സണ്ണിവെയ്ൽ (ഡാളസ്): ഇന്ന് (ഏപ്രിൽ 15 ചൊവ്വാഴ്ച) വൈകുന്നേരം 7:00 മണിക്ക് സണ്ണിവെയ്ൽ ടൗൺ ഹാളിൽ മേയർ കാൻഡിഡേറ്റ് ഫോറം സംഘടിപ്പിക്കുന്നു . നിലവിലെ മേയറും മലയാളിയുമായ സജി ജോർജും, ആദ്യമായി മത്സരരംഗത്തെത്തിയ പോൾ കാഷും ആണ് മാറ്റുരക്കുന്നത്. തുടര്‍ച്ചയായി രണ്ടു തവണ മേയറായി തിരഞ്ഞെടുക്കപ്പെടുന്ന ആദ്യ മലയാളിയായ സജി ജോർജിന് ഇതു മൂന്നാം ഊഴമാണ്.

ഏപ്രിൽ 22 നാണു ഏർളി വോട്ടെടുപ്പ് ആരംഭിക്കുന്നത്.

മേയർ എന്ന നിലയിൽ, പൊതു സുരക്ഷ, കുടുംബ സൗഹൃദ സൗകര്യങ്ങൾ എന്നിവ വികസിപ്പിക്കുന്നതിന് എയ്‌റോസ്‌പേസ് എഞ്ചിനീയറിംഗിലെ പശ്ചാത്തലവും, എം‌ബി‌എയും, 25 വർഷത്തിലധികം നേതൃത്വ പരിചയവും, നമ്മുടെ സമൂഹത്തിന് യഥാർത്ഥ ഫലങ്ങൾ നൽകുന്നതിനു സഹായകരമാകുമെന്നു സജി ജോർജ് പുറത്തിറക്കിയ പ്രസ്താവനയിൽ പറയുന്നു

പോലീസ് ഡിപ്പാർട്ട്മെന്റ് സ്ഥാപിക്കുന്നതിനും, പുതിയ ഫയർ സ്റ്റേഷൻ ഉൾപ്പെടെ ഫയർ & എമർജൻസി സർവീസുകൾ ശക്തിപ്പെടുത്തുന്നതിനും ജോബ്സൺ പാർക്കിലും വൈൻയാർഡ് പാർക്കിലും പുതിയ കായിക മേഖലകൾക്ക് അംഗീകാരം നൽകുന്നതിനും, പൊതു സുരക്ഷക്കും വേണ്ടി എപ്പോഴും പ്രവർത്തിക്കുമെന്നു സജി ജോർജ് പ്രസ്താവനയിൽ അറിയിച്ചു

അർപ്പണബോധമുള്ള ഭർത്താവ്, പിതാവ്, അഭിമാനിയായ സണ്ണിവെയ്ൽ നിവാസി എന്നീ നിലകളിൽ, വിശ്വാസത്തോടും സത്യസന്ധതയോടും നമ്മുടെ ചെറിയ പട്ടണത്തിന്റെ മനോഹാരിത സംരക്ഷിക്കുന്നതിനുള്ള ആഴമായ പ്രതിബദ്ധതയോടും കൂടി പ്രവർത്തിക്കുമെന്നും ഉറപ്പു നൽകിയിട്ടുണ്ട്

ടെക്‌സസ്സിലെ അതിവേഗം വളര്‍ന്നു കൊണ്ടിരിക്കുന്ന സിറ്റിയാണ് സണ്ണിവെയ്ല്‍. ഉന്നത നിലവാരം പുലര്‍ത്തുന്ന ഹൈസ്ക്കൂളുകളില്‍ ഒന്നാണ് സണ്ണിവെയ്ല്‍ ഐ.എസ്.ഡി. അപ്പാര്‍ട്ടുമെന്റും, ബസ്സ് സര്‍വ്വീസും അനുവദിക്കാത്ത സിറ്റി എന്ന ബഹുമതിയും സണ്ണിവെയ്ല്‍ സിറ്റി ഇതുവരെ നിലനിർത്തിയിട്ടുണ്ട്.