Image

സിദ്ധിഖ്‌ ലാല്‍ സ്‌പീക്കിംഗ്‌ മെഗാഷോ ടിക്കറ്റ്‌ വില്‌പനോദ്‌ഘാടനം നിര്‍വഹിച്ചു

ജോയിച്ചന്‍ പുതുക്കുളം Published on 19 March, 2015
സിദ്ധിഖ്‌ ലാല്‍ സ്‌പീക്കിംഗ്‌ മെഗാഷോ ടിക്കറ്റ്‌ വില്‌പനോദ്‌ഘാടനം നിര്‍വഹിച്ചു
ഫിലാഡല്‍ഫിയ: ഫിലാഡല്‍ഫിയ ക്രിസ്റ്റോസ്‌ മാര്‍ത്തോമാ ചര്‍ച്ചിന്റെ നിര്‍മ്മാണ ധനശേഖരണാര്‍ത്ഥം 2015 മെയ്‌ 10-ന്‌ ഞായറാഴ്‌ച വൈകിട്ട്‌ 5 മണിക്ക്‌ ഫിലാഡല്‍ഫിയ ജോര്‍ജ്‌ വാഷിംഗ്‌ടണ്‍ ഹൈസ്‌കൂള്‍ ഓഡിറ്റോറിയത്തില്‍ വെച്ച്‌ നടത്തപ്പെടുന്ന `സിദ്ധിഖ്‌ ലാല്‍ സ്‌പീക്കിംഗ്‌' സ്റ്റേജ്‌ ഷോയുടെ ടിക്കറ്റ്‌ വില്‍പ്പനോദ്‌ഘാടനം മാര്‍ത്തോമാ സഭ നോര്‍ത്ത്‌ അമേരിക്ക-യൂറോപ്പ്‌ ഡയോസിഷന്‍ സെക്രട്ടറി റവ. ബിനോയ്‌ ജെ. തോമസ്‌ നിര്‍വഹിച്ചു.

ക്രിസ്റ്റോസ്‌ മാര്‍ത്തോമാ പള്ളി വികാരി റവ. വര്‍ഗീസ്‌ കെ. തോമസ്‌, റവ. എം. ജോണ്‍, വൈസ്‌ പ്രസിഡന്റ്‌ അലക്‌സ്‌ തോമസ്‌, പ്രോഗ്രാം കണ്‍വീനര്‍ ഷാജി മത്തായി, സെക്രട്ടറി ഷാന്‍ മാത്യു, ട്രസ്റ്റി തോമസ്‌ ജേക്കബ്‌, അക്കൗണ്ടന്റ്‌ ജോര്‍ജുകുട്ടി എം. കുഞ്ചാണ്ടി, ചര്‍ച്ച്‌ ബില്‍ഡിംഗ്‌ കമ്മിറ്റി കോ- കണ്‍വീനര്‍ തോമസ്‌ വര്‍ഗീസ്‌ തുടങ്ങിയവരുടേയും ഇടവക ജനങ്ങളുടേയും സാന്നിധ്യത്തില്‍ സ്റ്റേജ്‌ ഷോയുടെ മെഗാ സ്‌പോണ്‍സേഴ്‌സായ മാത്യു ഫിലിപ്പ്‌ (സജി കരിംകുറ്റി), മണിലാല്‍ മത്തായി എന്നിവര്‍ക്ക്‌ ആദ്യ ടിക്കറ്റുകള്‍ നല്‍കിയാണ്‌ ഉദ്‌ഘാടന കര്‍മ്മം നിര്‍വഹിച്ചത്‌.

മലയാള നര്‍മ സിനിമയുടെ മുഖഛായ തന്നെ മാറ്റിയ തിരക്കഥ-സംവിധാന ജോഡികളായ സിദ്ധിഖ്‌- ലാല്‍ നേതൃത്വം നല്‍കുന്ന ഈ ഹൃദ്യമായ കലാവിരുന്നില്‍ മുന്‍നിര താരങ്ങളായ ബിജു മേനോന്‍, ശ്രീനിവാസന്‍, ഭാവന, വിനീത്‌, വിജയരാഘവന്‍, ഹരിശ്രീ അശോകന്‍, പിന്നണിഗായകരായ അഫ്‌സല്‍, മഞ്‌ജരി, മിമിക്രി താരം സുധി തുടങ്ങിയവര്‍ പങ്കെടുക്കുന്നു.

അതിമനോഹരമായ ഈ പരിപാടി ആസ്വദിക്കുവാനും, ഈ സംരംഭം വന്‍ വിജയമാക്കുവാനും ഭാരവാഹികള്‍ ക്ഷണിക്കുന്നു. ക്രിസ്റ്റോസ്‌ മാര്‍ത്തോമാ ചര്‍ച്ചിനുവേണ്ടി ജോര്‍ജ്‌ കുഞ്ചാണ്ടി അറിയിച്ചതാണിത്‌.
സിദ്ധിഖ്‌ ലാല്‍ സ്‌പീക്കിംഗ്‌ മെഗാഷോ ടിക്കറ്റ്‌ വില്‌പനോദ്‌ഘാടനം നിര്‍വഹിച്ചു
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക