മാഗ് (MAGH) തെരഞ്ഞെടുപ്പിൽ 'ടീം യുണൈറ്റഡിന്' ചരിത്ര വിജയം; റോയി മാത്യു പ്രസിഡന്റ്

ഹൂസ്റ്റൺ: വാശിയേറിയ പ്രചാരണങ്ങൾക്കൊടുവിൽ മലയാളി അസോസിയേഷൻ ഓഫ് ഗ്രേറ്റർ ഹൂസ്റ്റൺ (MAGH) 2026-27 ഭരണസമിതിയിലേക്കുള്ള തെരഞ്ഞെടുപ്പിൽ 'ടീം യുണൈറ്റഡിന്' തകർപ്പൻ വിജയം. റോയി മാത്യു നയിച്ച പാനൽ എതിർപക്ഷമായ 'ടീം ഹാർമണി'യെ ബഹുദൂരം പിന്നിലാക്കിയാണ് അധികാരത്തിലേറിയത്.

ശനിയാഴ്ച നടന്ന വോട്ടെടുപ്പിൽ റെക്കോർഡ് പോളിംഗാണ് രേഖപ്പെടുത്തിയത്. 'നേരാണ് പാത, നന്മയാണ് ലക്ഷ്യം' എന്ന മുദ്രാവാക്യമുയർത്തി പ്രചാരണം നടത്തിയ ടീം യുണൈറ്റഡ്, സംഘടനയുടെ ഐക്യത്തിനും വികസനത്തിനും മുൻതൂക്കം നൽകിയതാണ് വൻ വിജയത്തിന് കാരണമായതെന്ന് വിലയിരുത്തപ്പെടുന്നു.

പ്രസിഡന്റായി റോയി മാത്യു തിരഞ്ഞെടുക്കപ്പെട്ടപ്പോൾ, അദ്ദേഹത്തോടൊപ്പം മത്സരിച്ച എക്സിക്യൂട്ടീവ് കമ്മിറ്റി അംഗങ്ങളും ബോർഡ് ഡയറക്ടർമാരും മികച്ച ഭൂരിപക്ഷത്തോടെ വിജയിച്ചു. വിനോദ് ചെറിയാൻ, ഡോ. സുബിൻ ബാലകൃഷ്ണൻ, ഷിനു എബ്രഹാം, സുനിൽ തങ്കപ്പൻ, അനില സന്ദീപ്, അമ്പിളി ആന്റണി, ജിൻസ് മാത്യു, ബിജു ശിവൻ, ഡെന്നീസ് മാത്യു തുടങ്ങിയവരും ടീം യുണൈറ്റഡിന്റെ വിജയശില്പികളായി.

പ്രചാരണ സമയത്ത് കേരള ഡിബേറ്റ് ഫോറം സംഘടിപ്പിച്ച പരസ്യ സംവാദത്തിൽ ടീം യുണൈറ്റഡ് തങ്ങളുടെ വികസന രേഖകളും (Manifesto) ഭാവി പരിപാടികളും കൃത്യമായി അവതരിപ്പിച്ചത് വോട്ടർമാരെ സ്വാധീനിച്ചു. അതേസമയം, സംവാദത്തിൽ നിന്നും വിട്ടുനിന്ന ടീം ഹാർമണിയുടെ നടപടി വോട്ടർമാർക്കിടയിൽ അതൃപ്തി ഉണ്ടാക്കിയിരുന്നു. കമ്മ്യൂണിറ്റി സെന്റർ നിർമ്മാണം, യുവജനങ്ങളെയും വനിതകളെയും കൂടുതൽ സജീവമാക്കൽ, സുതാര്യമായ ഭരണനിർവ്വഹണം എന്നീ വാഗ്ദാനങ്ങളാണ് ടീം യുണൈറ്റഡിന് തുണയായത്.

"ഇതൊരു വ്യക്തിയുടെ വിജയമല്ല, മറിച്ച് ഹൂസ്റ്റണിലെ പ്രബുദ്ധരായ മലയാളി സമൂഹത്തിന്റെ വിജയമാണ്. ജാതി-മത-രാഷ്ട്രീയ ചിന്തകൾക്കതീതമായി, ജയിച്ചവരും തോറ്റവരും എന്ന വേർതിരിവില്ലാതെ എല്ലാവരെയും യോജിപ്പിച്ചു കൊണ്ടുപോകും," എന്ന് നിയുക്ത പ്രസിഡന്റ് റോയി മാത്യു വിജയാഹ്ലാദത്തിനിടെ പറഞ്ഞു. വോട്ട് ചെയ്തവർക്കും പിന്തുണച്ചവർക്കും അദ്ദേഹം നന്ദി അറിയിച്ചു.

പുതിയ ഭരണസമിതി ഉടൻ സത്യപ്രതിജ്ഞ ചെയ്ത് അധികാരമേൽക്കും. ഹൂസ്റ്റണിലെ മലയാളി സമൂഹത്തിന്റെ നന്മയ്ക്കായി ഒത്തൊരുമിച്ച് പ്രവർത്തിക്കുമെന്ന് വിജയിച്ച സ്ഥാനാർത്ഥികൾ ഉറപ്പ് നൽകി.

പ്രസിഡന്റ് സ്ഥാനത്തേക്ക് മത്സരിച്ച റോയി സി. മാത്യു 1509 വോട്ടുകൾ നേടി ഉജ്ജ്വല വിജയം കരസ്ഥമാക്കി. എതിർ സ്ഥാനാർത്ഥിയായ ചാക്കോ പി. തോമസിന് 836 വോട്ടുകൾ മാത്രമാണ് ലഭിച്ചത്.

ട്രസ്റ്റി ബോർഡ് & എക്സിക്യൂട്ടീവ് കമ്മിറ്റി ഫലങ്ങൾ:

ട്രസ്റ്റി ബോർഡ്: ക്ലാരമ്മ മാത്യൂസ് (1593 വോട്ടുകൾ) വിജയിച്ചു. (എതിരാളി ജോസഫ് മത്തായി ഒലിക്കൻ - 715 വോട്ടുകൾ).

വനിതാ പ്രതിനിധികൾ (Women's Representatives): അമ്പിളി ആന്റണി (1514 വോട്ടുകൾ), അനില സന്ദീപ് (1367 വോട്ടുകൾ) എന്നിവർ തിരഞ്ഞെടുക്കപ്പെട്ടു.

യൂത്ത് റെപ്രസെന്റേറ്റീവ്: മൈക്കിൾ ജോയ് (1307 വോട്ടുകൾ) വിജയിച്ചു. (എതിരാളി ഡോ. നവീൻ പാത്തിയിൽ - 1013 വോട്ടുകൾ).

ബോർഡ് ഓഫ് ഡയറക്ടേഴ്സ് (Top 11):

ബോർഡ് ഓഫ് ഡയറക്ടേഴ്സിലേക്കുള്ള 11 സീറ്റുകളിലും ടീം യുണൈറ്റഡ് തൂത്തുവാരി. 1582 വോട്ടുകൾ നേടി ഷിനു എബ്രഹാം ആണ് ഏറ്റവും കൂടുതൽ വോട്ടുകൾ കരസ്ഥമാക്കിയത്. വിജയിച്ച ബോർഡ് അംഗങ്ങളും അവർക്ക് ലഭിച്ച വോട്ടുകളും താഴെ പറയുന്നവയാണ്:

ഷിനു എബ്രഹാം: 1582

ജീവൻ സൈമൺ: 1574

വിനോദ് ചെറിയാൻ: 1551

മാത്യു തോമസ് (സന്തോഷ് ആറ്റുപുറം): 1499

ഡോ. സുബിൻ ബാലകൃഷ്ണൻ: 1494

ജിൻസ് മാത്യു: 1462

സാജൻ ജോൺ: 1431

ബനീജ ചെറു: 1422

ഡെന്നീസ് മാത്യു: 1268

ബിജു ശിവൻ: 1266

സുനിൽ തങ്കപ്പൻ: 1251

എതിർ പാനലായ 'ടീം ഹാർമണി'യുടെ സ്ഥാനാർത്ഥികളേക്കാൾ ബഹുദൂരം മുന്നിലെത്തിയാണ് ടീം യുണൈറ്റഡ് സ്ഥാനാർത്ഥികൾ വിജയം ഉറപ്പിച്ചത്. ഹൂസ്റ്റണിലെ മലയാളി സമൂഹം ടീം യുണൈറ്റഡിന്റെ വികസന നയങ്ങളെയും നേതൃത്വത്തെയും പൂർണ്ണമായി അംഗീകരിക്കുന്നതാണ് ഈ തിരഞ്ഞെടുപ്പ് ഫലം സൂചിപ്പിക്കുന്നത്.

Facebook Comments

Comments

Vayanakkaran 2025-12-15 02:38:10

അജു വാരിക്കാട് വളരെ കൃത്യമായി വാർത്ത എഴുതിയിരിക്കുന്നു. സത്യത്തിൽ ഇലക്ഷൻ പ്രചാരണത്തിന്റെ തുടക്കത്തിൽ Harmony ടീമിന് ഒരല്പം മുൻതൂക്കം പലതരത്തിലും കണ്ടിരുന്നു. ഇലക്ഷന് തെരഞ്ഞെടുത്ത സ്ഥലം പോലും ഹാർമണി ടീമിൻറെ ചോയിസ് ആയിരുന്നു എന്നാണ് കേട്ടത്. മേയർ അടക്കം ചില മലയാളി എലെക്റ്റഡ് ഓഫീസേഴ്സ്, പരസ്യമായി Harmony ടീമിന് സ്റ്റേജിൽ വന്ന് പിന്തുണ പ്രഖ്യാപിക്കുകയും, ടീമിൻറെ വിജയത്തിനു വേണ്ടി കാമ്പയിൻ നടത്തുകയും ചെയ്തു. കേരള ഡിബേറ്റ് ഫോറം എന്ന സ്വതന്ത്ര ബോഡി പത്ര ദ്വാര, ഒരു press release വഴി ഒരു ഡിബേറ്റിന് ഹാർമണി ടീമിനെയും, United ടീമിനെയും ക്ഷണിക്കുകയുണ്ടായി. എന്നാൽ അത് യുണൈറ്റഡ് ടീം സ്വീകരിക്കുകയും, അതിനു വേണ്ടിയതായ മറ്റ് സഹായസഹകരണങ്ങൾ നൽകുകയും ചെയ്തതായിട്ടാണ് അറിവ്. എന്നാൽ സാധാരണ ഉള്ള ഒരു പതിവിന് വിപരീതമായി ഹാർമണി ടീം, ചില മുടന്തൻ ന്യായങ്ങൾ പറഞ്ഞുകൊണ്ട് വരാതെ അതിൽ നിന്ന് വിട്ടുനിൽക്കുകയും, അതും നടക്കാതിരിക്കാൻ അണിയറയിൽ ചില പ്രവർത്തനങ്ങൾ പോലും നടത്തുകയുണ്ടായി എന്ന വിവരം പലരും പറഞ്ഞു അറിഞ്ഞു. എന്നാൽ കേരള ഡിബേറ്റ് ഫോറത്തിന്റെ ഡിബേറ്റ് ഓപ്പൺ ഫോറത്തിലും സജീവമായി പങ്കെടുത്ത യുണൈറ്റഡ് ടീം അവിടെ ഒരു മിന്നും പ്രകടനമാണ് നടത്തിയത്. അവർ അവരുടെ അജണ്ട വളരെ വ്യക്തമായി അവതരിപ്പിച്ചു. . അതിൻറെ വീഡിയോ ദൃശ്യങ്ങൾ അനേകായിരം, വ്യക്തികളാണ് കണ്ടത്. ഈ ദൃശ്യമാധ്യമ യുഗത്തിൽ വോട്ടേഴ്സിന് Team യുണൈറ്റഡ് വരെയധികം സ്വീകാര്യമായി തോന്നിയതിൽ അത്ഭുതമില്ല. അതുകൊണ്ടായിരിക്കണം പെട്ടെന്ന് തന്നെ അവരുടെ കുതിപ്പ് ആരംഭിച്ചത്. ഹാർമണി ടീമിൻറെ ഏതാണ്ട് ഇരട്ടിയോളം വോട്ട് നേടിയാണ് ടീം യുണൈറ്റഡ് ജയിച്ചതെന്ന് വളരെ വ്യക്തമായി വാരിക്കാടിന്റെ റിപ്പോർട്ടിൽ കാണാം. കേരള ഡിബേറ്റ് ഫോറത്തിന്റെ debate വീഡിയോ ഇപ്പോഴും സോഷ്യൽ മീഡിയയിൽ ഒരു തരംഗം ആയിട്ട് തന്നെയുണ്ട്. പിന്നെ പൊതുവായിട്ട് ഒന്ന് പറയാനുള്ളത് ജയിച്ച ടീം, അതുപോലെതന്നെ തോറ്റ ടീം എല്ലാവരും നമുക്ക് വേണ്ടപ്പെട്ടവരാണ് എന്നാണ് Hustan മലയാളികൾ പറഞ്ഞത്. രണ്ടു കൂട്ടരും കൈകോർത്തു തന്നെ മുന്നോട്ടു പോകണം എന്നാണ് പൊതുജന സംസാരം. വിവരങ്ങൾ കേട്ടും, വായിച്ചും വീഡിയോകൾ കണ്ടും കാര്യങ്ങൾ മനസ്സിലാക്കുന്ന ഈ വായനക്കാരൻ Hustan മലയാളി അസോസിയേഷനും, പ്രവർത്തകർക്കും ആശംസകൾ നേരുന്നു. എല്ലാം നന്നായി പോകട്ടെ. Season's Greetings.

