Best Online News Websites In US | Live Malayalam News Online

തൃശൂര്‍ ജില്ലാ പ്രവാസി കൂട്ടായ്മ സുലയ് ഏരിയ കമ്മിറ്റി പുനരധിവാസ പദ്ധതി പ്രഖ്യാപിച്ചു

തൃശൂര്‍ ജില്ല പ്രവാസി കൂട്ടായിമ സുലൈ ഏരിയ 50 അംഗങ്ങളെ ഉള്‍പ്പെടുത്തി കൊണ്ട് പുനരധിവാസ പായ്‌ക്കേജിന് തുടക്കം കുറിച്ചു. കമ്മിറ്റിയുടെ ജനറല്‍ ബോഡി യോഗം സെന്‍ട്രല്‍ കമ്മിറ്റി പ്രസിഡന്റ് റസാക്ക് ചാവക്കാട് ഉദ്ഘാടനം നിര്‍വഹിച്ചു.

സ്‌പോണ്‍സറുടെ പീഡനം മൂലം കഷ്ടത അനുഭവിച്ചിരുന്ന തൃശൂര്‍ സ്വദേശിക്ക് ടിക്കറ്റ് നല്‍കി

സ്‌പോണ്‍സറുടെ നിരന്തര പീഡനം മൂലം തൊഴിലെടുക്കാന്‍ പ്രയാസപ്പെടുകയും മറ്റു ജോലി ചെയ്യുന്നതിന് റിലീസ് നല്‍കാത്തതിനാലും കഷ്ടത അനുഭവിച്ചിരുന്ന തൃശൂര്‍ മറ്റം എളവള്ളി സ്വദേശി രായമ്മരക്കാര്‍ വീട്ടില്‍ അബൂബക്കര്‍ എന്ന ഷാജിക്ക് കെഎംസിസി തൃശൂര്‍ ജില്ലാ കമ്മിറ്റി സൗജന്യ ടിക്കറ്റും യാത്രയപ്പും നല്‍കി.

സ്‌നേഹതീരം വെബ്‌സൈറ്റ് ലോഞ്ചിംഗ് നിര്‍വഹിച്ചു

ദമാം മലപ്പുറം ജില്ലാ ഒഐസിസി നാട്ടില്‍ നടപ്പാക്കുന്ന സ്‌നേഹതീരം എന്ന പേരിലുള്ള ജീവകാരുണ്യ പ്രവര്‍ത്തനങ്ങള്‍ക്കായി വെബ്‌സൈറ്റ് സംവിധാനം ഒരുക്കി. ദമാമില്‍ സംഘടിപ്പിച്ച പരിപാടിയില്‍ ഒഐസിസി ഗ്ലോബല്‍ കമ്മറ്റിയംഗവും ദമാം സോണ്‍ മുഖ്യരക്ഷാധികാരി കൂടിയായ അഹ്മദ് പുളിക്കല്‍ വെബ്‌സൈറ്റിന്റെ ലോഞ്ചിംഗ് നിര്‍വഹിച്ചു.

റോസമ്മ പുന്നൂസിന്റെ നിര്യാണത്തില്‍ അനുശോചിച്ചു

കേരള രാഷ്ട്രീയത്തിലെ തലമുതിര്‍ന്ന വനിതാ നേതാവും സംസ്ഥാന നിയമസഭയുടെ പ്രഥമ പ്രോട്ടേം സ്പീക്കറുമായിരുന്ന റോസമ്മ പുന്നൂസിന്റെ നിര്യാണത്തില്‍ അല്‍കോബാര്‍ കെഎംസിസി സെന്‍ട്രല്‍ കമ്മിറ്റിയും റാക്ക യൂണിറ്റും അനുശോചനം രേഖപ്പെടുത്തി.

നന്മ വിരിയിക്കുന്ന രക്ഷിതാക്കള്‍' എംജിഎം കാമ്പയിന് ഉജ്വല സമാപനം

നന്മ വിരിയിക്കുന്ന രക്ഷിതാക്കള്‍ എന്ന ശീര്‍ഷകത്തില്‍ ഖത്തര്‍ ഇന്ത്യന്‍ ഇസ്‌ലാഹി സെന്റര്‍ വനിതാവിഭാഗമായ എംജിഎം ഖത്തര്‍ സംഘടിപ്പിച്ച ദൈ്വമാസ കാമ്പയിന്‍ സമാപിച്ചു. രക്ഷാകര്‍ത്യത്വം ഗൗരവപൂര്‍വം നിര്‍വഹിക്കേണ്ട ഒരു ഉത്തരവാദിത്വമാണെന്ന തിരിച്ചറിവ് നല്‍കിക്കൊണ്ടാണ് ബിന്‍മഹ്മൂദിലെ ഹംസ ബിന്‍ അബ്ദുള്‍ മുത്തലിബ് സ്‌കൂളില്‍ നടന്ന സമാപനസമ്മേളനത്തിന് തിരശീല വീണത്. പരിപാടിയില്‍ ആയിരത്തോളം ആളുകള്‍ പങ്കെടുത്തു.

