അസമിൽ 10 മില്യണിലധികം വരുന്ന മുസ്ലിംകൾ നേരിടുന്ന ദുരിതങ്ങൾ തുറന്നു കാട്ടുന്ന മിഡിൽ ഈസ്റ്റ് മോണിറ്ററിന്റെ ഡോക്യുമെന്ററി ഉയർത്തുന്ന വിഷയങ്ങളിൽ ഇന്ത്യൻ അമേരിക്കൻ മുസ്ലിം കൗൺസിൽ (ഐഎഎംസി) കടുത്ത ആശങ്ക ഉയർത്തി.

അസമിൽ മുസ്‌ലിംകളെ കൂട്ടമായി അറസ്റ്റ് ചെയ്യുന്നുവെന്നും പള്ളികളും വീടുകളും പൊളിക്കുന്നുവെന്നും ഡോക്യുമെന്ററി തുറന്നു കാട്ടുന്നു. അന്യായമായി തടവിൽ വച്ചു പീഡിപ്പിക്കുന്നതും പതിവാണ്.

മതപീഡനം വ്യക്തമാണ്. സമുദായത്തെ മുഴുവൻ കുറ്റവാളികളായി ചിത്രീകരിക്കാനും ഒറ്റപ്പെടുത്താനുമാണ് ശ്രമമെന്ന് ഐഎഎംസി ചൂണ്ടിക്കാട്ടി.

ഭരണ ബി ജെ പി നേതാക്കൾ നടത്തുന്ന പ്രകോപനപരമായ പ്രസംഗങ്ങൾ പ്രതിസന്ധിയുടെ ആഴം കൂട്ടുന്നു. മുഖ്യമന്ത്രി ഹിമന്ത ബിശ്വ ശർമ മുസ്ലിങ്ങളെ നുഴഞ്ഞു കയറ്റക്കാർ എന്ന് ആവർത്തിച്ചു വിളിക്കുന്നു, പുറത്താക്കുമെന്നു ഭീഷണി മുഴക്കുന്നു.

അത്തരം പ്രസ്താവങ്ങൾ ഇസ്ലാം വിദ്വേഷം പരത്തുക മാത്രമല്ല അക്രമവും ഗവൺമെന്റ് നയിക്കുന്ന അടിച്ചമർത്തലും ന്യായീകരിക്കാൻ കൂടി ലക്ഷ്യമിട്ടുള്ളതാണ്.

പൗരത്വ റജിസ്റ്ററും നിയമ ഭേദഗതിയും എണ്ണമറ്റ മുസ്ലിങ്ങളെ ദീർഘകാലം ജയിലിൽ അടയ്ക്കാൻ ലക്‌ഷ്യം വച്ചുളളതാണെന്നു ഐഎഎംസി പറഞ്ഞു.

ഇസ്ലാം വിദ്വേഷം ഇന്ത്യയൊട്ടാകെ കൂടിവരുമ്പോൾ അസമിലെ മുസ്ലിങ്ങളുടെ അവസ്ഥ ഞെട്ടിക്കുന്നതാണെന്നു സംഘടനയുടെ എക്സിക്യൂട്ടീവ് ഡയറക്റ്റർ റഷീദ് അഹ്മദ് പറഞ്ഞു. "അസമിൽ മനുഷ്യാവകാശങ്ങൾ ഇല്ലാതാവുന്നത് അന്താരാഷ്ട്ര സമൂഹം അടിയന്തരമായി കാണേണ്ടതുണ്ട്."

IAMC raises Assam persecutions

https://www.youtube.com/watch?v=yADzeDKn030