ഹ്യൂസ്റ്റൺ മലയാളി 2025-12-15 14:03:22

ഹാർമണി ടീമിലെ പലരുടെയും ജാഡ ആണ് അവരുടെ വീഴ്ചയുടെ കാരണം. പ്രത്യകിച്ചു മിസോറി സിറ്റി മേയർ ആയിട്ടു മത്സരിച്ച മലയാളി ആയ റോബിൻ ഇലകാട്ടിനെ എതിരെ മത്സരിച്ച വ്യക്തിയെ കാശു മേടിച്ചു തന്റെ റേഡിയോയിൽ കൊണ്ട് വന്നു സപ്പോർട്ട് ചെയ്ത ആൾ ഉൾപ്പെട്ട ഹാർമണി ടീം പരാജയപെട്ടതിൽ വലിയ അത്ഭുതം ഇല്ല. മലയാളികൾ ഇതൊന്നും മറക്കത്തില്ല.

Cherian Markose 2025-12-16 03:14:35

സിറ്റി മേയർ ഉൾപ്പെടെ, ചില മലയാളി എലെക്ട്ഡ് ഓഫീസേഴ്സ് ഹാർമണി ടീമിന് വേണ്ടി അവരെയൊക്കെ വേദിയിലിരുത്തി, അവരുടെ സപ്പോർട്ട് കൂടി, ആ ടീമിനൊപ്പം മത്സരിക്കുന്ന വ്യക്തിയുടെ പേപ്പറിൽ മുഴുവനായി ലേഖനങ്ങളും പരസ്യവും Harmony ടീമിനു വേണ്ടി എഴുതിയിട്ടും നടത്തിയിട്ടും Harmony ടീമിൻറെ ഇലക്ഷനിൽ ജയിച്ചില്ല എന്ന എന്ന വസ്തുതയെ പറ്റി Harmony ടീമിൽ ഓരോരുത്തരും ചിന്തിക്കണം ആത്മപരിശോധന നടത്തണം. എന്തുകൊണ്ട് ഹാർമണി ടീമിലെ ഓരോ അംഗങ്ങൾക്കും കിട്ടിയ വോട്ടിന്റെ ഏതാണ്ട് ഇരട്ടി ഭൂരിപക്ഷം നേടി ടീം . യുണൈറ്റഡ് ജയിച്ചു?. ആത്മപരിശോധന നടത്തി തിരുത്തിയാൽ ഒരുപക്ഷേ അടുത്ത കൊല്ലം നിങ്ങൾക്ക്, ടീം ഹാർമണിക്ക് ജയിക്കാൻ പറ്റിയേക്കും. ഇപ്പോൾ ജയിച്ച ടീമുമായി സഹകരിക്കുകയും, പ്രവർത്തിക്കുകയും ചെയ്യുക. അത് അടുത്ത കൊല്ലത്തേക്കുള്ള ഒരു വിജയത്തിൻറെ ചവിട്ടുപടി ആകും. Harmony ടീംഒരു ഡിബേറ്റ് ഫോറം, ഡിബേറ്റ് ഓപ്പൺ ഫോറത്തിനു പോലും ക്ഷണം കിട്ടിയിട്ടും പോകാതിരുന്നത് മഹാ അബദ്ധമായി പോയി എന്ന് പലരും പറയുന്നത് കേട്ടു. . അതുമാത്രമല്ല അതിനെ ചൊല്ലി, ഇലക്ഷന് മുൻപും, ഇലക്ഷൻ റിസൾട്ട് വന്നതിനുശേഷം ടീം ഹാർമണിയിൽ അഭിപ്രായവ്യത്യാസവും, പൊട്ടിത്തെറിയും ഉണ്ടായതായി അറിഞ്ഞു. എന്നാൽ ടീം യുണൈറ്റഡ് നന്നായി ഡിബേറ്റിൽ ശോഭിച്ചു. " നേരാണ് പാത നന്മയാണ് ലക്ഷ്യം' എന്ന് അവരുടെ മുദ്രാവാക്യം ഡിബേറ്റ് വീഡിയോ കണ്ട ജനങ്ങൾ ഏറ്റെടുത്തു. അങ്ങനെ അവർ ഡബിൾ ഡിജിറ്റ് വിജയം നേടുകയും ചെയ്തു. എന്റെ ഫേസ്ബുക്കിലും, വാട്സാപ്പിലും വന്നപ്പോഴാണ് ആ വീഡിയോ ഞാൻ കാണാനിടയായത്. ഞാനൊരു വലിയ അസോസിയേഷൻ പ്രേമി അല്ലെങ്കിലും, സോഷ്യൽ മീഡിയ ഉൾപ്പെടെ പലയിടത്തും വരുന്ന വാർത്തകൾ സംഗതികൾ ഞാൻ വായിക്കാറുണ്ട് കേൾക്കാറുണ്ട് കാണാറുണ്ട്. അങ്ങനെ ഞാൻ ആ ഡിബേറ്റ് വീഡിയോയിൽ കണ്ടപ്പോൾ ആകർഷിക്കപ്പെട്ട്, എൻറെ മൈൻഡ് ചെയ്ഞ്ച് ചെയ്തു . ഞാനടക്കം ഞങ്ങൾ കുറെ പേർ ടീം യുണൈറ്റിനു വേണ്ടി വോട്ട് ചെയ്തു എന്ന വസ്തുതയും ഇവിടെ പറയട്ടെ. ഇന്നിവിടെ ഈ മലയാളിയിൽ വന്ന ഒരു വാർത്ത ഞാൻ കണ്ടു '. ആരൊക്കെ എവിടെ നിന്നൊക്കെയോ കുറെ മഹാരഥന്മാരെ ഒക്കെ തെരഞ്ഞെടുക്കപ്പെട്ടു എന്ന്. ആരാണീ മഹാരഥന്മാരെ തെരഞ്ഞെടുത്തത്? എവിടെ നിന്ന് അവരൊക്കെ മഹാരഥന്മാരായി കേറിപ്പോയി എന്ന് ഒരു പിടിയും ഇല്ല. ഏതായാലും ടീം യുണൈറ്റഡിൽ നിന്നും തെരഞ്ഞെടുക്കപ്പെട്ടവരും മഹാരഥന്മാർ തന്നെ. അവർക്ക് ആശംസകൾ നേരുന്നു. തോറ്റവർക്കും എൻറെ ആശംസകൾ നേരുന്നു. വീണ്ടും പറയട്ടെ ഞാൻ വലിയ അസോസിയേഷൻ പ്രേമി ഒന്നുമല്ല വല്ലപ്പോഴും വരും വോട്ട് ചെയ്യും. അത്രയൊക്കെ തന്നെ.

Varghese Mathew 2025-12-16 21:17:06

എൻറെ ഒരു അടുത്ത ബന്ധു ഹാർമണി ടീമിൻറെ ബാനറിൽ കമ്മറ്റിയിലേക്ക് മത്സരിച്ചിരുന്നു. പുള്ളിക്കാരൻ ജയിക്കാൻ തക്കതായ ഒരു പിന്തുണ ഉണ്ടെന്നായിരുന്നു പലരും പറഞ്ഞത്. ഇലക്ഷൻ ദിവസവും ഹാർമണി ടീമും നല്ല ഷെഡ് എല്ലാം കെട്ടി അവിടെ വന്നിരുന്ന വോട്ടേഴ്സിന് ബ്രേക്ക് ഫാസ്റ്റ്, ഉച്ചഭക്ഷണം, വൈകുന്നേരം ലഘുഭക്ഷണം എല്ലാം കൊടുത്തിരുന്നു. ഹാർമണി ടീമിൻറെ ഭക്ഷണം കഴിച്ചിട്ട് അവരിൽ ഭൂരിഭാഗവും പോയി യുണൈറ്റഡ് ടീമിനെ വോട്ട് കുത്തിയത് ശരിയായില്ല. തീറ്റ ഇവിടെയും, കൂർ അവിടെയും എന്നുള്ള രീതിയിൽ ഒരു ചതിയായിപ്പോയി. Team United - ഇവരും വന്ന വോട്ടേഴ്സിന് ലഘു ഭക്ഷണം വിതരണം ചെയ്തിരുന്നു. ചില വോട്ടർമാർ രണ്ടിടത്തും പോയി പുട്ടടിച്ചു അല്ലെങ്കിൽ ഭക്ഷണം കഴിച്ചു. എന്നാൽ ടീം ഹാർമണിക്ക് അല്പം ജാഡയും, പലതരത്തിലും അവരുടെ നിലപാടുകളും പ്രചരണ തന്ത്രങ്ങളും പാളിയെന്ന്, ഹാർമണി ടീമിൽ മത്സരിച്ച എൻറെ ബന്ധു അവസാനം സമ്മതിച്ചു. അപ്രകാരം ഇനി ഹാർമണി ടീമിൻറെ ബാനറിൽ ഒരിടത്തും പോയി മത്സരിക്കുന്നില്ല. ആ ബാനറിൽ പെട്ട നേതാക്കന്മാരുടെ നിലപാടാണ് താങ്കളെ തോൽപ്പിച്ചതെന്ന് Harmoney ടീമിലെ മറ്റു പല അംഗങ്ങളും പറയുകയുണ്ടായി. Harmony ടീമിൽ പെട്ട എൻറെ ബന്ധു കാല് മാറി ഏതെങ്കിലും തരത്തിൽ യുണൈറ്റഡ് ടീമിൻറെ ബാനറിൽ കയറിപ്പറ്റാൻ ശ്രമിക്കുകയാണെന്ന് എന്നോട് പറഞ്ഞു. നമ്മുടെ കേരളത്തിലെ ഇലക്ഷനിൽ ജോസ് കെ മാണി ടീം പരാജയപ്പെട്ടപ്പോൾ -, അതായതിപ്പോൾ ജോസ് കെ മാണി ടീമിലെ ഏതാണ്ട് 75 ശതമാനം ആൾക്കാരും യുഡിഎഫ് ടീമിലേക്ക് എങ്ങനെയെങ്കിലും കയറിപ്പറ്റാൻ ശ്രമിക്കുന്നുണ്ടല്ലോ. അതും ഇതുമായി ശരിയായ ഒരു കമ്പാരിസൺ ഇല്ലെങ്കിലും മലയാളികൾ അല്ലേ ജയിക്കുന്നിടത്തേക്ക് ആണല്ലോ ഉരുണ്ട് കയറാൻ ശ്രമിക്കുന്നത്. യുണൈറ്റഡ് ടീം തുറന്ന മനസോടെ എണ്ണയിട്ട് യന്ത്രം മാതിരി പ്രവർത്തിച്ചു, അവർ ഡിബേറ്റ് ഫോറത്തിലും പോയി വളരെ ശക്തമായി അവരുടെ ആശയങ്ങൾ അവതരിപ്പിച്ചു. . അവരെല്ലാവരും തന്നെ ഹാർമണി ടീമിൻറെ ഇരട്ടി ഓട്ടു നേടിയാണ് വിജയിച്ചത് എന്ന് മേലുദ്ധരിച്ച റിപ്പോർട്ട് പറയുന്നു.

മലയാളികളുടെ സ്വഭാവം 2025-12-16 23:14:50

ഇതിപ്പോൾ, മണി ആശാൻ പറഞ്ഞതുപോലെ ആയല്ലോ. ഹാർമണി ടീമിന്റെ നക്കിയിട്ടു, യുണൈറ്റഡ്ന് വോട്ട് ചെയ്തു. മലയാളികുലൂടെ സ്വഭാവം.

Nainaan Mathullah 2025-12-17 14:07:29

I believe there were some traitors in the Harmony Team that advised leadership not to participate in the debate that boomeranged. Besides, very sensitive campaign information asking for votes based on a community was leaked out, and was viral that backfired for the Harmony team. It is not right to ask for votes based on community or race.

Mathew Karmani 2025-12-17 19:50:54

ലോകം ഇവിടം കൊണ്ട് അവസാനിക്കുന്നില്ലല്ലോ. ഇത്തവണ ഭരണം അവന്മാർ കൊണ്ടുപോയി. അടുത്തകൊല്ലം ഹാർമണി ടീം അല്ലെങ്കിൽ വേറൊരു പേരിൽ ഞങ്ങൾ രംഗത്ത് വരും. ഞങ്ങൾക്ക് ഒരു മലയാളി എലെക്ട്ഡ് ഓഫീസേഴ്സ് പിന്തുണ ആവശ്യമില്ല. ഒരു മതമേധാവികളുടെയും പിന്തുണ ആവശ്യമില്ല. ഇത്തവണ അവരുടെയൊക്കെ പിറകെ പോയതായി ഞങ്ങൾ തോൽവി ഏറ്റുവാങ്ങി. അടുത്ത പ്രാവശ്യം ഞങ്ങൾ തനി Secular Team എന്ന രീതിയിൽ മാത്രം മത്സരിക്കും. ഏതൊരാളുടെ പ്രസ് കോൺഫറൻസ് വിളിച്ചാലും ഞങ്ങൾ പോകും, ഏതൊരാൾക്കും ഉത്തരം കൊടുക്കും. ഏതു ഡിബേറ്റിനും ഓപ്പൺ ഫോറത്തിനും ഞങ്ങൾ പോകും. ഡിബേറ്റിനും മറ്റും ഞങ്ങൾ അതിശക്തിയായി വാദിക്കും ഉത്തരം കൊടുക്കും, എതിർശക്തികളെ ഞങ്ങൾ യുക്തിപരമായ ഉത്തരം കൊണ്ട് വീർപ്പുമുട്ടിക്കും. ഞങ്ങൾക്ക് ഒരു എതിർ ശക്തികളെയും ഭയപ്പെട്ട് ഓടുകയില്ല. ഇപ്രാവശ്യത്തെ തോൽവിയിൽ നിന്ന് ഞങ്ങൾ പലതും പഠിച്ചു. അടുത്ത പ്രാവശ്യം ഞങ്ങൾ ഭരണം പിടിച്ചിരിക്കും. ഡബിൾ ഡിജിറ്റ അല്ല ത്രിബിൾ ഡിജിറ്റ് ഭൂരിപക്ഷത്തിൽ ഞങ്ങൾ ജയിച്ചിരിക്കും. അല്ലെങ്കിൽ കാത്തിരുന്ന് നോക്കിക്കോ?. ഞങ്ങളിപ്പോഴേ ഞങ്ങളുടെ പ്രചാരണം അല്ലെങ്കിൽ കാമ്പയിൻ ആരംഭിക്കുകയാണ്. നേരായ മാർഗ്ഗം നേരായ ഫൈറ്റ്, ഒത്തുപിടിച്ചാൽ മലയും പോരും. ഹാർമണി ടീം അല്ല ഞങ്ങളുടെ. ഞങ്ങളുടെ ലീഡേഴ്സിന് ഞങ്ങൾ മാറ്റി. അത് മാതിരി ഞങ്ങളുടെ ടീമിൻറെ പേരും മാറ്റി. ' . ഞങ്ങൾടെ ടീമിൻറെ പേരാണ് " കർമ്മണി ടീം' അതായത് കർമ്മം ചെയ്യുന്നവരുടെ ടീം. അധ്വാനിക്കുന്നവരുടെ team. FOMA - FOKANA ഒന്നും ഞങ്ങളുടെ പ്രശ്നം അല്ല. ഞങ്ങളുടെ സംഘടന ഈ ഫോമ പൊക്കാനാ World മലയാളി തുടങ്ങിയ എല്ലാ അസോസിയേഷനെക്കാളും ആസ്തികൊണ്ടും പ്രവർത്തനം കൊണ്ടും എല്ലാം മുന്നിലാണ് നമ്പർ വൺ ആണ്. FOMA - Fokana വേൾഡ് മലയാളി ഒക്കെ ഞങ്ങളുടെ വെറും ആശ്രിതർ മാത്രമാണ്.

മാഗ് (MAGH) തെരഞ്ഞെടുപ്പിൽ 'ടീം യുണൈറ്റഡിന്' ചരിത്ര വിജയം; റോയി മാത്യു പ്രസിഡന്റ്

PATHRANGAL

US WEBSITES

EMalayalee Available in MediaAppUSA