കണ്ണമംഗലത്തെ മാതൃകാ പഞ്ചായത്താക്കി മാറ്റും: ആലുങ്ങല്‍ മുഹമ്മദ്

വിവിധ മേഖലകളില്‍ പഞ്ചായത്തിന്റെയും പഞ്ചായത്ത് നിവാസികളുടെയും ഉന്നമനത്തിനു വേണ്ടി കണ്ണമംഗലത്ത് കക്ഷിമതരാഷ്ട്രീയങ്ങള്‍ക്കതീതമായ കൂട്ടായ്മ രൂപീകരിച്ച് പ്രവര്‍ത്തിക്കുമെന്ന് സൗദിയിലെ കണ്ണമംഗലം കൂട്ടായ്മയുടെ ചെയര്‍മാനും പ്രമുഖ വ്യവസായിയുമായ ആലുങ്ങല്‍ മുഹമ്മദ് പറഞ്ഞു. പഞ്ചായത്തില്‍ നടപ്പിലാക്കുന്ന 'മാതൃകാ ഗ്രാമം' എന്നാ പദ്ധതിയുമായി ബന്ധപ്പെട്ട് ജിദ്ദയിലെ കണ്ണമംഗലം കൂട്ടായ്മ സംഘടിപ്പിച്ച ചര്‍ച്ച ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കണ്ണമംഗലം പഞ്ചായത്തിനെ കേരളത്തിലെ മാതൃകാ പഞ്ചായത്താക്കി മാറ്റുകയാണ് പദ്ധതിയുടെ ലക്ഷ്യം.

ജിദ്ദ നവോദയ കായിക മാമാങ്കം സമാപിച്ചു

നവോദയ സില്‍വര്‍ ജൂബിലി സമാപനത്തോടെ അനുബന്ധിച്ച് വര്‍ണശബളമായ കായിക മേള സംഘടിപ്പിച്ചു. അല്‍ സാമര്‍ ഡിസ്ട്രിക്ടിലെ അല്‍ നകീല്‍ ഗ്രൗണ്ടില്‍ പ്രത്യേകം സജ്ജമാക്കിയ വേദിയില്‍ ആയിരുന്നു കായിക മേള നടന്നത്.

സി.വി മുഹമ്മദ് നവാസിന് സ്വീകരണം നല്‍കി

ഹൃസ്വസന്ദര്‍ശനാര്‍ഥം യുഎഇ സന്ദര്‍ശനത്തിനെത്തിയ പൊന്നാനി സിറ്റി വെല്‍ഫെയര്‍ ഫോറം കേന്ദ്രമാക്കി ജനറല്‍ സെക്രട്ടറി സി.വി മുഹമ്മദ് നവാസിന് സ്വീകരണം നല്‍കി.

സമന്വയം സാഹിതി പുരസ്‌കാരം 2014' ജോസഫ് അതിരുങ്കലിനും അഫീദ ഫെര്‍മിസിനും

ഖത്തറിലെ പ്രമുഖ സാമൂഹ്യ, സാംസ്‌കാരിക സംഘടനയായ സമന്വയം,പ്രവാസി എഴുത്തുകാര്‍ക്കും ഖത്തറിലെ സ്‌കൂള്‍ വിദ്യാര്‍ഥികള്‍ക്കുമായി ഏര്‍പ്പെടുത്തിയ 'സമന്വയം സാഹിതി പുരസ്‌കാരം' പ്രഖ്യാപിച്ചു. ജോസഫ് അതിരുങ്കലിന്റെ 'ഇണയന്ത്രം' എന്ന കഥയ്ക്കാണ് 2014 ലെ സമന്വയം സാഹിതി പുരസ്‌കാരം. മലയാളത്തിലെ പ്രശസ്ത എഴുത്തുകാരായ സി.രാധാകൃഷ്ണന്‍, അഷ്ടമൂര്‍ത്തി, പി.വത്സല എന്നിവരടങ്ങിയ വിദഗ്ധസമിതിയാണ് സമ്മാനാര്‍ഹമായ കഥ തെരെഞ്ഞെടുത്തത്. ആറു ഗള്‍ഫ് രാജ്യങ്ങളില്‍നിന്നും ലഭിച്ച കഥകളില്‍നിന്നും ഏകകണ്ഠമായാണ് പുരസ്‌കാരജേതാവിനെ കണെ്ടത്തിയത്.

ദാവൂദ് അരീക്കോടിന് യാത്രയയപ്പ് നല്‍കി

പ്രവാസജീവിതം അവസാനിപ്പിച്ച് നാട്ടിലേക്ക് പോകുന്ന ദാവൂദ് അരീക്കോടിന് എടവണ്ണ പഞ്ചായത്ത് കെഎംസിസിയുടെ ഉപഹാരം പ്രസിഡന്റ് സക്കീര്‍ എടവണ്ണ നല്‍കി. ചടങ്ങില്‍ പഞ്ചായത്ത് ഭാരവാഹികളായ മുസ്തഫ എടവണ്ണ, നൗഷാദ് വല്ലാരംപാറ, സുനീര്‍ കെ.പി, ബാബു എടവണ്ണ, ഹബീബ് കാഞ്ഞിരാല, ഷാഫി ഒതായി, ഇഷാഖ് കുണ്ടുതോട് എന്നിവര്‍ സന്നിഹിതരായിരുന്നു.

