Image

മൂല്യമാലിക- 6 - എല്‍സി യോഹന്നാന്‍ ശങ്കരത്തില്‍

എല്‍സി യോഹന്നാന്‍ ശങ്കരത്തില്‍ Published on 05 April, 2012
മൂല്യമാലിക- 6 - എല്‍സി യോഹന്നാന്‍ ശങ്കരത്തില്‍
51)സ്വന്തമായുള്ളനുഭവ
മാണുസാക്ഷാലറിവെടാ;
ഗര്‍ഭമാകാത്ത മങ്കയ്ക്ക്
പ്രസവജ്ഞാനമെങ്ങനെ?

52)കൊച്ചു മുട്ടകളിടുന്ന കുക്കുടം
ഒച്ചവച്ചുഭുവനം മുടിച്ചിടും
ടമച്ചമാര്‍ന്ന പെരുമുട്ടയിടുന്നോ-
ര്‍ക്കൊച്ചയില്ല, തു മഹത്വലക്ഷണം.

53) വരവില്‍ കണ്ണുവച്ചിട്ട്
ചെലവാക്കണമാരുമേ,
ചെലവേറിക്കഴിഞ്ഞെന്നാല്‍
നിലയില്ലാതെയായിടും.

54) ഔഷധം നല്ലതെങ്കിലോ
വില നല്ലതു വാങ്ങുക,
പച്ചവെള്ളം കൊടുത്തെന്നാല്‍
വില വാങ്ങിനശിച്ചിടാം.

55) ന്യായം കയ്യില്‍ കുറവെങ്കില്‍
രണ്ടു കാര്യങ്ങള്‍ ചെയ്യുക;
ശബ്ദമേറ്റമുയര്‍ത്തീട്ട-
ങ്ങോട്ടവായിട്ടു നിര്‍ത്തുക.

56) കാപ്പിനൂറു കുടിക്കിലും ചോര്‍
ശാപ്പിടേണ്ടതനിര്‍വ്വാര്യമാണെടോ;
പൂര്‍ണ്ണസംഖ്യയൊടു ചേര്‍ന്നു നില്‍ക്കിലേ
പൂജ്യരാജിവിലയുള്ളതായ് വരൂ.

57)അല്പമകലെയുമക്കരെയുമുള്ള
തില്പായ കാര്യങ്ങളൊക്കെയാകര്‍ഷകം
അപ്രാപ്യമായതു പ്രാപ്യമാവോളമേ
സുപ്രഭമായതു തോന്നുകുള്ളൂ നൂനം.

58)രക്ഷണം വേണ്ടാത്ത നേരമൊക്കെയും
രക്ഷണമേകാനായനേകരുണ്ടാം
വേണുന്ന നേരത്തു സഹായമേകാന്‍
ആരും വരില്ലെന്നതു നിത്യസത്യം!

59) സ്തുതികള്‍ നേടുന്നു സൗഹൃദം
സത്യം നേടുന്നു ശത്രുത
സത്ദൂത്യങ്ങളെ നല്‍കുക
സത്ജീവിതത്തെക്കാട്ടുക!

60)ഹനനഹോമയാഗങ്ങള്‍
കൊലക്കുറ്റവിവര്‍ദ്ധകം
അതിനേക്കാളേറെന്ന്
ഹൃദയോള്‍ത്താപമോര്‍ക്കുക!
മൂല്യമാലിക- 6 - എല്‍സി യോഹന്നാന്‍ ശങ്കരത്തില്‍
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക