത്രം. വിമര്ശിക്കുന്നവര് 57%വും ഇത് 2019 ജനുവരിക്കു ശേഷമുള്ള ട്രമ്പിന്റെ ഏറ്റവും മോശം റേറ്റിംഗ് ആണ്.
വൈറ്റ് ഹൌസിലെത്താനുള്ള മല്സരത്തില് രജിസ്റ്റര് ചെയ്ത വോട്ടര്മാരില് മാത്രം നടത്തിയ സര്വ്വേയില് ട്രമ്പ്, ബൈഡനെക്കാള് 14 പോയിന്റ് പിന്നില് നില്ക്കുന്നു. 41% ആളുകള് ട്രമ്പിനെ പിന്തുണക്കുമ്പോള്, 55% ആളുകള് ബൈഡനെ പിന്തുണക്കുന്നു.
ട്രമ്പ് കാമ്പെയ്ന് സി എന് എന് സര്വ്വെക്കെതിരെ രൂക്ഷമായി ആണ് പ്രതികരിച്ചത്. സിഎന്എന് പ്രസിഡന്റ് ജെഫ് സക്കറിന് അയച്ച കത്തില് ആവശ്യപെടുന്നത്, തെറ്റായതും തെറ്റിദ്ധരിപ്പിക്കുന്നതുമായ സര്വ്വേ ഫലം പിന്വലിച്ചു മാപ്പു പറയണം എന്നാണ്. എന്നാല് സിഎന്എന് നെറ്റ്വര്ക്ക് ഈ ആവശ്യം നിരസിച്ചു.
''ഞങ്ങളുടെ സര്വ്വേഫലത്തിനൊപ്പം ഞങ്ങള് നില്ക്കുന്നു,'' സിഎന്എന് വക്താവ് മാറ്റ് ഡോര്ണിക് പറഞ്ഞു.
ഫോക്സ് ന്യൂസ് നെറ്റ്വര്ക്കിന്റെ ഗാലപ്പ് പോള് സര്വ്വേ ഫലം പുറത്തുവന്നപ്പോള് പ്രസിഡന്റ് ട്രമ്പിന്റെ അംഗീകാര റേറ്റിംഗ് കുറഞ്ഞു. രാജ്യത്തൊട്ടാകെയുള്ള അസ്വസ്ഥതകളാണ് ട്രമ്പിന്റെ റേറ്റിംഗ് കുറച്ചതു എന്ന് ഫോക്സ് ന്യൂസ്. ഗാലപ്പ് പോളിംഗില് ഒരു മാസം മുമ്പ് 49 ശതമാനമായിരുന്ന പ്രസിഡന്റിന്റെ അംഗീകാര റേറ്റിംഗ് ബുധനാഴ്ച പുറത്തിറക്കിയ അവരുടെ ഏറ്റവും പുതിയ സര്വേയില് 39 ശതമാനമായി കുറഞ്ഞു. പുതിയ സര്വ്വേയില് ട്രംപിന്റെ എതിര്ക്കുന്നവര് 57 ശതമാനമായി ഉയര്ന്നു.
ഗാലപ്പ് പോളിംഗില് ട്രമ്പ് സമ്പദ്വ്യവസ്ഥ എങ്ങനെ കൈകാര്യം ചെയ്യുന്നുവെന്നതിനെക്കുറിച്ചുള്ള അംഗീകാര റേറ്റിംഗും 2017 നവംബറിന് ശേഷം ആദ്യമായി 50 ശതമാനത്തില് താഴെയായി. ഫെബ്രുവരിയിലെ 58-41% ത്തില് നിന്ന് കുറഞ്ഞു ഇപ്പോള് 47-51%. അംഗീകാരത്തിലാണ്.
തിരഞ്ഞെടുപ്പിന് ഇനിയും 5മാസത്തില് താഴെ മാത്രമുള്ളപ്പോള് ജനപ്രീതിയും അംഗീകാരവും തിരിച്ചുപിടിക്കുന്ന രാഷ്രിയ അങ്കത്തിനായി ലോകം ഉറ്റുനോക്കുന്നു.