പി.എം. സാദിഖിന് യാത്രയയപ്പ് നല്‍കി

ജോലി ആവശ്യാര്‍ഥം അബുദാബിയിലേക്ക് സ്ഥലം മാറിപ്പോകുന്ന മുന്‍ സിഫ് സെക്രട്ടറി പി.എം. മുഹമ്മദ് സാദിഖ് വണ്ടൂരിന് സിഫ് യാത്രയയപ്പ് നല്‍കി. ഇംപാല വി.യി. ചേര്‍ യോഗത്തി. പ്രസിഡ് ഹിഫ്‌സുറഹ്മാന്‍ അധ്യക്ഷത വഹിച്ചു. ജനറല്‍ സെക്രട്ടറി നാസര്‍ ശാന്തപുരം സ്വാഗതം ആശംസിച്ചു. നിസാം മമ്പാട്, നജീബ് നീലാമ്പ്ര, സലീം പുത്തന്‍, മുഹമ്മദ് സുധീര്‍, മുഹമ്മദലി മുസ്‌ലിയാരകത്ത്, അബ്ദുള്‍ സലാം (എസിസി) സാലിഹ് ബറാമി, സാദിഖ് എടക്കാട്, സുള്‍ഫീക്കര്‍ മാട്ടുമ്മല്‍, ഷബീര്‍ ആലിലാവ, മന്‍സൂര്‍, ഉസ്മാന്‍ ഇരുമ്പുഴി, അബ്ദുറഹ്മാന്‍ വൂര്‍, നിസാം പാപ്പറ്റ, സുലൈമാന്‍ മണുരായി, മുഹമ്മദ് നജീബ് (മുത്തു) തുടങ്ങിയവര്‍ ആശംസകള്‍ നേര്‍ന്നു.

'എം-ഡിറ്റ്' സംഘം കുവൈറ്റ് സന്ദര്‍ശിക്കുന്നു

സാങ്കേതിക വിദ്യാഭ്യാസ രംഗത്ത് പിന്നോക്കം നില്‍ക്കുന്ന മേഖലയെ ഉയര്‍ത്തികൊണ്ടുവരുന്നതിനും സാമ്പത്തികമായി പിന്നോക്കം നില്‍ക്കുന്ന സാമര്‍ഥരായ വിദ്യാര്‍ഥികള്‍ക്ക് ഉയര്‍ന്ന വിദ്യാഭ്യാസം ലഭ്യമാക്കുക എന്ന ലക്ഷ്യം മുന്‍ നിര്‍ത്തി 2008 ല്‍ പ്രവര്‍ത്തനം കോഴിക്കോട് ഉള്ള്യേരിയില്‍ പ്രവര്‍ത്തനം ആരംഭിച്ച എം.ദാസന്‍ മെമ്മോറിയല്‍ ഇന്‍സ്റ്റിറ്റിയൂട്ട് ഓഫ് എന്‍ജിനിയറിംഗ് ഇന്‍ഫോര്‍മേഷന്‍ ടെക്‌നോളജിയുടെ പ്രവര്‍ത്തനം വിപുലീകരിക്കുന്നതിനു വേണ്ടിയുള്ള പ്രവര്‍ത്തനത്തില്‍ കുവൈറ്റിലെ മലയാളി പ്രവാസികളുടെ പങ്കാളിത്തം ഉറപ്പു വരുത്തുന്നതിനുവേണ്ടി മുന്‍ സംസ്ഥാന സഹകരണ ബാങ്ക് പ്രസിഡന്റും ങഉകഠ ചെയര്‍മാനുമായ എം.മെഹബൂബും അത്തോളി ബ്ലോക്ക് പഞ്ചായത്ത് പ്രസിഡന്റ് എ.കെ.മണിയും കുവൈറ്റ് സന്ദര്‍ശിക്കുന്നു.

'വെളിച്ചം' എട്ടാം ഭാഗം പരീക്ഷ ആരംഭിച്ചു

ഇന്ത്യന്‍ ഇസ്‌ലാഹി സെന്ററിനു കീഴില്‍ നടന്നു വരുന്ന ഖുര്‍ആന്‍ സമ്പൂര്‍ണ പഠന പദ്ധതിയായ വെളിച്ചം എട്ടാം ഭാഗം പരീക്ഷക്കുള്ള ചോദ്യ പേപ്പറും പാഠഭാഗവും പ്രസിദ്ധീകരിച്ചു.

കെഐജി ദൈ്വവാര്‍ഷിക ജനറല്‍ ബോഡി സമാപിച്ചു

ദ്വിവര്‍ഷ (2012-2013) പ്രവര്‍ത്തന കാലയളവിന് സമാപനം കുറിച്ചുകൊണ്ട ് കെഐജി ദൈ്വവാര്‍ഷിക ജനറല്‍ ബോഡി യോഗം ചേര്‍ന്നു. ജമാഅത്തെ ഇസ്‌ലാമി കേരള അമീര്‍ ടി. ആരിഫലി ജനറല്‍ ബോഡി യോഗം ഉദ്ഘാടനം ചെയ്തു. സത്യവും നീതിയും കടുത്ത വെല്ലുവിളികള്‍ നേരിടുകയും തിന്മയുടെ ശക്തികള്‍ ആധിപത്യം പുലര്‍ത്തുകയും ചെയ്യുന്ന സമകാലിക സാഹചര്യത്തില്‍ കാലഘട്ടത്തിന്റെ വെല്ലുവിളികള്‍ ഏറ്റെടുക്കാന്‍ കൂടുതല്‍ ത്യാഗസജ്ജരാകണമെന്ന് അദ്ദേഹം പറഞ്ഞു.

അബുദാബി സെന്റ് സ്റ്റീഫന്‍സ് യാക്കോബായ പള്ളിയില്‍ ക്രിസ്മസ് ആഘോഷിച്ചു

സെന്റ് സ്റ്റീഫന്‍സ് യാക്കോബായ പള്ളിയില്‍ ക്രിസ്മസ് ആഘോഷിച്ചു. സെന്റ് ആന്‍ഡ്രൂസ് ചര്‍ച്ചില്‍ നടന്ന ശുശ്രൂഷകള്‍ക്ക് ഇടവക വികാരി ജിബി വര്‍ഗീസ് നേതൃത്വം നല്‍കി. ക്രിസ്മസിന്റെ പ്രത്യേക പ്രാര്‍ഥനകളും തീജ്വാല ശുശ്രൂഷയും തുടര്‍ന്ന് വി. കുര്‍ബാനയും നാടന്‍ രീതിയില്‍ ഉള്ള ക്രിസ്മസ് കരോളും നടത്തി.

എട്ടാമത് മുജാഹിദ് സമ്മേളനം, പ്രചാരണ പ്രവര്‍ത്തനങ്ങള്‍ക്ക് കുവൈറ്റില്‍ തുടക്കമായി

എട്ടാമത് മുജാഹിദ് സംസ്ഥാന സമ്മേളനത്തിന്റെ കുവൈറ്റിലെ പ്രചാരണോദ്ഘാടനം ജലീബ് കമ്യൂണിറ്റി ഹാളില്‍ നടന്നു. കുവൈറ്റിലെ പ്രമുഖ ഇസ്‌ലാമിക പ്രബോധകനും ചിന്തകനുമായ ഡോ. സുലൈമാന്‍ അല്‍സഅദ് ഉദ്ഘാടനം നിര്‍വഹിച്ചു. 'മതം, മാനവികത, നവോത്ഥാനം' എന്ന സമ്മേളന പ്രമേയം കെ.ജെ.യു. സംസ്ഥാന ജനറല്‍ സെക്രട്ടറി ഡോ. ജമാലുദ്ദീന്‍ ഫാറൂഖി വിശദീകരിച്ചു. മനുഷ്യന്റെ ഭൗതിക ചിന്താ പ്രതിസന്ധികളുടെ ഉത്തരമാണ് ദൈവിക മതമായ ഇസ്‌ലാം മുന്നോട്ടു വയ്ക്കുന്നതെന്നും ആധുനികതയുടെ അതിപ്രസരത്തില്‍ സ്വത്വ ബോധം നഷ്ടപ്പെടുത്തുന്ന വികല ചിന്തകള്‍ക്കും സമസ്യകള്‍ക്കും പ്രതിരോധം തീര്‍ക്കാന്‍ ഇസ്‌ലാമിക അധ്യാപനങ്ങള്‍ ശക്തമാണെന്നും അദ്ദേഹം അഭിപ്രായപ്പെട്ടു.

റേഡിയോ മീയ്ക്കു ഫോക്കാന മാധ്യമ പുരസ്‌കാരം

ഫൊക്കാനയുടെ സാമുഹിക പ്രതിബദ്ധതയ്ക്കുള്ള മാധ്യമപുരസ്‌കാരം ദുബായിലെ റേഡിയോ മീ 100.3 എഫ്എമ്മിന് ലഭിച്ചു. രോഗങ്ങളും ബാധ്യതകളും കാരണം മറ്റുള്ളവരുടെ സഹായമില്ലാതെ ജീവിതംമുന്നോട്ടു കൊണ്ടുപോകാന്‍ സാധിക്കാത്തവരുടെ ദയനീയ അവസ്ഥ ശ്രോതാക്കളുടെ ശ്രദ്ധയില്‍പ്പെടുത്തുകയും അവരെ ജീവിത്തിലേക്ക് മടക്കികൊണ്ടുവരികയും ചെയ്യുന്ന പരിപാടിയാണ് അവാര്‍ഡിന് പരിഗണിക്കാന്‍ പ്രധാന കാരണമെന്ന് ഫൊക്കാന ഭാരവാഹികള്‍ പറഞ്ഞു.

ഐസിഎഫ് ചരിത്രപഠന സംഗമം നടത്തി

ഐസിഎഫ് കുവൈറ്റ് നാഷനല്‍ കമ്മിറ്റിയുടെ ആഭിമുഖ്യത്തില്‍ ചരിത്രപഠന സംഗമം സംഘടിപ്പിച്ചു. 'ആദര്‍ശത്തിന്റെ ചരിത്ര വായന' എന്ന ശീര്‍ഷകത്തില്‍ പ്രശസ്ത എഴുത്തുകാരനും ചരിത്ര ഗവേഷകനുമായ സ്വാലിഹ് നിസാമി പുതുപൊന്നാനി ക്ലാസെടുത്തു. ഐസിഫ് നാഷനല്‍ കമ്മിറ്റി ഓഡിറ്റോറിയത്തില്‍ നടന്ന പരിപാടിയില്‍ ആക്ടിംഗ് പ്രസിഡന്റ് അഹ്മദ് കെ. മാണിയൂര്‍ അധ്യക്ഷത വഹിച്ചു.

നിതാഖത്ത് തൊഴില്‍ മേഖലയെ ഗുണപരമായി സ്വാധീനിച്ചുവെന്ന് സൗദി തൊഴില്‍ മന്ത്രി

സ്വദേശിവത്കരണ പദ്ധതിയായ നിതാഖത്ത് സൗദിയിലെ തൊഴില്‍ മേഖലയെ ഗുണപരമായി സ്വാധീനിച്ചെന്ന് തൊഴില്‍ മന്ത്രി എന്‍ജി. ആദില്‍ ഫഖീഹ്. സ്വദേശിവത്കരണം ഊര്‍ജ്ജിതമാക്കാനും സ്വദേശികളുടെ ശമ്പളം ഉയര്‍ത്താനും സ്വദേശിവത്കരണം ത്വരിതപ്പെടുത്താനും നിതാഖത്ത് പരിഷ്‌കരണങ്ങള്‍ വഴി സാധിച്ചു. നിതാഖത്ത് പ്രകാരം പച്ച കാറ്റഗറിയിലുള്ള സ്ഥാപനങ്ങളുടെ എണ്ണം 81 ശതമാനത്തിലെത്തിയെന്നും ചുവപ്പും മഞ്ഞയും സ്ഥാപനങ്ങളുടെ എണ്ണം ഗണ്യമായി കുറഞ്ഞെന്നും മന്ത്രി പറഞ്ഞു. നിലവില്‍ ആറു ശതമാനം സ്ഥാപനങ്ങള്‍ മാത്രമാണ് ചുവപ്പ് കാറ്റഗറിയിലുള്ളത്.

യുഎഇ കെഎംസിസിയുടെ അധ്യക്ഷന്‍ ജനാബ് ഡോ പുത്തൂര്‍ റഹ്മാന്റെ മൂത്ത പുത്രന്‍ കടലില്‍ മുങ്ങി മരിച്ചു

യുഎഇ കെഎംസിസിയുടെ അധ്യക്ഷന്‍ ജനാബ് ഡോ പുത്തൂര്‍ റഹ്മാന്റെ മൂത്ത പുത്രന്‍ അമീന്‍ അബ്ദുറഹ്മാന്‍ (22) ഫുജേറയില്‍ മരിച്ചു. ദുബായ് അമേരിക്കന്‍ യൂണിവേര്‍ഴ്‌സിറ്റി എം.ബി.എ വിദ്യാര്‍ഥിയാണ്. ഫുജേറ കടലില്‍ കുളിക്കാന്‍ ഇറങ്ങിയപ്പോളാണ് അപകടത്തില്‍പെട്ടത്. മൃതദേഹം നാട്ടിലേക്ക് കൊണ്ട് പോകുന്നതിനുള്ള നടപടി ക്രമങ്ങള്‍ നടന്നു വരുന്നു. മൃതദേഹം ഫുജേറ ഹോസ്പ്പിറ്റല്‍ മോര്‍ച്ചറിയില്‍ സൂക്ഷിച്ചിരിക്കുകയാണ്.

ഇന്ത്യ ഇന്റര്‍നാഷണല്‍ സ്‌കൂള്‍ സ്‌പോര്‍ട്‌സ് മീറ്റ് നടത്തി

ഇന്ത്യ ഇന്റര്‍നാഷണല്‍ സ്‌കൂള്‍ ആറാമത് സ്‌പോര്‍ട്‌സ് മീറ്റ് നടത്തി. വിദ്യാര്‍ഥികളുടെയും രക്ഷിതാക്കളുടേയും അധ്യാപകരുടേയും ആവേശ തിമര്‍പ്പില്‍ ഇന്ത്യന്‍ സ്ഥാനപതി സുനില്‍ ജയിന്‍ മീറ്റ് ഉദ്ഘാടനം ചെയ്തു.

ഇന്ത്യ ഫ്രട്ടേണിറ്റി ഫോറം കേരള ചാപ്റ്റര്‍ ആരോഗ്യ ബോധവത്കരണ ക്യാമ്പ് സംഘടിപ്പിക്കുന്നു

ആരോഗ്യ സംരക്ഷണത്തിന്റെ പ്രാധാന്യം പ്രവാസി ഇന്ത്യക്കാരില്‍ എത്തിക്കുന്നതിന്റെ ഭാഗമായി ഇന്ത്യ ഫ്രട്ടേണിറ്റി ഫോറം കിഴക്കന്‍ പ്രവിശ്യാ കേരള ചാപ്റ്റര്‍ 'ഹെല്‍ത്തി ലൈഫ്, ഹാപ്പി ലൈഫ്' (ആരോഗ്യമുള്ള ജീവിതം; സന്തുഷ്ട ജീവിതം) എന്ന പേരില്‍ ഡിസംബര്‍ 25 മുതല്‍ ഒരു മാസം ആരോഗ്യ ബോധവത്കരണ കാമ്പയിന്‍ സംഘടിപ്പിക്കുന്നു. ആതുര സേവന രംഗത്ത് ശ്രദ്ധേയരായ സഫ്‌വയിലെ സലാമതക് മെഡിക്കല്‍ സെന്ററാണ് പരിപാടിയുടെ മുഖ്യ പ്രായോജകര്‍.

ദമാമില്‍ കെഎംസിസി 'ബാലറ്റ് 2014 ആന്‍ഡ് ഫ്യൂച്ചര്‍' ഇന്ത്യ ദേശീയ സംഗമം ശ്രദ്ധേയമായി

ഭാരതത്തിന്റെ അഖണ്ഡതയും ഐക്യവും നാനാത്വത്തിലുള്ള ഏകത്വവും ലോകത്തിന് മാതൃകയായത് കരുത്തുറ്റ ജനാധിപത്യവും അത് പരിപാലിച്ച് ഭരണം നടത്തിയ സച്ചരിതരായ ദേശീയ നേതാക്കളുമാണെന്നും മതേതരത്വവും ഭരണഘടന ന്യൂനപക്ഷങ്ങള്‍ക്ക് വകവച്ച് നല്‍കിയ അര്‍ഹമായ പ്രാതിനിധ്യം അതിന്റെ സവിശേഷതയാണെന്നും കെഎംസിസി ദേശീയ സെമിനാര്‍ അഭിപ്രായപ്പെട്ടു.

നവോദയ - നെസ്‌റ്റോ ചിത്രരചനാ മത്‌സരം നടത്തി

റിയാദ് നവോദയയുടെ നെസ്‌റ്റോ ഹൈപ്പര്‍ മാര്‍ക്കറ്റും ചേര്‍ന്ന് ഡിസംബര്‍ 20ന് (വെള്ളി) നെസ്‌റ്റോയില്‍ നടത്തിയ ചിത്ര രചനാ മത്‌സരത്തില്‍ വിവിധ ഇന്ത്യന്‍ സ്‌കൂളുകളില്‍ നിന്ന് 911-ലധികം കുട്ടികള്‍ പങ്കെടുത്തു. അസീസിയിലെ നസ്‌റ്റോ - ഗാര്‍ഡനിയാ മാളിലാണ് മത്‌സരങ്ങള്‍ നടന്നത്. എല്‍.കെ.ജി മുതല്‍ 23-ാം ക്ലാസ് വരെയുള്ള വിദ്യാര്‍ഥികളെ എട്ടു ഗ്രൂപ്പുകളായി തിരിച്ചാണ് മത്‌സരം നടത്തിയത്. അഞ്ചാം ക്ലാസ് വരെയുള്ള വിദ്യാര്‍ഥികള്‍ക്ക് പെന്‍സിലോ. ക്രയോണ്‍സോ ഉപയോഗിച്ച് ഇഷ്ടമുള്ള ചിത്രങ്ങള്‍ വരയ്ക്കാനുള്ള സ്വാതന്ത്ര്യവും ആവശ്യാനുസരണം സമയവും അനുവദിച്ചിരുന്നു. കൂടുതല്‍ കുട്ടികളും മരങ്ങളും കൃഷിയിടങ്ങളും അടങ്ങുന്ന ഗ്രാമീണ ചാരുതയാണ് പേപ്പറില്‍ പകര്‍ത്തിയത്. മരുഭൂമിയില്‍ കഴിയുമ്പോഴും പ്രവാസി കുട്ടികളുടെ മനസിലും നാടും വീടും ഗ്രാമവും നദികളും പൂക്കളും തന്നെയാണ് നിറയുന്നത്.

ഒഐസിസി തിരുവനന്തപുരം ജില്ലാ അംഗത്വ കാമ്പയിന്‍ ആരംഭിക്കും

ഇന്ത്യന്‍ കള്‍ച്ചറല്‍ കോണ്‍ഗ്രസ്, തിരുവനന്തപുരം ജില്ലയില്‍ ആരംഭിച്ച മെംബര്‍ഷിപ്പ് കാമ്പയിനോടനുബന്ധിച്ച് യുണൈറ്റഡ് ഇന്ത്യന്‍ സ്‌കൂളില്‍ നടന്ന മീറ്റിംഗില്‍ തിരുവനന്തപുരം ജില്ലാ കമ്മിറ്റി ചെയര്‍മാന്‍ ജോയി ജോണ്‍ തുരുത്തിക്കര അധ്യക്ഷത വഹിച്ചു.

രണ്ടു പതിറ്റാണ്ടിന്റെ പ്രവാസത്തിന് വിട; ഫൈസി നാട്ടിലേക്ക്

മക്കയിലെ മത, സാമൂഹിക രംഗത്ത് നിറ സാന്നിധ്യമായ എല്‍.കെ മൊയ്തീന്‍ കുട്ടി ഫൈസി പെരുവള്ളൂര്‍ പ്രവാസം മതിയാക്കി നാട്ടിലേക്ക് മടങ്ങുന്നു. 92 ലാണ് ആദ്യമായി സൗദിയിലെത്തുന്നത്. കുറച്ചുകാലം ജിദ്ദയിലെ ഒരു പള്ളിയില്‍ സേവനം ചെയ്ത അദ്ദേഹം ചെറിയ ഇടവേളയ്ക്കുശേഷം മക്കയിലെത്തുകയായിരുന്നു.

ജിദ്ദ നവോദയ കായിക മേള ഡിസംബര്‍ 27ന്

ജിദ്ദ നവോദയ സില്‍വലര്‍ ജൂബിലി സമാപന പരിപാടികളുടെ ഭാഗമായി കായികമേള സംഘടിപ്പിക്കും. 27ന് ഒരുദിവസം മുഴുവന്‍ നീണ്ടുനില്‍ക്കുന്ന കായിക പരിപാടികള്‍ക്കാണ് രൂപം നല്‍കിയത്. അഞ്ച് വിഭാഗങ്ങളിലായാണ് മത്സരങ്ങള്‍. കുട്ടികള്‍ക്കുവേണ്ടി സബ് ജൂണിയര്‍ (നാലാം ക്ലാസ് വരെ), ജൂണിയര്‍ (5 മുതല്‍ 7 ക്ലാസ് വരെ), സീനിയര്‍ (8 മുതല്‍ 12 ക്ലാസ് വരെ). ആണ്‍കുട്ടികള്‍ക്കും പെണ്‍കുട്ടികള്‍ക്കും വെവ്വേറെയാണ് മത്സരം.

ദുബായ് സെന്റ് തോമസ് ഓര്‍ത്തഡോക്‌സ് കത്തീഡ്രലില്‍ ക്രിസ്മസ് ശുശ്രൂഷകള്‍ ഇന്ന്

ദുബായ്: ദുബായ് സെന്റ് തോമസ് ഓര്‍ത്തഡോക്‌സ് കത്തീഡ്രലില്‍

അബുദാബിയില്‍ അരങ്ങുണര്‍ന്നു ഇനി നാടക രാവുകള്‍

അബുദാബി കേരള സോഷ്യല്‍ സെന്ററില്‍ അഞ്ചാമത് ഭരത് മുരളി നാടകോല്‍സവത്തിന് തിരശീല ഉയര്‍ന്നു. ഇനി നാടക രാവുകളുടെ ദിനങ്ങള്‍ ആദ്യ ദിനം അബുദാബി കല അവതരിപ്പിച്ച മത്തി എന്ന നാടകം കാണാന്‍ നിറഞ്ഞ സദസ് ആയിരുന്നു. മറ്റ് എമിറേറ്റുകളില്‍ നിന്നും നൂറുകണക്കിനു നാടക പ്രേമികളാണ് നാടകം കാണാന്‍ എത്തിയത്. ജീനോ ജോസഫ് സംവിധാനം ചെയ്ത മത്തി എന്ന നാടകം അവതരണം കൊണ്ടും പുതുമ കൊണ്ടും പ്രേക്ഷക മനസില്‍ സ്ഥാനം പിടിച്ചു.

കൈരളി കള്‍ച്ചറല്‍ സെന്റര്‍ ക്രിസ്മസ് ആഘോഷിച്ചു

കൈരളി കള്‍ച്ചറല്‍ ഫോറം എന്‍പിസിസി അങ്കണത്തില്‍ വിവിധ പള്ളികളിലെ കരോള്‍ സംഘങ്ങള്‍ കരോള്‍ ഗാനങ്ങള്‍ ആലപിച്ചു. സെന്റ് ജോര്‍ജ് കത്തീഡ്രല്‍ വികാരി ഫാ. ചെറിയാന്‍ കെ. ജേക്കബ് ക്രിസ്മസ് കരോള്‍ സന്ദേശം നല്‍കി കേക്കു മുറിച്ച് ഉദ്ഘാടനം ചെയ്തു.

അബുദാബി സിഎസ്‌ഐ ഇടവകയുടെ ക്രിസ്മസ് കരോള്‍ സര്‍വീസ് നടത്തി

അബുദാബി സിഎസ്‌ഐ (മലയാളം) ഇടവകയുടെ ഈ വര്‍ഷത്തെ ക്രിസ്മസ് കരോള്‍ സര്‍വീസ് ഹൃദ്യമായി.

ദുബായില്‍ ഉത്രാടം തിരുനാള്‍ മാര്‍ത്താണ്ഡവര്‍മ്മ അനുസ്മരണം നടത്തി

തിരുവിതാംകൂര്‍ മലയാളി കൗണ്‍സിലിന്റെ ആഭിമുഖ്യത്തില്‍ ദുബായ് കെഎംസിസി ഹാളില്‍ ഉത്രാടം തിരുനാള്‍ മാര്‍ത്താണ്ഡവര്‍മ്മ അനുസ്മരണ സമ്മേളനം നടത്തി.

ഒഐസിസി കെ.കരുണാകരന്‍ അനുസ്മരണം ഡിസംബര്‍ 23ന്

ലീഡര്‍ കെ.കരുണാകരന്റെ മൂന്നാം ചരമ വാര്‍ഷികത്തോടനുബന്ധിച്ച് ഒഐസിസി റിയാദ് സെന്‍ട്രല്‍ കമ്മിറ്റിയുടെ നേത്യത്വത്തില്‍ കെ. കരൂണാകരന്‍ അനൂസ്മരണം സംഘടിപ്പിക്കുന്നു.

ബസേലിയോ-2014് : 2014 ജനുവരി മൂന്നിന്

സെന്റ് ഗ്രീഗോറിയോസ് ഇന്ത്യന്‍ ഓര്‍ത്തഡോക്‌സ് മഹാ ഇടവകയിലെ ആത്മീയ- ജീവകാരുണ്യപ്രസ്ഥാനമായ മാര്‍ ബസേലിയോസ് മൂവ്‌മെന്റിന്റെ 40-ാം വാര്‍ഷികവും പ്രസ്ഥാനത്തിന്റെ കാവല്‍പിതാവും മലങ്കര ഓര്‍ത്തഡോക്‌സ് സുറിയാനി സഭയുടെ മൂന്നാമത് കാതോലിക്കയുമായിരുന്ന ബസേലിയോസ് ഗീവര്‍ഗീസ് ദ്വിതീയന്‍ ബാവായുടെ 50-ാം ഓര്‍മ്മ പെരുന്നാളും കൊണ്ടാടുന്നു.

സൗദി ടൂറിസം ഫോട്ടോഗ്രാഫി മത്സരത്തില്‍ മലയാളിക്ക് രണ്ടാം സ്ഥാനം

വിവിധ രാജ്യക്കാരായ 1200 ഫോട്ടോഗ്രാഫര്‍മാര്‍ മത്സരിച്ച രാജ്യാന്തര ഫോട്ടോഗ്രഫി മത്സരത്തില്‍ മലയാളി ഫോട്ടോഗ്രാഫറും റിയാദ് ടാക്കീസ് എന്ന പ്രവാസി സംഘടനയുടെ പ്രവര്‍ത്തകനുമായ അബ്ദുറസാഖിന് രണ്ടാം സ്ഥാനം.

