തിരുവനന്തപുരം: സംസ്ഥാനത്ത് മഴ കുറയുന്നു. കേരളത്തില് അടുത്ത 5 ദിവസങ്ങളില് മഴ താരതമ്യേന കുറവായിരിക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.ഇന്ന് കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് ശക്തമായ മഴക്കുള്ള സാധ്യതയുള്ളതിനാല് ഈ ജില്ലകളില് ഓറഞ്ച് അലര്ട്ട് നിലനില്ക്കുന്നുണ്ട്.
കാറ്റിന്റെ വേഗതയും സംസ്ഥാനത്ത് കുറഞ്ഞു. ഇതെത്തുടര്ന്ന് മത്സ്യത്തൊഴിലാളികള്ക്ക് പ്രഖ്യാപിച്ച ജാഗ്രതാ നിര്ദ്ദേശം പിന്വലിച്ചു. ഇനിയൊരറിയിപ്പ് ഉണ്ടാകുന്നത് വരെ മത്സ്യത്തൊഴിലാളികള്ക്ക് കടലില് പോകാം.
അതേസമയം നാളെ കണ്ണൂര്, കാസര്ഗോഡ്, ഇടുക്കി ജില്ലകളില് ഒറ്റപ്പെട്ടയിടങ്ങളില് ശക്തമായ മഴക്കുള്ള സാധ്യതയുള്ളതിനാല് യെല്ലോ അലേര്ട്ട് പ്രഖ്യാപിച്ചിട്ടുണ്ട്. ജനങ്ങള് ഭയപ്പെടേണ്ട സാഹചര്യമില്ലെന്നും വിവിധ വകുപ്പുകളോടും ഉദ്യോഗസ്ഥരോടും ജാഗ്രത തുടരാന് നിര്ദേശിച്ചിട്ടുണ്ടെന്നും സംസ്ഥാന ദുരന്തനിവാരണ അതോറിറ്റി അറിയിച്ചു. താലൂക്ക് തലത്തില് തുടങ്ങിയ കണ്ട്രോള് റൂമുകള് നിലനിര്ത്താനും ദുരന്തനിവാരണ അതോറിറ്റി നിര്ദേശം നല്കി.