'ഇന്നലെയുടെ ഇശലുകള്‍' ഡിസംബര്‍ 27ന് ദുബായില്‍

മാപ്പിളപാട്ടിനെയും മാപ്പിള കലകളെയും ഇഷ്ടപ്പെടുന്നവരുടെ ഫെയ്‌സ് ബുക്ക് കൂട്ടായ്മയാണ് ഇശല്‍മാല ഫെയ്‌സ് ബുക്ക് ഗ്രൂപ്പ്. മാപ്പിളപാട്ടിന്റെ കുലപതി വി.എം കുട്ടി മാസ്റ്റര്‍ ഒരു വര്‍ഷം മുമ്പ് ഉദ്ഘാടനം ചെയ്ത ഈ ഗ്രൂപ്പിന്റെ ഒന്നാം വാര്‍ഷികം ആംബിയന്റ് ഇവന്റ് മാനേജ്‌മെന്റിന്റെ സഹകരണത്തോടെ വിവിധ പരിപാടികളോടെ ദുബായ് ഗര്‍ഫൂദ് ജിജിഐസിഒ മെട്രോ സ്റ്റേഷനു സമീപമുള്ള കിന്റര്‍ഗാര്‍ഡന്‍ സ്റ്റാര്‍ട്ടേഴ്‌സ് സ്‌കൂള്‍ ഓഡിറ്റോറിയത്തില്‍ ഡിസംബര്‍ 27ന് (വെള്ളി) വൈകുന്നേരം അഞ്ചു മുതല്‍ നടക്കും.

നവോദയ സഹായ ഹസ്തം; ദുരിതത്തില്‍ അകപ്പെട്ട ഏഴു പേര്‍ ജീവിത പ്രതീക്ഷയിലേക്ക്

ട്രാവല്‍ ഏജന്‍സിയുടെ മോഹന വാഗ്ദാനത്തില്‍ പെട്ട് ഏഴു മലയാളികള്‍ ദുരിതത്തില്‍ അകപ്പെട്ടു. തിരുവനന്തപുരം ജില്ലയിലെ പേട്ടയിലെ ഈരാറ്റ് ട്രാവല്‍സ് മുഖേനെ 85,000 മുതല്‍ 90,000 രൂപ വീസക്ക് നല്കിയാണ് കഴിഞ്ഞ ഫെബ്രുവരി മൂന്നിന് എത്തിയ അഞ്ചു പേരും മാര്‍ച്ച് 15 ന് എത്തിയ രണ്ടു പേരുമാണ് ചതികുഴിയില്‍ അകപ്പെട്ടത്.

പേരാമ്പ്ര ജബലുന്നൂര്‍ ഇസ്‌ലാമിക് കോപ്ലക്‌സ്; ബഹ്‌റൈനില്‍ മെമ്പര്‍ഷിപ്പ് കാമ്പയിന് തുടക്കമായി

പ്രവാസി മലയാളികള്‍ക്ക് ഏറെ പ്രയോജനകരമായ നിരവധി സാസ്‌കാരിക പ്രവര്‍ത്തനങ്ങള്‍ ലക്ഷ്യംവച്ച് പ്രവര്‍ത്തിക്കുന്ന പേരാമ്പ്ര ജബലുന്നൂര്‍ ഇസ്‌ലാമിക് കോപ്ലക്‌സിന്റെ ബഹ്‌റൈന്‍ ചാപ്റ്റര്‍ 2014 ഏപ്രിലില്‍ ചേരാനിരിക്കുന്ന ജനറല്‍ ബോഡിക്കു മുമ്പായി ത്രിമാസ പ്രചാരണ പ്രവര്‍ത്തനങ്ങളും മെംബര്‍ഷിപ്പ് കാമ്പയിനും ആരംഭിച്ചു.

ഗള്‍ഫ് മേഖലയിലേക്കുള്ള വിമാനടിക്കറ്റ് നിരക്കുകള്‍ കൂട്ടി

കേരളത്തില്‍ നിന്നു ഗള്‍ഫ് മേഖലയിലേക്കുള്ള വിമാനടിക്കറ്റ് നിരക്കുകള്‍ എയര്‍ ഇന്ത്യയും വിദേശവിമാന കമ്പനികളും കുത്തനെ കൂട്ടി. ക്രിസ്മസ്, ദുബായ് ഫെസ്റ്റ്, ഉമ്ര തീര്‍ഥാടനം തുടങ്ങിയവ മുന്‍നിര്‍ത്തിയാണ് വിമാനകമ്പനികള്‍ ടിക്കറ്റ് നിരക്ക് ഇരട്ടി വര്‍ധിപ്പിച്ചിരിക്കുന്നത്. ഷാര്‍ജ, ദുബായ്, അബുദാബി, ഒമാന്‍, മസ്‌കറ്റ്, സൗദി അറേബ്യ, കുവൈറ്റ് മേഖലകളിലേക്കെല്ലാം നിലവിലെ ടിക്കറ്റിന്റെ ഇരട്ടി തുകയാണ് വിമാനകമ്പനികള്‍ ഈടാക്കുന്നത്. സൗദിയിലേക്കാണ് കനത്ത നിരക്ക് നല്‍കേണ്ടി വരുന്നത്. ഉംറ തീര്‍ഥാടനം ആരംഭിച്ചതോടെ സാധാരണ നിരക്ക് ലഭിക്കാന്‍ യാത്രക്കാര്‍ പ്രയാസപ്പെടുകയാണ്.

'മൈ മാസ്റ്റര്‍ ഹല പതിനാലാം രാവ് 2014' സ്വാഗത സംഘം രൂപീകരിച്ചു

കുവൈറ്റ് ആര്‍ട്ട് ആന്‍ഡ് കള്‍ച്ചറല്‍ സൊസൈറ്റിയുടെ സഹകരണത്തോടെ മാപ്പിള കല വേദി, കുവൈറ്റ് ദേശീയ ദിനത്തോടനുബന്ധിച്ച് സംഘടിപ്പിക്കുന്ന 'മൈ മാസ്റ്റര്‍ ഹല പതിനാലാം രാവ് 2014' നടത്തിപ്പിനായി വിപുലമായ സ്വാഗത സംഘം രൂപീകരിച്ചു.